സർക്കാർ ആശുപത്രികള്‍ നോക്കുകുത്തിയായി മാറി: സജീവ് ജോസഫ്
1512293
Sunday, February 9, 2025 1:50 AM IST
തളിപ്പറമ്പ്: സർക്കാർ ആശുപത്രികള്‍ നോക്കുകുത്തിയായി മാറിക്കൊണ്ടിരിക്കയാണെന്ന് സജീവ് ജോസഫ് എംഎല്‍എ. പ്രാഥമികാരോഗ്യ കേന്ദ്രത്തില്‍ ലഭിക്കുന്ന സേവനം പോലും താലൂക്ക് ആശുപത്രിയിൽ നിന്ന് ലഭിക്കുന്നില്ലെന്നും അദ്ദേഹം പറഞ്ഞു.
തളിപ്പറമ്പ് ഗവ. താലൂക്ക് ആശുപത്രി യുടെ ശോച്യാവസ്ഥയ്ക്കെതിരേ അണ്‍ ഓര്‍ഗനൈസ്ഡ് വര്‍ക്കേഴ്‌സ് ആന്‍ഡ് എംപ്ലോയിസ് കോണ്‍ഗ്രസിന്‍റെ നേതൃത്വത്തില്‍ ആശുപത്രിക്ക് മുന്നില്‍ നടന്ന സത്യാഗ്രഹ സമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ജില്ലാ പ്രസിഡന്‍റ് നൗഷാദ് ബ്ലാത്തൂര്‍ അധ്യക്ഷത വഹിച്ചു. നേതാക്കളായ രാജീവന്‍ കപ്പച്ചേരി, നൗഷാദ് ബ്ലാത്തൂര്‍ എന്നിവരാണ് സത്യാഗ്രഹസമരം നടത്തിയത്. കൊയ്യം ജനാര്‍ദനന്‍, ടി. ജനാര്‍ദ്ദനന്‍, എം.എന്‍. പൂമംഗലം, ടി. ദാമോദരന്‍, ആലിക്കുഞ്ഞി പന്നിയൂര്‍, ശിവദാസന്‍ മരുതിയോട് തുടങ്ങിയവർ പ്രസംഗിച്ചു.