മു​ണ്ട​ക്ക​യം: ജി​ല്ല​യി​ലെ ആ​ദ്യ പോ​ലീ​സ് കാ​ന്‍റീ​നാ​യ മു​ണ്ട​ക്ക​യം പോ​ലീ​സ് കാ​ന്‍റീ​ൻ അ​ട​ച്ചു​പൂ​ട്ടി​യി​ട്ടു നാ​ലു​വ​ർ​ഷം. 2020 ഫെ​ബ്രു​വ​രി അ​ഞ്ചി​നാ​യി​രു​ന്നു മു​ണ്ട​ക്ക​യം പോ​ലീ​സി​ന്‍റെ നേ​തൃ​ത്വ​ത്തി​ൽ സ്റ്റേ​ഷ​നോ​ട​നു​ബ​ന്ധി​ച്ച് കാ​ടു​പി​ടി​ച്ചു കി​ട​ന്ന സ്ഥ​ലം വെ​ട്ടി​ത്തെ​ളി​ച്ച് പു​തി​യ കെ​ട്ടി​ടം നി​ർ​മി​ച്ച് പോ​ലീ​സ് കാ​ന്‍റീ​ൻ ആരം​ഭി​ച്ച​ത്.

കൊ​ട്ടാ​ര​ക്ക​ര-​ദി​ണ്ടി​ഗ​ൽ ദേ​ശീ​യ​പാ​ത​യോ​ട് ചേ​ർ​ന്ന് 1500 സ്ക്വ​യ​ർ അ​ടി​യി​ൽ നി​ർ​മി​ച്ച കാ​ന്‍റീ​നി​ൽ 75 പേ​ർ​ക്ക് ഒ​രേ​സ​മ​യം ഭ​ക്ഷ​ണം ക​ഴി​ക്കാ​മാ​യി​രു​ന്നു. 150 പേ​ർ​ക്ക് ഇ​രി​ക്കാ​വു​ന്ന കോ​ൺ​ഫ​റ​ൻ​സ് ഹാ​ൾ മു​ക​ളി​ലെ നി​ല​യി​ലും സ​ജ്ജീ​ക​രി​ച്ചി​രു​ന്നു. 32 ല​ക്ഷം രൂ​പ മു​ട​ക്കി പ്ര​വ​ർ​ത്ത​നം ആ​രം​ഭി​ച്ച കാ​ന്‍റീ​നി​ൽ സ്റ്റേ​ഷ​ൻ ഹൗ​സ് ഓ​ഫീ​സ​ർ ഉ​ൾ​പ്പെ​ടെ ആ​റം​ഗ സ​മി​തി​ക്കാ​യി​രു​ന്നു പ്ര​വ​ർ​ത്ത​ന ചു​മ​തല.

പോ​ലീ​സ് ഉ​ദ്യോ​ഗ​സ്ഥ​രു​ടെ സാ​മ്പ​ത്തി​ക പ​ങ്കാ​ളി​ത്ത​ത്തോ​ടൊ​പ്പം നാ​ട്ടി​ലെ സു​മ​ന​സു​ക​ളു​ടെ അ​ക​മ​ഴി​ഞ്ഞ സ​ഹ​ക​ര​ണ​ത്തോ​ടെ​യാ​യി​രു​ന്നു നാ​ടി​നു​ത​ന്നെ അ​ഭി​മാ​ന​മാ​യ പോ​ലീ​സ് കാ​ന്‍റീ​ൻ പ്ര​വ​ർ​ത്ത​ന​മാ​രം​ഭി​ച്ച​ത്. സാ​ധാ​ര​ണ​ക്കാ​ർ​ക്ക് കു​റ​ഞ്ഞ വി​ല​യി​ൽ ഗു​ണ​നി​ല​വാ​ര​മു​ള്ള ഭക്ഷ​ണം ഉ​റ​പ്പാ​ക്കു​ക എ​ന്ന ല​ക്ഷ്യ​ത്തോ​ടെ​യാ​യി​രു​ന്നു കാ​ന്‍റീ​ൻ പ്ര​വ​ർ​ത്ത​ന​മാ​രം​ഭി​ച്ച​ത്. പൊ​തു​സ​മൂ​ഹ​ത്തി​ൽ​നി​ന്നു മി​ക​ച്ച പി​ന്തു​ണ​യാ​ണ് കാ​ന്‍റീ​നു ല​ഭി​ച്ച​ത്. എ​ന്നാ​ൽ, പ്ര​വ​ർ​ത്ത​നം ആ​രം​ഭി​ച്ച് ഒ​രു വ​ർ​ഷം പി​ന്നി​ട്ട് 2021 മാ​ർ​ച്ചി​ൽ കാ​ന്‍റീ​ൻ അ​ട​ച്ചു​പൂ​ട്ടി. ഇ​തി​നാ​യി നി​ർ​മി​ച്ച കെ​ട്ടി​ടം ഇ​ന്നു വെ​റു​തേ കി​ട​ക്കു​ക​യാണ്.

പ്ര​വ​ർ​ത്ത​നം നി​ല​ച്ച് നാ​ലു വ​ർ​ഷ​ത്തോ​ട​ടു​ക്കു​മ്പോ​ൾ കാ​ന്‍റീ​ൻ സാ​ധാ​ര​ണ​ക്കാ​ർ​ക്കു​വേ​ണ്ടി തു​റ​ന്നു കൊ​ടു​ക്ക​ണ​മെ​ന്ന ആ​വ​ശ്യം പൊ​തു​സ​മൂ​ഹ​ത്തി​ൽ​നി​ന്ന് ഉ​യ​രു​ന്നു​ണ്ട്.