മു​ണ്ട​ക്ക​യം: പ​ഞ്ചാ​യ​ത്തി​ന്‍റെ ആ​യു​ർ​വേ​ദ ഡി​സ്പെ​ൻ​സ​റി​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന യോ​ഗ പ​രി​ശീ​ല​ന കേ​ന്ദ്ര​ങ്ങ​ൾ ശ്ര​ദ്ധേ​യ​മാ​കു​ന്നു. ജീ​വി​ത​ശൈ​ലീ രോ​ഗ​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണ് പ്രാ​യ​മാ​യ​വ​രെ​യും വ​നി​ത​ക​ളെ​യും ഉ​ൾ​ക്കൊ​ള്ളി​ച്ചു​കൊ​ണ്ട് യോ​ഗ പ​രി​ശീ​ല​ന കേ​ന്ദ്ര​ങ്ങ​ൾ ആ​രം​ഭി​ച്ചി​രി​ക്കു​ന്ന​ത്.

ആ​യു​ർ​വേ​ദ ഡി​സ്പെ​ൻ​സ​റി​യു​ടെ മേ​ൽ​നോ​ട്ട​ത്തി​ൽ ര​ണ്ടാം വാ​ർ​ഡ് ക​ലാ​ദേ​വി, എ​ട്ടാം വാ​ർ​ഡ് ക​പ്പി​ലാം​മൂ​ട് അ​ങ്ക​ണ​വാ​ടി, മു​ണ്ട​ക്ക​യം അ​സീ​സി കൃ​പാ​ഭ​വ​ൻ, വ​ണ്ട​ൻ​പ​താ​ൽ ബ​ത്‌​ല​ഹേം ആ​ശ്ര​മം, മു​രി​ക്കും​വ​യ​ൽ ഗ​വ​ൺ​മെ​ന്‍റ് എ​ൽ​പി സ്കൂ​ൾ, വേല​നി​ലം അ​ങ്ക​ണ​വാ​ടി എ​ന്നി​വി​ട​ങ്ങ​ളി​ലാ​യി യോ​ഗ ക്ലാ​സു​ക​ൾ ന​ട​ന്നു​വ​രു​ന്ന​താ​യി യോ​ഗ ഇ​ൻ​സ്ട്ര​ക്ട​ർ പി.​ബി. ബ​ബി​ത പ​റ​ഞ്ഞു.

ആ​ദ്യം യോ​ഗ ക്ലാ​സ് ആ​രം​ഭി​ച്ച​ത് ക​പ്പി​ലാം​മൂ​ട് അ​ങ്ക​ണ​വാ​ടി​യി​ലാ​ണ്. സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും പ്ര​ത്യേ​ക ബാ​ച്ചി​ലാ​ണ് യോ​ഗ ക്ലാ​സ് ന​ട​ക്കു​ന്ന​ത്. പ്രാ​യ​ഭേ​ദ​മെ​ന്യേ നി​ര​വ​ധി ആ​ളു​ക​ൾ ഇ​വി​ടെ എ​ത്തി​യ​തോ​ടെ മ​റ്റ് സ്ഥ​ല​ങ്ങ​ളി​ലേ​ക്ക് യോ​ഗ ക്ലാ​സു​ക​ൾ വ്യാ​പി​പ്പി​ക്കു​ക​യാ​യി​രു​ന്നു. ഇ​പ്പോ​ൾ വി​വി​ധ കേ​ന്ദ്ര​ങ്ങ​ളി​ലാ​യി മു​ന്നൂ​റി​ല​ധി​കം ആ​ളു​ക​ൾ സൗ​ജ​ന്യ​മാ​യി ന​ൽ​കു​ന്ന യോ​ഗ ക്ലാ​സി​ൽ പ​രി​ശീ​ല​നം നേ​ടു​ന്നു. ജീ​വി​ത​ശൈ​ലീ രോ​ഗ​ങ്ങ​ൾ​ക്ക് യോ​ഗ പ​രി​ശീ​ല​ന​ത്തി​ലൂ​ടെ വ​ലി​യ മാ​റ്റം വ​ന്ന​താ​യി പ​രി​ശീ​ല​ന​ത്തി​ൽ പ​ങ്കാ​ളി​ക​ളാ​യ​വ​ർ പ​റ​യു​ന്നു. പ​ദ്ധ​തി മി​ക​ച്ച വി​ജ​യ​മാ​യ​തോ​ടെ കൂ​ടു​ത​ൽ മേ​ഖ​ല​യി​ലേ​ക്ക് ഇ​ത് വ്യാ​പി​പ്പിക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കു​മെന്ന് പ​ഞ്ചാ​യ​ത്തം​ഗം സി.​വി. അനി​ൽ​കു​മാ​ർ പ​റ​ഞ്ഞു.