ഏ​റ്റു​മാ​നൂ​ർ: തി​രു​വ​ന​ന്ത​പു​ര​ത്തേ​ക്കും അ​വി​ടെ​നി​ന്നു തി​രി​കെ​യു​മു​ള്ള ട്രെ​യി​നു​ക​ൾ​ക്ക് ഏ​റ്റു​മാ​നൂ​ർ റെ​യി​ൽ​വേ​സ്റ്റേ​ഷ​നി​ൽ സ്റ്റോ​പ്പ് അ​നു​വ​ദി​ക്ക​ണ​മെ​ന്ന ദീ​ർ​ഘ​കാ​ല ആ​വ​ശ്യം അം​ഗീ​ക​രി​ക്ക​പ്പെ​ടാ​ത്ത​ത് യാ​ത്ര​ക്കാ​ർ​ക്ക് ദു​രി​ത​മാ​കു​ന്നു.

ജോ​ലി​ക്കും ചി​കി​ത്സാ​വ​ശ്യ​ങ്ങ​ൾ​ക്കു​മാ​യി തി​രു​വ​ന​ന്ത​പു​ര​ത്തി​നു പോ​കു​ക​യും മ​ട​ങ്ങു​ക​യും ചെ​യ്യേ​ണ്ട നൂ​റു​ക​ണ​ക്കി​ന് യാ​ത്ര​ക്കാ​ർ കോ​ട്ട​യം റെ​യി​ൽ​വേ സ്റ്റേ​ഷ​നി​ൽ എ​ത്തി​യാ​ണ് ഇ​പ്പോ​ൾ യാ​ത്ര ചെ​യ്യു​ന്ന​ത്. മ​ല​ബാ​ർ എ​ക്സ്പ്ര​സ് രാ​വി​ലെ 4.40നും ​വ​ഞ്ചി​നാ​ട് എ​ക്സ്പ്ര​സ് രാ​വി​ലെ 6.15നും ​ഏ​റ്റു​മാ​നൂ​ർ ക​ട​ന്ന് തി​രു​വ​ന​ന്ത​പു​ര​ത്തേ​ക്ക് പോ​കു​ന്നു​ണ്ട്. ഈ ​ട്രെ​യി​നു​ക​ൾ​ക്ക് ഏ​റ്റു​മാ​നൂ​രി​ൽ സ്റ്റോ​പ്പ് അ​നു​വ​ദി​ച്ചാ​ൽ സെ​ക്ര​ട്ടേ​റി​യ​റ്റി​ലും ഓ​ഫീ​സു​ക​ളി​ലും ആ​ർ​സി​സി ഉ​ൾ​പ്പെ​ടെ​യു​ള്ള ആ​ശു​പ​ത്രി​ക​ളി​ലും സ​മ​യ​ത്തെ​ത്താ​ൻ സാ​ധി​ക്കും.

തി​രി​കെ രാ​ത്രി 9.20ന് ​ഏ​റ്റു​മാ​നൂ​ർ ക​ട​ന്നു പോ​കു​ന്ന വ​ഞ്ചി​നാ​ടി​നും 10.10ന് ​പോ​കു​ന്ന മ​ല​ബാ​ർ എ​ക്സ്പ്ര​സി​നും യാ​ത്ര​ക്കാ​ർ​ക്ക് തി​രി​കെ എ​ത്താ​നും സാ​ധി​ക്കും.

കു​റ​വി​ല​ങ്ങാ​ട്, കാ​ണ​ക്കാ​രി, വ​യ​ല, ക​ല്ല​റ, അ​തി​ര​മ്പു​ഴ, ഏ​റ്റു​മാ​നൂ​ർ, കി​ട​ങ്ങൂ​ർ, പാ​ലാ, ഈ​രാ​റ്റു​പേ​ട്ട, പൂ​ഞ്ഞാ​ർ, തൊ​ടു​പു​ഴ തു​ട​ങ്ങി​യ സ്ഥ​ല​ങ്ങ​ളി​ൽ​നി​ന്നു​ള്ള യാ​ത്ര​ക്കാ​ർ കോ​ട്ട​യം റെ​യി​ൽ​വേ സ്റ്റേ​ഷ​നി​ലെ​ത്തി വേ​ണം യാ​ത്ര​ചെ​യ്യാ​ൻ. ഏ​റ്റു​മാ​നൂ​രി​ൽ സ്റ്റോ​പ്പ് അ​നു​വ​ദി​ച്ചാ​ൽ വി​ശാ​ല​മാ​യ പ്ര​ദേ​ശ​ങ്ങ​ളി​ൽ നി​ന്നു​ള്ള നൂ​റു​ക​ണ​ക്കി​ന് യാ​ത്ര​ക്കാ​ർ​ക്കു പ്ര​യോ​ജ​ന​പ്പെ​ടും. ശ​ബ​രി​മ​ല ഇ​ട​ത്താ​വ​ള​മാ​യ ഏ​റ്റു​മാ​നൂ​ർ മ​ഹാ​ദേ​വ​ക്ഷേ​ത്രം, തീ​ർ​ഥാ​ട​ന കേ​ന്ദ്ര​ങ്ങ​ളാ​യ മാ​ന്നാ​നം, അ​തി​ര​മ്പു​ഴ, കു​റ​വി​ല​ങ്ങാ​ട്, ഭ​ര​ണ​ങ്ങാ​നം പ​ള്ളി​ക​ൾ, ഏ​റ്റു​മാ​നൂ​ർ ഐ​ടി​ഐ, ഇ​ൻ​ഡ​സ്ട്രി​യ​ൽ എ​സ്റ്റേ​റ്റ്, എം​ജി യൂ​ണി​വേ​ഴ്സി​റ്റി തു​ട​ങ്ങി​യ സ്ഥ​ല​ങ്ങ​ളി​ൽ എ​ത്തി​ച്ചേ​രേ​ണ്ട​വ​ർ​ക്കും എ​ളു​പ്പ​മാ​കും.

