ക​ടു​ത്തു​രു​ത്തി: വൈ​ദ്യുതിലൈ​നി​ല്‍ ത​ട്ടി ക​ണ്ടെ​യ്ന​ര്‍ ലോ​റി​ക്കു​ തീപി​ടി​ച്ചു. നാ​ട്ടു​കാ​രു​ടെ​യും ഫ​യ​ര്‍​ഫോ​ഴ്സി​ന്‍റെയും സ​മ​യോ​ചി​ത ഇ​ട​പെ​ട​ലി​നെത്തു​ട​ര്‍​ന്ന് വ​ന്‍​ദു​ര​ന്തം ഒ​ഴി​വാ​യി. ഇ​ന്ന​ലെ രാ​വി​ലെ ആ​റോ​ടെ ക​ടു​ത്തു​രു​ത്തി പ​ള്ളി റോ​ഡി​ലാ​ണ് സം​ഭ​വം.

ക​ടു​ത്തു​രു​ത്തി സെ​ന്‍റ് മേ​രീ​സ് വ​ലി​യ​പ​ള്ളി​യു​ടെ ന​വീ​ക​ര​ണം ന​ട​ക്കു​ന്ന പാ​രി​ഷ് ഹാ​ളി​ല്‍ സ്ഥാ​പി​ക്കു​ന്ന​തി​നുള്ള എ​യ​ര്‍ ക​ണ്ടീ​ഷ​ന്‍ ഉ​പ​ക​ര​ണ​ങ്ങ​ളു​മാ​യെ​ത്തി​യ ക​ണ്ടെ​യ്ന​ര്‍ ലോ​റി​യി​ലാ​ണ് തീപി​ടിത്ത​മു​ണ്ടാ​യ​ത്. ഗു​ജ​റാ​ത്തി​ല്‍നി​ന്ന് ഉ​പ​ക​ര​ണ​ങ്ങ​ളു​മാ​യെ​ത്തി​യ ലോ​റി​യു​ടെ മു​ക​ള്‍​ഭാ​ഗം വൈ​ദ്യുതി ലൈ​നി​ല്‍ ത​ട്ടി തീ​പ്പൊരി ഉ​ണ്ടാ​വു​ക​യാ​യി​രു​ന്നു.

ലോ​റി​യു​ടെ അ​ക​ത്തേ​ക്കു വീ​ണ തീ​പ്പൊരി​ ഉ​ള്ളി​ലു​ണ്ടാ​യി​രു​ന്ന ക​വ​റു​ക​ളി​ലും മ​റ്റും പ​ട​ര്‍​ന്ന് തീ ​വ്യാ​പി​ച്ചു. ഈ ​ഭാ​ഗ​ത്ത് ഉ​ണ്ടാ​യി​രു​ന്ന ഉ​പ​ക​ര​ണ​ങ്ങ​ള്‍ ക​ത്തിന​ശി​ച്ചു. 9 വീ​തം ഇ​ന്‍​ഡോ​ര്‍, ഔ​ട്ട് ഡോ​ര്‍ ഉ​പ​ക​ര​ണ​ങ്ങ​ളാ​ണ് ലോ​റി​യി​ലു​ണ്ടാ​യി​രു​ന്ന​ത്. ആ​റ് ഇ​ന്‍​ഡോ​ര്‍ ഉ​പ​ക​ര​ണ​ങ്ങ​ളാ​ണ് ക​ത്തിന​ശി​ച്ച​ത്.

പ​രി​ച​യ​മി​ല്ലാ​ത്ത റോ​ഡി​ല്‍ അശ്ര​ദ്ധ​യോ​ടെ ലോ​റി ഓ​ടി​ച്ചു ക​യ​റ്റി​യ​താ​ണ് അ​പ​ക​ട​ത്തി​നു കാ​ര​ണ​മാ​യ​ത്. ലോ​റി​യി​ല്‍ ഡ്രൈ​വ​ര്‍ മാ​ത്ര​മാ​ണ് ഉ​ണ്ടാ​യി​രു​ന്ന​ത്. രാ​വി​ലെ​യാ​യ​തി​നാ​ല്‍ ടൗ​ണി​ല്‍ ആ​ളു​ക​ള്‍ ഉ​ണ്ടാ​യി​രു​ന്ന​തി​നാ​ല്‍ ലോ​റി​ക്ക്‍ തീ ​പി​ടി​ച്ച​ത് കാ​ണു​ക​യും ഉ​ട​ന്‍​ത​ന്നെ ഫ​യ​ര്‍​ഫോ​ഴ്സി​ല്‍ വി​വ​ര​മ​റി​യി​ക്കാ​നും ക​ഴി​ഞ്ഞു. വി​ളി​ച്ച​യു​ട​ന്‍​ത​ന്നെ സ്ഥ​ല​ത്തെത്തി​യ ഫ​യ​ര്‍​ഫേ​ഴ്സ് തീ ​പ​ട​രാ​തെ ഉ​ട​ന്‍ അ​ണ​ച്ച​താ​ണ് വ​ലി​യ അ​പ​ക​ടം ഒ​ഴി​വാ​ക്കി​യ​ത്. ഇ​തി​നി​ടെ കെ​എ​സ്ഇ​ബി ജീ​വ​ന​ക്കാ​രെ​ത്തി വൈ​ദ്യുതിലൈ​ന്‍ ഓ​ഫാ​ക്കു​ക​യും ചെ​യ്തു.

തീ ​പ​ട​രു​ക​യും ഗ്യാ​സ്‍ നി​റ​ച്ച ഉ​പ​ക​ര​ണ​ങ്ങ​ള്‍ പൊ​ട്ടിത്തെ​റി​ക്കു​ക​യും ചെ​യ്തി​രു​ന്നെ​ങ്കി​ല്‍ വ​ൻ ദു​ര​ന്തം സം​ഭ​വി​ക്കു​മാ​യി​രു​ന്നെന്ന് ഫ​യ​ര്‍​ഫോ​ഴ്സ് ജീ​വ​ന​ക്കാ​ര്‍ പ​റ​ഞ്ഞു. പി​ന്നീ​ട് കെ​എ​സ്ഇ​ബി ലൈ​ന്‍ ഓ​ഫാ​ക്കി​യ ശേ​ഷ​മാ​ണ് വൈ​ദ്യുതി ലൈ​നി​ല്‍ കു​രു​ങ്ങി​യ ലോ​റി റോ​ഡി​ല്‍നി​ന്നു പി​ന്നോ​ട്ടെ​ടു​ത്ത് മാ​റ്റി​യ​ത്.