മു​ണ്ട​ക്ക​യം: അ​മി​ത വേ​ഗ​ത​യും അ​ശ്ര​ദ്ധ​മാ​യ ഡ്രൈ​വിം​ഗും ദേ​ശീ​യ​പാ​ത​യി​ൽ അ​പ​ക​ട​ങ്ങ​ൾ​ക്കു കാ​ര​ണ​മാ​കു​ന്നു. ക​ഴി​ഞ്ഞ ഒ​രാ​ഴ്ച​യ്ക്കി​ടെ മു​ണ്ട​ക്ക​യം ടൗ​ണി​ൽ മാ​ത്രം ന​ട​ന്ന​ത് അ​ഞ്ച് അ​പ​ക​ട​ങ്ങ​ളാ​ണ്. ഇ​തി​ൽ ഒ​രാ​ളു​ടെ ജീ​വ​ൻ ന​ഷ്ട​മാ​യി. ര​ണ്ടു​പേ​ർ​ക്കു ഗു​രു​ത​ര പ​രി​ക്കേ​റ്റു.

ഞാ​യ​റാ​ഴ്ച രാ​ത്രി ഒ​ന്പ​തോ​ടെ മു​ണ്ട​ക്ക​യം ടൗ​ണി​ൽ പെ​ട്രോ​ൾ പ​മ്പി​നു സ​മീ​പം ദേ​ശീ​യ​പാ​ത​യി​ൽ ജീ​പ്പും ബൈ​ക്കും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ പാ​ലൂ​ർ​ക്കാ​വ് സ്വ​ദേ​ശി​യാ​യ മൂ​ല​യി​ൽ ഓ​മ​ന​യു​ടെ മ​ക​ൻ അ​ജി​ത്ത് (23) മ​രി​ച്ചു. പാ​ലൂ​ർ​ക്കാ​വ് സ്വ​ദേ​ശി നെ​ല്ലി​യാ​നി​യി​ൽ സി​ബി​ച്ച​ന്‍റെ മ​ക​ൻ ഷൈ​നെ ഗു​രു​ത​ര പ​രു​ക്കു​ക​ളോ​ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഞാ​യ​റാ​ഴ്ച രാ​ത്രി എ​ട്ടോ​ടെ വൈ​എം​സി​എ ജം​ഗ്ഷ​നു സ​മീ​പം കാ​റും ഓ​ട്ടോ​യും കൂ​ട്ടി​യി​ടി​ച്ചു ഓ​ട്ടോ​റി​ക്ഷ ഡ്രൈ​വ​ർ​ക്കു പ​രി​ക്കേ​റ്റു. ശ​നി​യാ​ഴ്ച വൈ​കു​ന്നേ​രം പൈ​ങ്ങ​ന എ​സ്എ​ൻ​ഡി​പി​ക്കു​സ​മീ​പം റോ​ഡു മു​റി​ച്ചു ക​ട​ന്ന യാ​ത്ര​ക്കാ​ര​നെ ഓ​ട്ടോ​റി​ക്ഷ ഇ​ടി​ച്ചു തെ​റി​പ്പി​ച്ചി​രു​ന്നു. അ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ മ​ധ്യ​വ​യ​സ്ക​നെ ഉ​ട​ൻ​ത​ന്നെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ക​ഴി​ഞ്ഞ ഒ​രാ​ഴ്ച​യ്ക്കി​ടെ പൈ​ങ്ങ​നാ​യി​ലും ചി​റ്റ​ടി​ക്കു സ​മീ​പ​വും വാ​ഹ​നാ​പ​ക​ട​ങ്ങ​ൾ ന​ട​ന്നി​രു​ന്നു. ഒ​രു മാ​സം​മു​മ്പു മു​റി​ഞ്ഞ​പു​ഴ​ക്കു​സ​മീ​പം ദേ​ശീ​യ​പാ​ത​യി​ൽ ബൈ​ക്ക് അ​പ​ക​ട​ത്തി​ൽ​പ്പെ​ട്ട യു​വാ​വ് മ​രി​ച്ചി​രു​ന്നു. കൂ​ടു​ത​ലും അ​പ​ക​ട​ത്തി​ൽ​പ്പെ​ടു​ന്ന​ത് ഇ​രു​ച​ക്ര വാ​ഹ​ന​ങ്ങ​ളും യു​വാ​ക്ക​ളു​മാ​ണ്.

ദേ​ശീ​യ​പാ​ത​യി​ൽ വാ​ഹ​ന​ങ്ങ​ളു​ടെ എ​ണ്ണം വ​ർ​ധി​ച്ച​തും ല​ഹ​രി ഉ​പ​യോ​ഗി​ച്ചു​ള്ള വാ​ഹ​ന ഡ്രൈ​വിം​ഗും അ​പ​ക​ട​ങ്ങ​ളു​ടെ എ​ണ്ണം വ​ർ​ധി​പ്പി​ക്കു​ക​യാ​ണ്.