ച​ങ്ങ​നാ​ശേ​രി: ത​ല​മു​റ​ക​ള്‍ക്ക് അ​ക്ഷ​ര​പു​ണ്യം പ​ക​ര്‍ന്ന തോ​ട്ട​യ്ക്കാ​ടി​ന്‍റെ ആ​ശാ​ട്ടി​ എന്ന പാ​ര്‍വ​തി​യ​മ്മ വി​ട​വാ​ങ്ങി. ഇ​ന്ന​ലെ വൈ​കു​ന്നേ​ര​മാ​ണ് 106-ാംവ​യ​സി​ല്‍ ഇ​വ​ര്‍ അ​ക്ഷ​ര​ലോ​ക​ത്തു​നി​ന്നു യാ​ത്ര​യാ​യ​ത്.

എ​ട്ടു​പ​തി​റ്റാ​ണ്ടോ​ളം ത​ന്‍റെ നി​ല​ത്തെ​ഴു​ത്തു ക​ള​രി​യി​ലെ​ത്തി​യ ആ‍യിരക്ക​ണ​ക്കി​നു കു​രു​ന്നു​ക​ള്‍ക്ക് ആ​ദ്യാ​ക്ഷ​രം കു​റി​ച്ച പാ​ര്‍വ​തി​യ​മ്മ​യു​ടെ വി​യോ​ഗം ത​ല​മു​റ​ക​ള്‍ക്ക് ദുഃഖമായി. പ്രാ​യാ​ധി​ക്യ​ത്തെ​ത്തു​ട​ര്‍ന്ന് ഏ​താ​നും വ​ര്‍ഷ​ം മു​മ്പ് പാ​ര്‍വ​തി​യ​മ്മ നി​ല​ത്തെ​ഴു​ത്ത് ക​ള​രി നി​ര്‍ത്തി​യി​രു​ന്നെ​ങ്കി​ലും വി​ജ​യ​ദ​ശ​മി ദി​ന​ങ്ങ​ളി​ല്‍ ആ​ദ്യാ​ക്ഷ​രം കു​റി​ക്കാ​ന്‍ പാ​ര്‍വ​തി​യ​മ്മ​യു​ടെ അ​ടു​ത്ത് കു​ട്ടി​ക​ളു​മാ​യി മാ​താ​പി​താ​ക്ക​ള്‍ എ​ത്തു​മാ​യി​രു​ന്നു.

നാ​ടി​ന്‍റെ മു​ത്ത​ശി​കൂ​ടി​യാ​യ പാ​ര്‍വ​തി​യ​മ്മ​യോ​ടു​ള്ള ആ​ദ​ര​സൂ​ച​ക​മാ​യി ഇ​വ​രു​ടെ വീ​ടി​നു സ​മീ​പ​ത്തു​ള്ള ക​ക്കാ​ട്ടു​പ​ടി-​ശി​വ​ക്ഷേ​ത്രം റോ​ഡി​ന് വാ​ക​ത്താ​നം പ​ഞ്ചാ​യ​ത്ത് "ആ​ശാ​ട്ടി​യ​മ്മ റോ​ഡ്' എ​ന്നു നാ​മ​ക​ര​ണം ചെ​യ്തു ക​മാ​നം സ്ഥാ​പി​ച്ച​ത് ശ്ര​ദ്ധേ​യ​മാ​യി​രു​ന്നു.

1918 ജൂ​ലൈ​യി​ല്‍ തോ​ട്ട​യ്ക്കാ​ട് വി​ല​ക്കു​ന്ന​ത്ത് നാ​രാ​യ​ണ​ന്‍ നാ​യ​രു​ടെയും പ​ങ്ക​ജാ​ക്ഷി​യ​മ്മ​യു​ടെയും മ​ക​ളാ​യാ​ണ് ജ​ന​നം. ര​ണ്ടാം​ക്ലാ​സ് മാ​ത്ര​മാ​ണ് വി​ദ്യാ​ഭ്യാ​സ​മെ​ങ്കി​ലും മ​ല​യാ​ള​ത്തി​ലും ക​ണ​ക്കി​ലും പാ​ര്‍വ​തി​യ​മ്മ​ക്ക് ന​ല്ല പ്രാ​വീ​ണ്യ​മാ​യി​രു​ന്നു. അ​മ്മ​യു​ടെ മാ​തൃ​ക പി​ന്‍തു​ട​ര്‍ന്നാ​ണ് പാ​ര്‍വ​തി​യ​മ്മ നി​ല​ത്തെ​ഴു​ത്ത് ക​ള​രി​യി​ലേ​ക്കു തി​രി​ഞ്ഞ​ത്.

പാ​ര്‍വ​തി​യ​മ്മ​യു​ടെ ഭ​ര്‍ത്താ​വ് മു​ക്കാ​ട്ട് രാ​ഘ​വ​ക്കു​റു​പ്പ് 24-ാമ​ത്തെ വ​യ​സി​ല്‍ മ​ര​ണ​പ്പെ​ട്ടെ​ങ്കി​ലും ജീ​വി​ത​ത്തി​ലെ വെ​ല്ലു​വി​ളി​ക​ളോ​ടു പൊ​രു​തി നേ​ടി​യ വി​ജ​യ​ക​ഥ​യാ​ണ് ഇ​വ​രു​ടെ ജീ​വി​ത​ത്തി​നു​ള്ള​ത്. ആ​ശാ​ട്ടി​യ​മ്മ​യു​ടെ നൂ​റാം​ ജ​ന്മ​ദി​നം തോ​ട്ട​യ്ക്കാ​ടി​ന് വ​ലി​യ ആ​ഘോ​ഷ​മാ​യി​രു​ന്നു. പാ​ര്‍വ​തി​യ​മ്മ​യു​ടെ സം​സ്‌​കാ​രം ഇ​ന്നു മൂ​ന്നി​നു തോ​ട്ട​യ്ക്കാ​ട് പാ​റ​പ്പ​യി​ലു​ള്ള വീ​ട്ടു​വ​ള​പ്പി​ല്‍ ന​ട​ക്കും.