വൈക്കം:​ വൈ​ദ്യു​തിചാ​ർ​ജ് അ​ട​ച്ചി​ല്ലെ​ന്ന് ആ​രോ​പി​ച്ച് കെഎ​സ് ഇബി അ​ധി​കൃ​ത​ർ വൈ​ക്കം ജോ​യിന്‍റ് ആ​ർ​ടി ഓ​ഫീ​സി​ലെ വൈ​ദ്യു​തി വി​ച്ഛേ​ദി​ച്ചു. ഇതേത്തു​ട​ർ​ന്ന് ഒ​ന്ന​ര മ​ണി​ക്കൂ​റോ​ളം ഓ​ഫീ​സി​ന്‍റെ പ്ര​വ​ർ​ത്ത​നം ത​ട​സ​പ്പെ​ട്ടു.

ഇ​ന്ന​ലെ രാ​വി​ലെ 9.30നാ​ണ് വൈ​ദ്യു​തി വി​ച്ഛേ​ദി​ച്ച​ത്. ക​ടു​ത്ത പ്ര​തി​ഷേ​ധ​മു​യ​ർ​ന്ന​തോ​ടെ 11.45ന് വൈ​ദ്യു​തിബ​ന്ധം പു​നഃ​സ്ഥാ​പി​ച്ചു. അപ്പോഴേക്കും വി​വി​ധ ആ​വ​ശ്യ​ങ്ങ​ളു​മാ​യി ദൂ​രസ്ഥ​ല​ങ്ങ​ളി​ൽ നി​ന്ന് എ​ത്തി​യ നി​ര​വ​ധി​പ്പേർ സേ​വ​നം ല​ഭി​ക്കാ​തെ മ​ട​ങ്ങി​യി​രു​ന്നു.

ആ​ർ​ടി ഓ​ഫീ​സു​ക​ളു​ടെ വൈ​ദ്യു​ത ചാ​ർ​ജ് ഹെ​ഡ് ഓ​ഫീ​സ് വ​ഴി​യാ​ണ് കെ​എ​സ്ഇ​ബി​യി​ൽ അ​ട​യ്ക്കു​ന്ന​ത്. 1000 രൂ​പ​യോ​ള​മാ​ണ് വൈ​ക്കം ആ​ർ​ടി ഓ​ഫീ​സി​ലെ വൈ​ദ്യു​തി ചാ​ർ​ജ്. ഈ ​തു​ക ഹെ​ഡ് ഓ​ഫീ​സി​ൽനി​ന്ന് അ​ട​ച്ചി​രു​ന്നു. നി​ല​വി​ൽ ഫെ​ബ്രു​വ​രി മു​ത​ലു​ള്ള തു​ക അ​ട​യ്ക്കാ​നു​ണ്ടെ​ങ്കി​ലും അ​തി​ന്‍റെ ഡി​സ്ക​ണ​ക‌്ഷ​ൻ തീയ​തി ഏ​പ്രി​ലിലാ​ണ്.

തെ​റ്റി​ദ്ധാ​ര​ണ​മൂ​ല​മാ​ണ് വൈ​ദ്യു​തി വി​ച്ഛേ​ദി​ക്കു​ന്ന​തെ​ന്നും പ​ണ​മ​ട​ച്ച​ത് പ​രി​ശോ​ധി​ക്ക​ണ​മെ​ന്നും കെഎ​സ്ഇബി അ​ധി​കൃ​ത​രോ​ട് പ​റ​ഞ്ഞെ​ങ്കി​ലും അത് അം​ഗീ​ക​രി​ക്കാ​തെ വൈ​ദ്യു​തി വി​ച്ഛേ​ദി​ക്കു​ക​യാ​യി​രു​ന്നെ​ന്ന് വൈ​ക്കം ജോ​യിന്‍റ് ആ​ർ​ടി​ഒ പറഞ്ഞു.