കോ​ട്ട​യം: ശ​ക്ത​മാ​യ കാ​റ്റി​ലും മ​ഴ​യി​ലും പൊ​ക്കു​പാ​ലം ത​ക​ര്‍ന്ന് കോ​ട്ട​യ​ത്തു​നി​ന്ന് ആ​ല​പ്പു​ഴ​യ്ക്കു​ള്ള ജ​ല​ഗ​താ​ഗ​തം ത​ട​സ​പ്പെ​ട്ടി​ട്ട് ഒ​രാ​ഴ്ച. ശ​ക്ത​മാ​യ കാ​റ്റി​ലും മ​ഴ​യി​ലും ക​ഴി​ഞ്ഞ ശ​നി​യാ​ഴ്ച​യാ​ണ് കോ​ട്ട​യം-​ആ​ല​പ്പു​ഴ ജ​ല​പാ​ത​യി​ലെ പാ​റേ​ച്ചാ​ല്‍ പൊ​ക്കു​പാ​ലം ത​ക​ര്‍ന്ന​ത്. പാ​ല​ത്തി​ന്‍റെ അ​വ​ശി​ഷ്ട​ങ്ങ​ള്‍ നീ​ക്കം ചെ​യ്യാ​ത്ത​തി​നാ​ല്‍ ബോ​ട്ട് സ​ര്‍വീ​സ് ന​ട​ത്താ​ന്‍ സാ​ധി​ക്കു​ന്നി​ല്ല.

പാ​ല​മി​ല്ലാ​ത്ത​തി​നാ​ല്‍ പ്ര​ദേ​ശ​വാ​സി​ക​ള്‍ അ​ക്ക​ര​യി​ക്ക​രെ ക​ട​ക്കാ​നും ബു​ദ്ധി​മു​ട്ടു​ക​യാ​ണ്. വ​ള്ള​ത്തി​ല്‍ ക​യ​ര്‍ കെ​ട്ടി​യാ​ണ് പ്ര​ദേ​ശ​വാ​സി​ക​ളു​ടെ യാ​ത്ര. സ്‌​കൂ​ള്‍ കു​ട്ടി​ക​ള​ട​ക്കം നൂ​റി​ല​ധി​കം പേ​ര്‍ ദി​വ​സ​വും ക​ട​ന്നു​പോ​കു​ന്ന പാ​ല​മാ​ണി​ത്. ന​ഗ​ര​സ​ഭ​യാ​ണ് പാ​ല​ത്തി​ന്‍റെ അ​റ്റ​കു​റ്റ​പ്പ​ണി​ക​ള്‍ ചെ​യ്യേ​ണ്ട​ത്.

പാ​ലം ത​ക​ര്‍ന്നി​ട്ട് ഒ​രാ​ഴ്ച ക​ഴി​ഞ്ഞെ​ങ്കി​ലും അ​ധി​കൃ​ത​ര്‍ യാ​തൊ​രു​ന​ട​പ​ടി​യും ആ​രം​ഭി​ച്ചി​ട്ടി​ല്ല. പു​ത്ത​ന്‍ തോ​ടി​ന് അ​ക്ക​ര​യി​ക്ക​രെ ക​ട​ക്കാ​ൻ തീ​ര്‍ത്ത​താ​ണ് പൊ​ക്കു​പാ​ലം. ബോ​ട്ടു​ക​ൾ വ​രു​മ്പോ​ള്‍ പാ​ലം ഉ​യ​ര്‍ത്തു​ക​യാ​ണ് ചെ​യ്യു​ന്ന​ത്.