ക​ണ്ണൂ​ർ: പ്ര​ത്യേ​ക​മാ​യി ത​യാ​റാ​ക്കി​യ ആ​പ്പി​ലൂ​ടെ മാ​ര​ക മ​യ​ക്കു​മ​രു​ന്നാ​യ എം​ഡി​എം​എ വി​ല്പ​ന ന​ട​ത്താ​നെ​ത്തി​യ ആ​ളെ ക​ണ്ണൂ​ർ ഡാ​ൻ​സാ​ഫ് ടീ​മും എ​ട​ക്കാ​ട് പോ​ലീ​സും ചേ​ർ​ന്ന് അ​റ​സ്റ്റ് ചെ​യ്തു. ത​ല​ശേ​രി സ്വ​ദേ​ശി റി​യാ​സ് അ​ന്പാ​ലി​യാ​ണ്(45) അ​റ​സ്റ്റി​ലാ​യ​ത്. ക​ണ്ണൂ​രി​ലെ ഒ​രു സ്വ​കാ​ര്യ ആ​ശു​പ​ത്രി​യു​ടെ പാ​ർ​ക്കിം​ഗ് ഏ​രി​യ​യി​ൽ​നി​ന്നും ബു​ധ​നാ​ഴ്ച വൈ​കു​ന്നേ​രം ആ​റോ​ടെ​യാ​ണ് ഇ​യാ​ളെ പി​ടി​കൂ​ടി​യ​ത്. 0.82 ഗ്രാം ​എം​ഡി​എം​എ​യും പി​ടി​ച്ചെ​ടു​ത്തു. സ്വ​കാ​ര്യ ആ​ശു​പ​ത്രി​യു​ടെ പാ​ർ​ക്കിം​ഗ് ഏ​രി​യ​യി​യി​ൽ കെ​എ​ൽ 58 വൈ 6732​കാ​റി​ൽ വ​ച്ച് മ​യ​ക്കു​മ​രു​ന്ന് വി​ല്പ​ന ന​ട​ത്താ​നു​ള്ള ശ്ര​മ​ത്തി​നി​ടെ​യാ​ണ് പി​ടി​യി​ലാ​കു​ന്ന​ത്.

ഡി​ജി​റ്റ​ൽ സാ​ങ്കേ​തി​ക​വി​ദ്യ​യി​ൽ പ​രി​ജ്ഞാ​ന​മു​ള്ള പ്ര​തി പ്ര​ത്യേ​ക ആ​പ്പ് നി​ർ​മി​ച്ചാ​ണ് വി​ല്പ​ന ന​ട​ത്തി​യി​രു​ന്ന​ത്. പ്ര​തി​യു​ടെ ലൊ​ക്കേ​ഷ​ൻ മ​യ​ക്കു​മ​രു​ന്ന് ആ​വ​ശ്യ​മു​ള്ള​വ​ർ​ക്കും സ്ഥി​രം ക​സ്റ്റ​മ​ർ​ക്കും മ​ന​സി​ലാ​കു​ന്ന രീ​തി​യി​ൽ സെ​റ്റ് ചെ​യ്താ​യി​രു​ന്നു ആ​പ്പി​ന്‍റെ പ്ര​വ​ർ​ത്ത​നം. പ്ര​തി പ്ര​ത്യേ​ക ലൊ​ക്കേ​ഷ​നി​ൽ എ​ത്തു​മ്പോ​ൾ പാ​സ്‌​വേ​ഡ് ഉ​പ​യോ​ഗി​ച്ച് മ​യ​ക്കു​മ​രു​ന്ന് ആ​വ​ശ്യ​മു​ള്ള​വ​ർ​ക്ക് ആ​പ്പി​ൽ ലോ​ഗി​ൻ ചെ​യ്തു ലൊ​ക്കേ​ഷ​ൻ മ​ന​സി​ലാ​ക്കി അ​വി​ടെ​യെ​ത്തി മ​യ​ക്കു​മ​രു​ന്ന് വാ​ങ്ങു​ക എ​ന്ന​താ​ണ് രീ​തി.

ഈ ​ആ​പ്പ് ക​ണ്ണൂ​ർ സി​റ്റി പോ​ലീ​സി​ന്‍റെ സൈ​ബ​ർ വി​ദ​ഗ്ധ​ർ അ​തീ​വ ര​ഹ​സ്യ​മാ​യി നി​യ​ന്ത്ര​ണ​ത്തി​ലാ​ക്കി പ്ര​തി​യെ പി​ന്തു​ട​രു​ക​യാ​യി​രു​ന്നു. ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​യ​പ്പോ​ൾ പ്ര​തി ആ​പ്പ് ഓ​പ്പ​ൺ ആ​ക്കി. ഇ​തു മ​ന​സി​ലാ​ക്കി​യ സൈ​ബ​ർ സം​ഘം പ്ര​തി​യു​ടെ ലൊ​ക്കേ​ഷ​ൻ മ​ന​സി​ലാ​ക്കി​. തു​ട​ർ​ന്ന്, എ​ട​ക്കാ​ട് സി​ഐ എം.​വി. ബി​ജു, എ​സ്ഐ എ​ൻ. ദി​ജേ​ഷ്, ക​ണ്ണൂ​ർ ഡാ​ൻ​സാ​ഫ് ടീം, ​ജെ​എ​സ്ഐ സു​ജി​ത്ത് കു​റു​വ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മെ​ത്തി അ​റ​സ്റ്റ് ചെ​യ്യു​ക​യാ​യി​രു​ന്നു.