കായികാധ്യാപകരുടെ വാർഷിക സമ്മേളനവും യാത്രയയപ്പും
1539267
Thursday, April 3, 2025 6:56 AM IST
ഈരാറ്റുപേട്ട: എംജി യൂണിവേഴ്സിറ്റിയിലെ കായിക അധ്യാപക സംഘടനയുടെ വാർഷിക സംഗമവും അധ്യാപകർക്കുള്ള യാത്രയയപ്പും ഇന്നും നാളെയും കെഡിഎച്ച്പി ക്ലബ്ബിൽ നടക്കും. ഇന്ന് എംജി യൂണിവേഴ്സിറ്റിയിലെ വിവിധ കോളജുകളിൽനിന്നുള്ള കായികാധ്യാപകരുടെ സ്പോർട്സ് മത്സരങ്ങളും വാർഷിക സമ്മേളനവും നടക്കും.
നാളെ ഈ വർഷം വിരമിക്കുന്ന കായികാധ്യാപകരായ ഡോ.ജോർജ് ജോസഫ് (കായിക വിഭാഗം മേധാവി, ഗവൺമെന്റ് കോളജ് കോട്ടയം), ഡോ. കെ.എം. ബെന്നി (പ്രിൻസിപ്പൽ, സെന്റ് ജോസഫ് ട്രെയിനിംഗ് കോളജ് മാന്നാനം) ഡോ.കെ.പി. സജിലാൽ ( മുൻ കായിക വിഭാഗം മേധാവി, ഡിബി കോളജ്, തലയോലപ്പറമ്പ് ) എന്നിവർക്ക് യാത്രയയപ്പ് നൽകും.
യാത്രയയപ്പ് സമ്മേളനത്തിൽ അസോസിയേഷൻ ഓഫ് കോളജ് ടീച്ചേഴ്സ് ഇൻ ഫിസിക്കൽ എജുക്കേഷൻ പ്രസിഡന്റ് ജോസ് സേവ്യർ അധ്യക്ഷത വഹിക്കും. സിൻഡിക്കറ്റംഗം ഡോ. ബിജു തോമസ്, യൂണിവേഴ്സിറ്റി ഫിസിക്കൽ എഡ്യൂക്കേഷൻ ഡയറക്ടർ ഡോ. ബിനു ജോർജ് വർഗീസ് എന്നിവർ മുഖ്യാതിഥികളായിരിക്കും.
സെക്രട്ടറി കെ.ജി. ഹനീഫ, ട്രഷറർ ഡോ. വിയാനി ചാർലി എന്നിവർ പ്രസംഗിക്കും.