അ​മൃ​ത ഭാ​ര​ത് പ​ദ്ധ​തി​പ്ര​കാ​രം വി​പു​ല​മാ​യ പാ​ർ​ക്കിം​ഗ് സൗ​ക​ര്യ​വും നൂ​റി​ലേ​റെ യാ​ത്ര​ക്കാ​ർ​ക്കു​ള്ള വി​ശ്ര​മ മു​റി​യു​മെ​ല്ലാം സ​ജ്ജ​മാ​ണെ​ങ്കി​ലും ട്രെ​യി​നു​ക​ൾ ഇ​വി​ടെ നി​ർ​ത്തു​ന്നി​ല്ല എ​ന്ന​താ​ണ് അ​വ​സ്ഥ.

വ​ഞ്ചി​നാ​ടി​നും മ​ല​ബാ​റി​നും സ്റ്റോ​പ്പ് അ​നു​വ​ദി​ക്ക​ണ​മെ​ന്ന​ത് ഒ​ന്ന​ര പ​തി​റ്റാ​ണ്ടി​ലേ​റെ മു​മ്പു മു​ത​ലു​ള്ള ആ​വ​ശ്യ​മാ​ണ്. ഈ ​കാ​ല​ഘ​ട്ട​ങ്ങ​ളി​ലെ എം​പി​മാ​ർ റെ​യി​ൽ​വേ കേ​ന്ദ്ര​ങ്ങ​ളി​ൽ ആ​വ​ശ്യം ഉ​ന്ന​യി​ക്കു​മ്പോ​ഴെ​ല്ലാം പാ​ത ഇ​ര​ട്ടി​പ്പി​ക്ക​ൽ ക​ഴി​യു​മ്പോ​ൾ പ​രി​ഗ​ണി​ക്കു​മെ​ന്ന മ​റു​പ​ടി​യാ​ണ് ല​ഭി​ച്ചി​രു​ന്ന​ത്. എ​ന്നാ​ൽ പാ​ത ഇ​ര​ട്ടി​പ്പി​ക്ക​ലി​നു ശേ​ഷ​വും തു​ട​രു​ന്ന അ​വ​ഗ​ണ​ന​യ്ക്ക് യാ​തൊ​രു ന്യാ​യീ​ക​ര​ണ​വു​മി​ല്ല.

പ്ര​തി​ഷേ​ധ സം​ഗ​മം ന​ട​ത്തും

ഏ​റ്റു​മാ​നൂ​രി​ൽ വ​ഞ്ചി​നാ​ട് എ​ക്സ്പ്ര​സി​നും മ​ല​ബാ​ർ എ​ക്സ്പ്ര​സി​നും സ്റ്റോ​പ്പ് അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ടു​കൊ​ണ്ട് ജ​ന​കീ​യ വി​ക​സ​ന സ​മി​തി​യു​ടെ ആ​ഭി​മു​ഖ്യ​ത്തി​ൽ യാ​ത്ര​ക്കാ​രെ​യും വ്യാ​പാ​രി വ്യ​വ​സാ​യി​ക​ളെ​യും സം​ഘ​ടി​പ്പി​ച്ച് 24ന് ​രാ​വി​ലെ 7.45ന് ​ഏ​റ്റു​മാ​നൂ​ർ റെ​യി​ൽ​വേ സ്റ്റേ​ഷ​ൻ ക​വാ​ട​ത്തി​ൽ പ്ര​തി​ഷേ​ധ സം​ഗ​മം ന​ട​ത്തും. അ​തി​ര​മ്പു​ഴ പ​ഞ്ചാ​യ​ത്ത് പ്ര​സി​ഡ​ന്‍റ് ജോ​സ് അ​മ്പ​ല​ക്കു​ളം ഉ​ദ്ഘാ​ട​നം ചെ​യ്യും. ജ​ന​കീ​യ വി​ക​സ​ന സ​മി​തി പ്ര​സി​ഡ​ന്‍റ് ബി. ​രാ​ജീ​വ് അ​ധ്യ​ക്ഷ​ത വ​ഹി​ക്കും. വി​വി​ധ രാ​ഷ്‌​ട്രീ​യ സാം​സ്കാ​രി​ക സം​ഘ​ട​നാ പ്ര​തി​നി​ധി​ക​ൾ പ്ര​സം​ഗി​ക്കും.