ച​ങ്ങ​നാ​ശേ​രി: ച​ങ്ങ​നാ​ശേ​രി ബൈ​പാ​സി​ല്‍ റെ​യി​ല്‍വേ ജം​ഗ്ഷ​നി​ല്‍ നി​ര്‍മി​ക്കു​ന്ന ഫ്‌​ളൈ ​ഓ​വ​റി​നു 85.68 കോ​ടി​യു​ടെ പു​തു​ക്കി​യ ഭ​ര​ണാ​നു​മ​തി ല​ഭി​ച്ച​താ​യി ജോ​ബ് മൈ​ക്കി​ള്‍ എം​എ​ല്‍എ അ​റി​യി​ച്ചു. നേ​ര​ത്തേ പു​റ​പ്പെ​ടു​വി​ച്ച സ​ര്‍ക്കാ​ര്‍ ഉ​ത്ത​ര​വ് പ്ര​കാ​രം 62.11 കോ​ടി രൂ​പ​യാ​യി​രു​ന്നു പ​ദ്ധ​തി​ച്ചെ​ല​വ്. ഇ​പ്പോ​ള്‍ ഡി​എ​സ്ആ​ര്‍, ച​ര​ക്ക് സേ​വ​ന നി​കു​തി, യൂ​ട്ടി​ലി​റ്റി ഷി​ഫ്റ്റിം​ഗ്, സ്പാ​നു​ക​ളു​ടെ സാ​ങ്കേ​തി​ക വ്യ​തി​യാ​നം തു​ട​ങ്ങി​യ കാ​ര​ണ​ങ്ങ​ളാ​ലാ​ണ് പ​ദ്ധ​തി ചെ​ല​വ് 62.11 കോ​ടി രൂ​പ​യി​ല്‍നി​ന്ന് 85.68 കോ​ടി രൂ​പ​യാ​യി ഉ​യ​ര്‍ത്തു​ന്ന​തി​ന് ഇ​ട​യാ​ക്കി​യ​ത്.

ജോ​ബ് മൈ​ക്കി​ള്‍ എം​എ​ല്‍എ, ധ​ന​കാ​ര്യ മ​ന്ത്രി കെ.​എ​ന്‍. ബാ​ല​ഗോ​പാ​ല്‍, കി​ഫ്ബി യു​ടെ ചീ​ഫ് എ​ക്‌​സി​ക്യൂ​ട്ടീ​വ് ഓ​ഫീ​സ​ര്‍ ഡോ.​കെ.​എം. ഏ​ബ്ര​ഹാം തു​ട​ങ്ങി​യ​വ​രു​മാ​യി ച​ര്‍ച്ച ന​ട​ത്തി​യ​തി​ന്‍റെ അ​ടി​സ്ഥാ​ന​ത്തി​ലാ​ണ് അ​ട​ങ്ക​ല്‍ തു​ക പു​തു​ക്കി ഉ​ത്ത​ര​വാ​യ​ത്. കി​ഫ്ബി​യു​ടെ 52-ാമ​ത് ജ​ന​റ​ല്‍ ബോ​ഡി യോ​ഗ​ത്തി​ലാ​ണ് നി​ര്‍ദേ​ശം വി​ശ​ദ​മാ​യി പ​രി​ശോ​ധി​ച്ച​ശേ​ഷം പ​ദ്ധ​തി​യു​ടെ ധ​ന​സ​ഹാ​യം പ​രി​ഷ്‌​ക​രി​ക്കു​ന്ന​തി​ന് അം​ഗീ​കാ​രം ന​ല്‍കി​യ​ത്.

