സെവന്സ് ഫുട്ബോള് ടൂർണമെന്റ് ഇന്നു തുടങ്ങും
1539897
Saturday, April 5, 2025 7:18 AM IST
ചങ്ങനാശേരി: ബൊക്കാ ജൂണിയേഴ്സ് സംഘടിപ്പിക്കുന്ന അഡ്വ.എ.എം. കല്യാണ കൃഷ്ണന് നായര് എക്സ് എംഎല്എ മെമ്മോറിയല് എവറോളിംഗ് ട്രോഫിക്കുവേണ്ടിയുള്ള അഖിലേന്ത്യാ സെവന്സ് ഫുട്ബോള് ടൂര്ണമെന്റ് ഇന്ന് രാത്രി ഏഴിന് പെരുന്ന കുഴിമണ്ണില് ഫ്ളെഡ്ലിറ്റ് സ്റ്റേഡിയത്തില് ആരംഭിക്കും.
ഡെപ്യൂട്ടി സ്പീക്കര് ചിറ്റയം ഗോപകുമാര് ഉദ്ഘാടനം ചെയ്യും. കെ. മാധവന് പിള്ള പതാക ഉയര്ത്തും. രക്ഷാധികാരി രാജാ അബ്ദുള് ഖാദര് അധ്യക്ഷത വഹിക്കും. ജോബ് മൈക്കിള് എംഎല്എ, മുനിസിപ്പല് ചെയര്പേഴ്സൺ കൃഷ്ണകുമാരി രാജശേഖരന്, വൈസ് ചെയര്മാന് മാത്യൂസ് ജോര്ജ്, കൗണ്സിലര് പ്രസന്നകുമാരി, ടോണി പുളിക്കല്, നൗഫല് നാസര്, നിസാര് അഹമ്മദ് എന്നിവര് പ്രസംഗിക്കും.