ഏ​റ്റു​മാ​നൂ​ർ: ഏ​റ്റു​മാ​നൂ​ർ ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യു​ടെ പ​രി​ധി ചു​രു​ക്കാ​ൻ നീ​ക്കം. അ​ഭി​ഭാ​ഷ​ക​രും അ​ഭി​ഭാ​ഷ​ക ക്ല​ർ​ക്കു​മാ​രും പ്ര​തി​ഷേ​ധി​ച്ചു. ഏ​റ്റു​മാ​നൂ​ർ കോ​ട​തി​യു​ടെ പ​രി​ധി​യി​ൽ​വ​രു​ന്ന ഗാ​ന്ധി​ന​ഗ​ർ പോ​ലീ​സ് സ്റ്റേ​ഷ​നെ കോ​ട്ട​യം ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി-​ര​ണ്ടി​ലേ​ക്ക് മാ​റ്റാ​നു​ള്ള നീ​ക്ക​മാ​ണ് ന​ട​ക്കു​ന്ന​ത്.

ഗാ​ന്ധി​ന​ഗ​ർ പോ​ലീ​സ് സ്റ്റേ​ഷ​നെ കോ​ട്ട​യം കോ​ട​തി​യി​ലേ​ക്ക് മാ​റ്റാ​നു​ള്ള തീ​രു​മാ​നം ഹൈ​ക്കോ​ട​തി​യി​ൽ നി​ന്നു​ണ്ടാ​യ​താ​യി അ​റി​ഞ്ഞ് 2023ൽ ​ഏ​റ്റു​മാ​നൂ​ർ ബാ​ർ അ​സോ​സി​യേ​ഷ​ൻ ഹൈ​ക്കോ​ട​തി​യി​ൽ ഹ​ർ​ജി ന​ൽ​കു​ക​യും ഒ​രു മാ​സ​ത്തി​നു ശേ​ഷം ഹ​ർ​ജി തീ​ർ​പ്പാ​ക്കു​ക​യും ചെ​യ്തി​രു​ന്നു.

എ​ന്നാ​ൽ, തു​ട​ർ​ന്നു​ള്ള ന​ട​പ​ടി​ക്ര​മ​ങ്ങ​ൾ യ​ഥാ​സ​മ​യം പൂ​ർ​ത്തി​യാ​ക്കി​യി​ല്ല. ക​ഴി​ഞ്ഞ 14ന് ​പു​തി​യ ഉ​ത്ത​ര​വ് വ​ന്ന​തോ​ടെ ബാ​ർ അ​സോ​സി​യേ​ഷ​ൻ വീ​ണ്ടും ഹൈ​ക്കോ​ട​തി​യെ സ​മീ​പി​ച്ചി​രി​ക്കു​ക​യാ​ണ്. ഏ​റ്റു​മാ​നൂ​ർ കോ​ട​തി​യി​ൽ കേ​സു​ക​ളു​ടെ എ​ണ്ണം ഗ​ണ്യ​മാ​യി കു​റ​ഞ്ഞ​ത് അ​ഭി​ഭാ​ഷ​ക​രെ​യും അ​ഭി​ഭാ​ഷ​ക ക്ല​ർ​ക്കു​മാ​രെ​യും പ്ര​തി​കൂ​ല​മാ​യി ബാ​ധി​ക്കു​ന്ന സാ​ഹ​ച​ര്യ​ത്തി​ൽ ഗാ​ന്ധി​ന​ഗ​ർ സ്റ്റേ​ഷ​നെ കോ​ട്ട​യം കോ​ട​തി​യി​ലേ​ക്കു മാ​റ്റു​ന്ന​ത് വ​ലി​യ ബു​ദ്ധി​മു​ട്ടു​ണ്ടാ​ക്കു​മെ​ന്ന് അ​ഭി​ഭാ​ഷ​ക​രും അ​ഭി​ഭാ​ഷ​ക ക്ല​ർ​ക്കു​മാ​രും പ​റ​യു​ന്നു.

ഇ​ന്ന​ലെ ഏ​റ്റു​മാ​നൂ​രി​ൽ അ​ഭി​ഭാ​ഷ​ക​ർ പ്ര​തി​ഷേ​ധ മാ​ർ​ച്ചും കോ​ട​തി പ​രി​സ​ര​ത്ത് സ​മ്മേ​ള​ന​വും ന​ട​ത്തി. പ്ര​തി​ഷേ​ധ സ​മ്മേ​ള​നം ന​ഗ​ര​സ​ഭാ ചെ​യ​ർ​പേ​ഴ്സ​ൺ ലൗ​ലി ജോ​ർ​ജ് ഉ​ദ്ഘാ​ട​നം ചെ​യ്തു. ബാ​ർ അ​സോ​സി​യേ​ഷ​ൻ പ്ര​സി​ഡ​ന്‍റ് അ​ഡ്വ. സി​ബി വെ​ട്ടൂ​ർ അ​ധ്യ​ക്ഷ​ത വ​ഹി​ച്ചു.

അ​തി​ര​മ്പു​ഴ പ​ഞ്ചാ​യ​ത്ത് പ്ര​സി​ഡ​ന്‍റ് ജോ​സ് അ​മ്പ​ല​ക്കു​ളം, ആ​ർ​പ്പൂ​ക്ക​ര പ​ഞ്ചാ​യ​ത്ത് പ്ര​സി​ഡ​ന്‍റ് ദീ​പ ജോ​സ്, ജി​ല്ലാ പ​ഞ്ചാ​യ​ത്തം​ഗം ഡോ. ​റോ​സ​മ്മ സോ​ണി, ബാ​ർ അ​സോ​സി​യേ​ഷ​ൻ സെ​ക്ര​ട്ട​റി അ​ഡ്വ. കെ.​ആ​ർ. മ​നോ​ജ്കു​മാ​ർ, ട്ര​ഷ​റ​ർ അ​ഡ്വ. ജ​യ്സ​ൺ ജോ​സ​ഫ്, അ​ഭി​ഭാ​ഷ​ക​രാ​യ ബി. ​ജ​യ​ച​ന്ദ്ര​ൻ, കെ.​എ​സ്. അ​മ്പി​ളി, ആ​ർ. ലേ​ഖ, മൈ​ക്കി​ൾ ജ​യിം​സ്, പ്ര​ശാ​ന്ത് രാ​ജ​ൻ, രാ​ജേ​ഷ് സി. ​മോ​ഹ​ൻ, സി.​ആ​ർ. സി​ന്ധു​മോ​ൾ, അ​ഡ്വ​ക്കേ​റ്റ് ക്ല​ർ​ക്ക്സ് അ​സോ​സി​യേ​ഷ​ൻ പ്ര​തി​നി​ധി ടി. ​ജ​യ​കു​മാ​ർ എ​ന്നി​വ​ർ പ്ര​സം​ഗി​ച്ചു.