ഫ്‌​ളൈ​ ഓ​വ​റി​ന് 1060 മീ​റ്റ​ര്‍ നീ​ളം ഒ​മ്പ​തു മീ​റ്റ​ര്‍ വീ​തി

ഫ്‌​ളൈ ഓ​വ​റി​ന്‍റെ ആ​കെ നീ​ളം 1060 മീ​റ്റ​റും വീ​തി ഒ​മ്പ​തു മീ​റ്റ​റു​മാ​ണ്. കോ​ട്ട​യം സൈ​ഡി​ലെ അ​പ്രോ​ച്ച് റോ​ഡി​നു 290 മീ​റ്റ​റും, തി​രു​വ​ല്ല സൈ​ഡി​ന് 140 മീ​റ്റ​റു​മാ​ണ്. റെ​യി​ല്‍വേ സ്റ്റേ​ഷ​നു സ​മീ​പ​ത്ത് ആ​രം​ഭി​ച്ച് കാ​ന്താ​രി റ​സ്റ്റ​റ​ന്‍റി​നു സ​മീ​പം അ​വ​സാ​നി​ക്കു​ന്ന ത​ര​ത്തി​ലാ​ണ് നി​ര്‍മാ​ണം. വ്യാ​പാ​രി​ക​ള്‍ക്കും മ​റ്റു​ള്ള​വ​ര്‍ക്കും ബു​ദ്ധി​മു​ട്ടു​ണ്ടാ​കാ​തി​രി​ക്കാ​ന്‍ എം​എ​ല്‍എ യു​ടെ നി​ര്‍ദേ​ശ​പ്ര​കാ​രം എ​ട്ടു​ മീ​റ്റ​ര്‍ വീ​തി​യു​ള്ള 1265 മീ​റ്റ​ര്‍ സ​ര്‍വീ​സ് റോ​ഡ് ര​ണ്ടു വ​ശ​ങ്ങ​ളി​ലും പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യി​ട്ടു​ണ്ട്.

വെ​ള്ള​ത്തി​ന്‍റെ സു​ഗ​മ​മാ​യ ഒ​ഴു​ക്കി​ന് മൂ​ന്ന് ബോ​ക്‌​സ് ക​ലു​ങ്കു​ക​ള്‍, 590 മീ​റ്റ​ര്‍ സം​ര​ക്ഷ​ണ ഭി​ത്തി, 267 സോ​ഡി​യം വേ​പ്പ​ര്‍ ലൈ​റ്റു​ക​ള്‍, 184 സോ​ളാ​ര്‍ എ​ല്‍ഇ​ഡി ലൈ​റ്റു​ക​ള്‍, റോ​ഡ് സേ​ഫ്റ്റി ന​ട​പ​ടി​ക​ള്‍ തു​ട​ങ്ങി​യ​വ​യും പ​ദ്ധ​തി​യി​ല്‍ ഉ​റ​പ്പാ​ക്കി​യി​ട്ടു​ണ്ട്.

സ്ഥ​ല​മേ​റ്റെ​ടു​പ്പ് അ​വ​സാ​ന ഘ​ട്ട​ത്തി​ല്‍

സ്ഥ​ല​മേ​റ്റെ​ടു​പ്പു​മാ​യി ബ​ന്ധ​പ്പെ​ട്ടി​ട്ടു​ള്ള 69 കേ​സു​ക​ളി​ല്‍ 64ലും തീ​രു​മാ​ന​മാ​യി, ക​ക്ഷി​ക​ള്‍ക്കു തു​ക ല​ഭ്യ​മാ​ക്കി​യി​ട്ടു​ണ്ട്. കോ​ടതി​യെ സ​മീ​പി​ച്ച അ​ഞ്ചു​പേ​രു​ടെ തു​ക കോ​ട​തി​യി​ല്‍ കെ​ട്ടി​വ​ച്ചി​ട്ടു​ണ്ട്. പ​ദ്ധ​തി ടെ​ന്‍ഡ​ര്‍ ന​ട​പ​ടി​യി​ലേ​ക്കു ക​ട​ന്നി​രി​ക്കു​ക​യാ​ണ്.

ജോ​ബ് മൈ​ക്കി​ള്‍ എം​എ​ല്‍എ