ച​ങ്ങ​നാ​ശേ​രി: കേ​ര​ളം സ​മ്പൂ​ര്‍ണ ശു​ചി​ത്വ സം​സ്ഥാ​ന​മാ​ക്കി മാ​റ്റു​ന്ന​തി​നാ​യി സം​സ്ഥാ​ന സ​ര്‍ക്കാ​ര്‍ പ്ര​ഖ്യാ​പി​ച്ചി​ട്ടു​ള്ള "മാ​ലി​ന്യ മു​ക്തം ന​വ​കേ​ര​ളം' പ​ദ്ധ​തി​യോടു ചേ​ര്‍ന്ന് കേ​ര​ള സ്റ്റേ​റ്റ് ലൈ​ബ്ര​റി കൗ​ണ്‍സി​ല്‍ വി​ഭാ​വ​നം ചെ​യ്ത ഹ​രി​ത ഗ്ര​ന്ഥാ​ല​യ പ്ര​വ​ര്‍ത്ത​നം ഇ​ത്തി​ത്താ​നം മു​ട്ട​ത്തു​ വ​ര്‍ക്കി മെ​മ്മോ​റി​യ​ല്‍ ലൈ​ബ്ര​റി​യി​ലും ലൈ​ബ്ര​റി​യു​ടെ പ്ര​വ​ര്‍ത്ത​നമേ​ഖ​ല​യാ​യ പ്ര​തി​ഭാ​ഗ്രാ​മ​ത്തി​ലും ന​ട​പ്പി​ലാ​ക്കി​കൊ​ണ്ട് ഹ​രി​ത ഗ്ര​ന്ഥാ​ല​യ​മാ​യി കു​റി​ച്ചി പ​ഞ്ചാ​യ​ത്ത് പ്ര​സി​ഡന്‍റ് സു​ജാ​ത സു​ശീ​ല​ന്‍ പ്ര​ഖ്യാ​പി​ച്ചു.

ലൈ​ബ്ര​റി പ്ര​സി​ഡ​ന്‍റ് ഡോ. ​സാ​ജു ക​ണ്ണ​ന്ത​റ​യു​ടെ അ​ധ്യ​ക്ഷ​ത​യി​ല്‍ ചേ​ര്‍ന്ന യോ​ഗ​ത്തി​ല്‍ പ​ള്ളം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് പ്ര​ഫ. ടോ​മി​ച്ച​ന്‍ ജോ​സ​ഫ് ശു​ചി​ത്വ ബോ​ധ​വ​ത്ക​ര​ണ പ്ര​ഭാ​ഷ​ണം ന​ട​ത്തി. കു​റി​ച്ചി പ​ഞ്ചാ​യ​ത്ത് മെം​ബ​ര്‍ ലൂ​സി ജോ​സ​ഫ്, ക​ല്ല​ട ഐ ​കെ​യ​ര്‍ ഹോ​സ്പി​റ്റ​ല്‍ സി​ഇ​ഒ കെ.​കെ. അ​ല​ക്‌​സാ​ണ്ട​ര്‍, ലൈ​ബ്ര​റി സെ​ക്ര​ട്ട​റി ജോ​ര്‍ജു​കു​ട്ടി പ​ന​ച്ചി​ങ്ക​ല്‍, മ​നോ​ജ് മു​ള​പ്പ​ഞ്ചേ​രി, എം.​ജെ. വി​ന​യ​ച​ന്ദ്ര​ന്‍, ബീ​ത ജോ​ണ്‍സ​ണ്‍ എ​ന്നി​വ​ര്‍ പ്ര​സം​ഗി​ച്ചു.

ലൈ​ബ്ര​റി​യി​ലും ലൈ​ബ്ര​റി​യു​ടെ പ്ര​വ​ര്‍ത്ത​നമേ​ഖ​ല​യാ​യ പ്ര​തി​ഭാ ഗ്രാ​മ​ത്തി​ലും ഒ​രു മാ​സ​ത്തോ​ളം നീ​ണ്ട നി​ര​വ​ധി പ്ര​വ​ര്‍ത്ത​ന​ങ്ങ​ളു​ടെ ഫ​ല​മാ​യി​ട്ടാ​ണ് മു​ട്ട​ത്തു വ​ര്‍ക്കി മെ​മ്മോ​റി​യ​ല്‍ ലൈ​ബ്ര​റി ഹ​രി​ത ഗ്ര​ന്ഥ​ശാ​ല​യാ​യി പ്ര​ഖ്യാ​പി​ക്ക​പ്പെ​ട്ട​ത്.