വൈ​ക്കം: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യു​ടെ പീ​ഡ​ന വീ​ഡി​യോ ചി​ത്രീ​ക​രി​ച്ച് സാ​മൂ​ഹ്യ​മാ​ധ്യ​മംവ​ഴി പ്ര​ച​രി​പ്പി​ച്ച കേ​സി​ൽ യു​വ​തി ഉ​ൾ​പ്പെടെ മൂ​ന്നു പേ​ർ​പി​ടി​യി​ൽ. കോ​ല​ഞ്ചേ​രി സ്വ​ദേ​ശി ആ​ദി​ത്യ​ൻ (23), വൈ​ക്കം സ്വ​ദേ​ശി അ​മീ​ൻ​സ് (24), ര​വീ​ണ(22) എ​ന്നി​വ​രെ​യാ​ണ് ത​ല​യോ​ല​പ്പ​റ​മ്പ് പോ​ലീ​സ് പി​ടി​കൂ​ടി​യ​ത്.

ക​ഴി​ഞ്ഞ മാ​സം ത​ല​യോ​ല​പ്പ​റ​മ്പി​നു സ​മീ​പ​ത്തു​ള്ള പെ​ൺ​കുട്ടി​യു​ടെ വീ​ടി​ന​ടു​ത്ത് വാ​ട​ക​യ്ക്ക് താ​മ​സി​ക്കു​ന്ന യു​വ​തി​യു​ടെ വീ​ട്ടി​ലാ​യി​രു​ന്നു സം​ഭ​വം. ക​ട്ടി​ലി​ൽ കി​ട​ന്ന പെ​ൺ​കു​ട്ടി​യു​ടെ സ​മീ​പം യു​വ​തി​യു​ടെ ഭ​ർ​ത്താ​വി​ന്‍റെ സു​ഹൃ​ത്താ​യ ആ​ദി​ത്യ​ൻ കി​ട​ക്കു​ന്ന വീ​ഡി​യോ ദൃ​ശ്യ​ങ്ങ​ൾ യു​വ​തി മൊ​ബൈ​ൽ ഫോ​ണി​ൽ പ​ക​ർ​ത്തി സാ​മൂ​ഹ്യ​മാ​ധ്യ​മം വ​ഴി പ​ല​ർ​ക്കും അ​യ​ച്ചുകൊ​ടു​ക്കു​​ക​യു​മാ​യി​രു​ന്നു. ആ​ദി​ത്യ​ന്‍റെ കാ​മു​കി​ക്കും ദൃ​ശ്യ​ങ്ങ​ൾ അ​യ​ച്ചു ന​ൽ​കി.

പി​ന്നീ​ട് സാ​മൂ​ഹ്യ​മാ​ധ്യ​മം വ​ഴി പെ​ൺ​കു​ട്ടി​യു​ടെ ഫോ​ണി​ലേ​ക്ക് ദൃ​ശ്യ​ങ്ങ​ൾ അ​യ​ച്ചു​കൊ​ടു​ത്ത​തോ​ടെ​യാ​ണ് സം​ഭ​വം അ​റി​യു​ന്ന​ത്. തു​ട​ർ​ന്ന് ചൈ​ൽ​ഡ് ലൈ​നി​ൽ പ​രാ​തി​പ്പെ​ടു​ക​യാ​യി​രു​ന്നു.
സംഭവത്തിനുശേഷം മറ്റൊ രിടത്തേക്കു താമസം മാറിയ യു​വ​തി​യെ പോ​ലീ​സെ​ത്തി പി​ടി​കൂ​ടു​ക​യാ​യി​രു​ന്നു.

കി​ട​പ്പ​റ ദൃ​ശ്യ​ങ്ങ​ൾ പ​ക​ർ​ത്തി ബ്ലാ​ക്ക് മെ​യി​ൽ ചെ​യ്ത് പ​ണം ത​ട്ടു​ക​യാ​യി​രു​ന്നു യു​വ​തി​യു​ടെ ല​ക്ഷ്യ​മെ​ന്ന് പോ​ലീ​സ് പ​റ​ഞ്ഞു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.