ദീപിക ലഹരിവിരുദ്ധ കാന്പയിൻ
1533985
Tuesday, March 18, 2025 12:07 AM IST
കാഞ്ഞിരപ്പള്ളി: ദീപികയും ദീപിക ബാലസഖ്യവും ചേർന്ന് "മയക്കുമരുന്നിൽ മരുന്നില്ല, മരണമാണ്' എന്ന സന്ദേശവുമായി നടത്തുന്ന ലഹരിവിരുദ്ധ കാന്പയിൻ ആനക്കല്ല് സെന്റ് ആന്റണീസ് പബ്ലിക് സ്കൂളിൽ നടത്തി.
കാഞ്ഞിരപ്പള്ളി ഡിവൈഎസ്പി എൻ. അനിൽകുമാർ ഉദ്ഘാടനം ചെയ്തു. പ്രിന്സിപ്പല് ഫാ. ആന്റണി തോക്കനാട്ട് അധ്യക്ഷത വഹിച്ചു.
ഡിസിഎൽ നാഷണൽ കോ-ഓർഡിനേറ്റർ വർഗീസ് കൊച്ചുകുന്നേൽ, വൈസ് പ്രിൻസിപ്പൽ ഫാ. ജോസ് പുഴക്കര, അധ്യാപകർ തുടങ്ങിയവർ പ്രസംഗിച്ചു.
തുടർന്ന് വിദ്യാർഥികൾക്ക് ഡിവൈഎസ്പി എൻ. അനിൽകുമാർ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.