വൈക്കം:​ എ​ട്ടു കൈ​ക​ളു​മാ​യി ആ​ദ്യ ദി​നം ഭ​ദ്ര​കാ​ളി​യു​ടെ ക​ളം തെ​ളി​ഞ്ഞ​തോ​ടെ വൈ​ക്കം മ​ഹാ​ദേ​വ​ക്ഷേ​ത്ര​ത്തി​ലെ വ​ട​ക്കു​പു​റ​ത്ത് പാ​ട്ടി​ന് തു​ട​ക്ക​മാ​യി. 13 വ​രെ​യാ​ണ് വ​ട​ക്കു​പു​റ​ത്ത് പാ​ട്ട് ന​ട​ക്കു​ന്ന​ത്. ക്ഷേ​ത്ര​ത്തി​ന്‍റെ വ​ട​ക്കേ​ന​ട​യി​ൽ പ്ര​ത്യേ​കം ത​യാ​റാ​ക്കി​യ നെ​ടു​മ്പു​ര​യി​ലെ ത​റ​യി​ലാ​ണ് വ​ട​ക്കു​പു​റ​ത്ത് പാ​ട്ടി​നാ​യി ഭ​ദ്ര​കാ​ളി​യു​ടെ ക​ളം വ​ര​യ്ക്കു​ന്ന​ത്.

ഇ​ന്ന​ലെ വ​ട​ക്കു​പു​റ​ത്ത് പാ​ട്ടി​നാ​യി പ്ര​ത്യേ​കം ത​യാ​റാ​ക്കി​യ ക​ളം എ​ഴു​തു​ന്ന സ്ഥ​ല​ത്തു മു​ഖം വ​രു​ന്ന ഭാ​ഗ​ത്ത് പീ​ഠം വ​ച്ച് കൊ​ടു​ങ്ങ​ല്ലൂ​ര​മ്മ​യു​ടെ സാ​ന്നി​ധ്യം വ​രു​ത്തി ഗ​ണ​പ​തിവി​ള​ക്ക് വ​ച്ചു. തു​ട​ർ​ന്ന് ഗു​രു ഗ​ണ​പ​തി ഭ​ഗ​വ​തി സ​ങ്ക​ൽ​പ്പ​ത്തി​ൽ ഒ​രു​ക്കു​വ​ച്ച് ഉ​ച്ച​പാ​ട്ട് ന​ട​ത്തി.

തു​ട​ർ​ന്ന് ക​ളം എ​ഴു​ത്തി​ന് ഇ​ക്കു​റി ചു​മ​ത​ല​പ്പെ​ട്ടി​രു​ന്ന പു​തു​ശേ​രി കു​ടും​ബ​ത്തി​ൽ നി​ന്നു​ള്ള 25ല​ധി​കം ക​ലാ​കാ​ര​ന്മാ​രു​ടെ നേ​തൃ​ത്വ​ത്തി​ൽ ആ​ദ്യ ദി​നം എ​ട്ടു കൈ​യു​ള്ള ഭ​ദ്ര​കാ​ളി​യു​ടെ ക​ളം വ​ര​ച്ചു.​ ക​ള​ത്തി​ന് ചു​റ്റി​ലും പൂ​ക്ക​ൾ, തോ​ര​ണം, കു​രു​ത്തോ​ല, കൊ​ടി​ക്കൂ​റ​ക​ൾ , പ​ഴ​ങ്ങ​ൾ എ​ന്നി​വ​യെ​ല്ലാം വ​ച്ചാ​ണ് ക​ളം അ​ല​ങ്ക​രി​ച്ച​ത്.