മു​ണ്ട​ക്ക​യം ഈ​സ്റ്റ്‌: മു​ണ്ട​ക്ക​യം മു​പ്പ​ത്ത​ഞ്ചാം​മൈ​ൽ-​വ​ണ്ട​ൻ​പ​താ​ൽ റോ​ഡി​ൽ നെ​ടും​തോ​ടി​നു കൂറു​കെ​യു​ള്ള പാ​ല​ത്തി​ന്‍റെ വീതി​കൂ​ട്ട​ൽ അ​നി​ശ്ചി​ത​മാ​യി നീളു​ന്നു.

റോ​ഡ് വി​ക​സ​ന​ത്തി​ന്‍റെ ഭാ​ഗ​മാ​യി ഏ​താ​നും വ​ർ​ഷ​ങ്ങ​ൾ​ക്കു​മു​മ്പ് നെ​ടും​തോ​ടി​നു കു​റു​കെ​യു​ള്ള പാ​ലം വീ​തി കൂ​ട്ടു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ച്ചെ​ങ്കി​ലും തൂ​ണു​ക​ളു​ടെ നി​ർ​മാ​ണം മാ​ത്ര​മാ​ണ് പൂ​ർ​ത്തി​യാ​യ​ത്. അ​ന്ന് നി​യ​മ​ക്കു​രു​ക്കി​ൽ​പ്പെ​ട്ടാ​ണ് നി​ർ​മാ​ണ​പ്ര​വ​ർ​ത്ത​നം നി​ല​ച്ച​ത്. പിന്നീ​ട് തു​ട​ർ​നട​പ​ടി​ക​ളൊ​ന്നും ഉ​ണ്ടാ​യി​ല്ല.

ഇ​പ്പോ​ൾ പാ​ല​ത്തി​ന്‍റെ ഒ​രു വ​ശ​ത്തു​കൂ​ടി മാ​ത്ര​മാ​ണ് വാ​ഹ​ന​ങ്ങ​ൾ​ക്കു ക​ട​ന്നു​പോ​കു​വാ​ൻ ക​ഴി​യു​ന്ന​ത്. മ​റു​ഭാ​ഗ​ത്തു തൂ​ണു​ക​ൾ മാ​ത്ര​മാ​ണു​ള്ള​ത്. വീ​തി കു​റ​ഞ്ഞ റോ​ഡി​ലൂ​ടെ വാ​ഹ​ന​ങ്ങ​ൾ ക​ട​ന്നു​വ​രു​മ്പോ​ൾ കാ​ൽ​ന​ട യാ​ത്ര​ക്കാ​ർ​ക്ക​ട​ക്കം വ​ലി​യ ബു​ദ്ധി​മുട്ട് സൃ​ഷ്ടി​ക്കു​ക​യാ​ണ്. ശ​ബ​രി​മ​ല തീ​ർ​ഥാ​ട​നകാ​ല​ത്ത് നി​ര​വ​ധി വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്. മു​ണ്ട​ക്ക​യം ടൗ​ണി​ൽ പ്ര​വേ​ശി​ക്കാ​തെ കോരു​ത്തോ​ട്ടി​ലേ​ക്ക് എ​ളു​പ്പ​ത്തിൽ എ​ത്താ​വു​ന്ന വ​ഴി കൂ​ടി​യാ​ണി​ത്.

മു​പ്പ​ത്ത​ഞ്ചാം​മൈ​ലി​ൽ​നി​ന്നു വ​ണ്ട​ൻ​പ​താ​ലി​ലേ​ക്കു വാ​ഹ​ന​ങ്ങ​ൾ തി​രി​ഞ്ഞു ക​യ​റു​ന്ന ഭാ​ഗ​ത്തെ റോ​ഡി​നും ഇ​തി​നോ​ടു ചേ​ർ​ന്നു​ള്ള പാ​ല​ത്തി​നും മ​തി​യാ​യ വീ​തി​യി​ല്ല. അ​തു​കൊ​ണ്ടു​ത​ന്നെ വാ​ഹ​ന​ങ്ങ​ൾ ദേ​ശീ​യ​പാ​ത​യി​ൽ​നി​ന്നു വ​ണ്ട​ൻ​പ​താ​ൽ റോ​ഡി​ലേ​ക്കു പ്ര​വേ​ശി​ക്കു​മ്പോ​ൾ ഇ​വി​ടെ ഗ​താ​ഗ​ത​ക്കു​രു​ക്കും നി​ത്യ​സം​ഭ​വ​മാ​ണ്. റോ​ഡി​ന്‍റെ​യും പാ​ല​ത്തി​ന്‍റെ​യും വീ​തി കൂ​ട്ടി മേ​ഖ​ല​യി​ലെ വാ​ഹ​ന​യാ​ത്ര സു​ഗ​മ​മാക്ക​ണ​മെ​ന്ന ആ​വ​ശ്യം ശ​ക്ത​മാ​യി.