വെച്ചൂ​ർ:​ വേ​മ്പ​നാ​ട്ടു​കാ​യ​ലും നാ​ട്ടു​തോ​ടും ചേ​രു​ന്നി​ട​​ത്ത് ഓ​രു​വെ​ള്ള​ത്തെ ത​ട​യു​ന്ന​തി​നാ​യി സ്ഥാ​പി​ക്കു​ന്ന അ​ഞ്ചു​മ​ന ഓ​രു​മു​ട്ടി​നു പ​ക​രം ഷ​ട്ട​റോ​ടു​കൂ​ടി​യ ചീ​പ്പ് നി​ർ​മിക്കാ​ൻ പ​ഞ്ചാ​യ​ത്ത് പ​ദ്ധ​തി.

27, 62,870 രൂ​പ​യാ​ണ് പ​ഞ്ചാ​യ​ത്ത് ചീ​പ്പ് നി​ർ​മിക്കാ​ൻ ബ​ജ​റ്റി​ൽ വ​ക​യി​രു​ത്തി​യി​രി​ക്കു​ന്ന​ത്. അ​ഞ്ചുമ​ന​മു​ട്ടട​ക്കം 3.75 ല​ക്ഷം രൂ​പ വി​നി​യോ​ഗി​ച്ച് 11 ഓ​രുമു​ട്ടു​ക​ളാ​ണ് പ​ഞ്ചാ​യ​ത്ത് കൃ​ഷി​സം​ര​ക്ഷ​ണ​ത്തി​നാ​യി ഇ​ട്ടു​വ​രു​ന്ന​ത്. ഇ​തി​ൽ വ​ലു​താ​ണ് അ​ഞ്ചു​മ​ന ഓ​രു​മു​ട്ട്.

വേ​മ്പ​നാ​ട്ടു​കാ​യ​ലി​ൽ വേ​ലി​യേ​റ്റ​മു​ണ്ടാ​കു​മ്പോ​ൾ തോ​ട് ക​ര​ക​വി​ഞ്ഞ് ഇ​രു​ക​ര​ക​ളി​ലും പു​റം ബ​ണ്ടി​ന​ക​ത്തു​മു​ള്ള 50ഓ​ളം കു​ടും​ബ​ങ്ങ​ൾ വെ​ള്ള​പ്പൊ​ക്ക ദു​രി​ത​ത്തി​ലാ​കും.

തോ​ടി​നു കി​ഴ​ക്ക് ഭാ​ഗ​ത്തെ 50 ഏ​ക്ക​ർ വി​സ്തൃ​തി​യു​ള്ള ക​ട്ട​പ്പു​റം മു​രി​യ​ൻ​കേ​രി പാ​ട​ശേ​ഖ​ര​ത്തി​ൽ 35 ഏ​ക്ക​റോ​ളം വ്യ​വ​സാ​യ ഗ്രൂ​പ്പ് വി​ല​യ്ക്കു വാ​ങ്ങി വ​ർ​ഷ​ങ്ങ​ളാ​യി ത​രി​ശി​ടു​ക​യും തോ​ടി​നോ​ടു ചേ​ർ​ന്നു​ള്ള ബ​ണ്ടി​ൽ കെ​എ​ൽഡി​സി നി​ർ​മിച്ച ബ​ണ്ടി​ലെ 400 മീ​റ്റ​റോ​ളം വെ​ട്ടി​നി​ര​ത്തു​ക​യും ചെ​യ്ത​താ​ണ് വെ​ള്ള​പ്പൊ​ക്ക ദു​രി​തം വ​ർ​ധി​പ്പി​ച്ച​തെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.

കൃ​ഷി​ക്കും പ്ര​ദേ​ശ​വാ​സി​ക​ളു​ടെ വെ​ള​ള​പ്പൊ​ക്ക ദു​രി​ത​ത്തി​നും പ​രി​ഹാ​രം കാ​ണു​ന്ന​തി​ന്‍റെ​യും ഭാ​ഗ​മാ​യാ​ണ് ചീ​പ്പു നി​ർ​മിക്കു​ന്ന​തി​ന് തീ​രു​മാ​നി​ച്ച​തെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് കെ.​ആ​ർ.​ ഷൈ​ല കു​മാ​ർ പ​റ​ഞ്ഞു.