കോട്ടയത്ത് ഇന്നു മുതല്‍ വചനാഭിഷേകം
1538954
Wednesday, April 2, 2025 6:55 AM IST
കോട്ടയം: കോട്ടയത്ത് ഇന്നു മുതല്‍ വചനാഭിഷേകം കോട്ടയം കാത്തലിക് മൂവ്മെന്‍റിന്‍റെയും കോട്ടയം കരിസ്മാറ്റിക് സോണിന്‍റെയും സംയുക്താഭിമുഖ്യത്തില്‍ നടത്തുന്ന കോട്ടയം ബൈബിള്‍ കണ്വന്ഷന് ഇന്നു നാഗമ്പടം സെന്‍റ് ആന്‍റണീസ് തിരുശേഷിപ്പ് തീര്‍ഥാടന കേന്ദ്രത്തില്‍ ആരംഭിക്കും.
കണ്‍വന്‍ഷന്‍റെ ഭാഗമായി 1,500 വിശുദ്ധരുടെ തിരുശേഷിപ്പു വണക്കവും ഇന്നു രാവിലെ തുടക്കമാകും. കണ്വന്ഷന് ദിവസങ്ങളില്‍ രാവിലെ ഒമ്പതു മുതല്‍ രാത്രി 10 വരെയുള്ള സമയങ്ങളില്‍ തിരുശേഷിപ്പുകള്‍ വണങ്ങി പ്രാര്‍ഥിക്കുന്നതിനും സൗകര്യമുണ്ട്.
ഉച്ചകഴിഞ്ഞു മൂന്നു മുതല്‍ രാത്രി ഒമ്പതു വരെ നടക്കുന്ന കണ്‍വന്‍ഷനു തൃശൂര്‍ തലോര്‍ ജറുസലേം ധ്യാനകേന്ദ്രത്തിലെ ഫാ. ഡോവീസ് പട്ടത്ത് ആന്‍ഡ് ടീം നേതൃത്വം നല്‍കും. വൈകുന്നേരം നാലിനു തിരുവല്ല ആര്‍ച്ച് ബിഷപ് തോമസ് മാര്‍ കൂറിലോസ് വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയും കണ്വന്ഷന് ഉദ്ഘാടനം ചെയ്യുകയും ചെയ്യും.
എല്ലാ ദിവസവും ഉച്ചകഴിഞ്ഞു മൂന്നിനു കരുണകൊന്തയോടെ കണ്വന്ഷന് ആരംഭിക്കും. തുടര്‍ന്നു ജപമാല. നാലിന് വിശുദ്ധ കുര്‍ബാന, അനുഗ്രഹപ്രഭാഷണം. അഞ്ചിന് വചനപ്രഘോഷണം. രാത്രി 8.30ന് ദിവ്യകാരുണ്യ ആരാധനയോടെ കണ്വന്ഷന് സമാപിക്കും.