ചി​ത്ര​ര​ച​ന​യി​ലെ സ​ന്തോ​ഷം പ​ങ്കു​വ​ച്ച് കു​ട്ടി​ക​ളും അ​ധ്യാ​പ​ക​രും
Tuesday, July 16, 2024 1:23 AM IST
തൃ​ശൂ​ർ: ചെ​റി​യ മ​ന​സി​ലെ വ​ലി​യ ഭാ​വ​ന​ക​ൾ. കു​ട്ടി​വ​ര​ക​ളി​ൽ നി​റ​ഞ്ഞ് നാ​ടും നാ​ടി​ന്‍റെ ക​ല​ക​ളും. ചി​ത്ര​ര​ച​ന​യി​ലെ കൊ​ച്ചു​കൊ​ച്ചു​സ​ന്തോ​ഷ​ങ്ങ​ളു​മാ​യി കു​ട്ടി​ക​ളും അ​ധ്യാ​പ​ക​രും ഒ​ത്തു​ചേ​ർ​ന്ന​തോ​ടെ തൃ​ശൂ​രി​ൽ ഒ​രു​ങ്ങി​യ​തു ക​ലാ​വൈ​ഭ​വ​മു​ള്ള പു​തു​ത​ല​മു​റ​യു​ടെ ഗ്രാ​മീ​ണ കാ​ഴ്ച​ക​ൾ.
പു​റ​നാ​ട്ടു​ക​ര, രാ​മ​വ​ർ​മ​പു​രം കേ​ന്ദ്രീ​യ​വി​ദ്യാ​ല​യ​ങ്ങ​ളി​ലെ വി​ദ്യാ​ർ​ഥി​ക​ളു​ടെ നേ​തൃ​ത്വ​ത്തി​ൽ ല​ളി​ത​ക​ല അ​ക്കാ​ദ​മി ആ​ർ​ട്ട് ഗാ​ല​റി​യി​ൽ ഒ​രു​ക്കി​യ ചി​ത്ര​പ്ര​ദ​ർ​ശ​നം "ബ്ലൂം​സ് ആ​ൻ​ഡ് ബ്ലി​സ്' ശ്ര​ദ്ധേ​യ​മാ​കു​ന്നു. പ​ഴ​യ​കാ​ല​ത്തി​ന്‍റെ സൗ​ന്ദ​ര്യം തു​ളു​മ്പു​ന്ന ഗ്രാ​മീ​ണ കാ​ഴ്ച​ക​ളും കാ​ടും കാ​ട്ട​രു​വി​യും അ​ട​ക്കം പ്ര​കൃ​തി​യു​ടെ വ​ർ​ണ​വൈ​വി​ധ്യ​ങ്ങ​ളും ഉ​ൾ​പ്പെ​ടെ ന​യ​ന​മ​നോ​ഹ​ര കാ​ഴ്ച​ക​ൾ ഒ​രു​ക്കി​യാ​ണ് വി​ദ്യാ​ർ​ഥി​ക​ൾ ത​ങ്ങ​ളു​ടെ ആ​ദ്യ​ത്തെ ആ​ർ​ട്ട് ഗാ​ല​റി പ്ര​ദ​ർ​ശ​നം ഒ​രു​ക്കി​യ​ത്.

പു​റ​നാ​ട്ടു​ക​ര കേ​ന്ദ്രീ​യ​വി​ദ്യാ​ല​യ​ത്തി​ലെ ക​ലാ​ധ്യാ​പി​ക വി​ജി​നി ജോ​സ​ഫി​ന്‍റെ​യും രാ​മ​വ​ർ​മ​പു​രം കേ​ന്ദ്രീ​യ​വി​ദ്യാ​ല​യ​ത്തി​ലെ ക​ലാ​ധ്യാ​പ​ക​ൻ രാ​മ​ദാ​സി​ന്‍റെ​യും നേ​തൃ​ത്വ​ത്തി​ലാ​ണ് 36 കു​ട്ടി​ക​ളു​ടെ 65 ചി​ത്ര​ങ്ങ​ൾ പ്ര​ദ​ർ​ശ​ന​ത്തി​നാ​യി ഒ​രു​ക്കി​യ​ത്. വാ​ട്ട​ർ​ക​ള​ർ, അ​ക്രി​ലി​ക്, പെ​ൻ​സി​ൽ, പേ​ന മാ​ധ്യ​മ​ങ്ങ​ളി​ലൂ​ടെ​യാ​ണ് ഓ​രോ ചി​ത്ര​ങ്ങ​ൾ​ക്കും നി​റം പ​ക​ർ​ന്നി​രി​ക്കു​ന്ന​ത്.

വ​ലി​യ കാ​ൻ​വാ​സി​ൽ ആ​ർ​ട്ട് ഗാ​ല​റി​യി​ൽ ചി​ത്രം പ്ര​ദ​ർ​ശി​പ്പി​ക്കാ​ൻ ക​ഴി​ഞ്ഞ സ​ന്തോ​ഷം കു​ട്ടി​ക​ളും പ​ങ്കു​വ​ച്ചു. രാ​വി​ലെ 11 മു​ത​ൽ രാ​ത്രി ഏ​ഴു​വ​രെ ന​ട​ക്കു​ന്ന പ്ര​ദ​ർ​ശ​നം നാ​ളെ സ​മാ​പി​ക്കും.
Copyright @ 2018 , Rashtra Deepika Ltd.