ജോ​മി കു​ര്യാ​ക്കോ​സ്

കോ​ട്ട​യം: സ​ര്‍ക്കാ​ര്‍ ആ​ശീ​ര്‍വാ​ദ​ത്തോ​ടെ ക​രാ​റി​ലേ​ര്‍പ്പെ​ടു​ന്ന ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍ട്രാ​ക്ട് കോ​ഓ​പ്പ​റേ​റ്റീ​വ് സൊ​സൈ​റ്റി (യു​എ​ല്‍സി​സി​എ​സ്) ഉള്‍പ്പെടെ അ​ക്ര​ഡി​റ്റ​ഡ് ഏ​ജ​ന്‍സി​ക​ള്‍ക്ക് മു​ന്നി​ല്‍ പി​ടി​ച്ചു നി​ല്‍ക്കാ​നാ​കാ​തെ ചെ​റു​കി​ട ക​രാ​റു​കാ​ര്‍ രം​ഗം​വി​ടു​ന്നു.

സം​സ്ഥാ​ന​ത്ത് 20,000 കോ​ണ്‍ട്രാ​ക്ട​ര്‍മാ​രു​ണ്ടാ​യി​രു​ന്ന സ്ഥാ​ന​ത്തി​പ്പോ​ള്‍ 5000ല്‍ ​താ​ഴെ​യാ​യി ചു​രു​ങ്ങി. തൊ​ഴി​ല്‍ ദൗ​ര്‍ല​ഭ്യ​വും ചൂ​ഷ​ണ​വും വ​ന്‍കി​ട, ചെ​റു​കി​ട വി​വേ​ച​ന​വു​മാ​ണു കാ​രാ​റു​കാ​രെ നി​ര്‍മാ​ണ​മേ​ഖ​ല​യി​ല്‍നി​ന്നു പി​ന്തി​രി​യാ​ന്‍ പ്രേ​രി​പ്പി​ക്കു​ന്ന​ത്.

അ​ക്ര​ഡി​റ്റ​ഡ് ഏ​ജ​ന്‍സി​ക​ള്‍ക്ക് ടെ​ണ്ട​റി​ല്ലാ​തെ പ്ര​വൃ​ത്തി​ അ​നു​മ​തി​യും നി​ര്‍മാ​ണ​ത്തി​നൊ​പ്പം പ​ണ​വും ന​ല്‍കു​മ്പോ​ള്‍ ചെ​റു​കി​ട ക​രാ​റു​കാ​ര്‍ക്ക് നി​ര്‍മാ​ണ​ത്തി​നു​ശേ​ഷം വ​ര്‍ഷ​ങ്ങ​ള്‍ ക​ഴി​ഞ്ഞാ​ലും കു​ടി​ശി​ക​യാ​ണ്. ഇ​തോ​ടെ കോ​ടി​ക​ള്‍ വാ​യ്പ എ​ടു​ത്ത ചെ​റു​കി​ട ക​രാ​റു​കാ​ര്‍ ബാ​ങ്കു​ക​ളു​ടെ​യും കെ​എ​ഫ്‌​സി​യു​ടെ​യും ഭീ​ഷ​ണിക്കു മു​ന്നി​ല്‍ പ​ക​ച്ചു നി​ല്‍ക്കു​ക​യാ​ണ്.

സാ​മ്പ​ത്തി​ക​വ​ര്‍ഷം തീ​രാ​നി​രി​ക്കെ കു​ടി​ശി​ക​യി​ല്‍ ബാ​ങ്കു​ക​ള്‍ ക​ര്‍ശ​ന ന​ട​പ​ടി​യി​ലേ​ക്ക് ക​ട​ന്ന​തോ​ടെ സ​ര്‍ക്കാ​ര്‍ ക​രാ​റു​കാ​ര്‍ കു​രു​ക്കി​ലാ​യി. 1500 ക​രാ​റു​കാ​ര്‍ക്ക് ജ​പ്തി​നോ​ട്ടീ​സ് ല​ഭി​ച്ച​താ​യി ക​രാ​റു​കാ​ര്‍ പ​റ​യു​ന്നു. ജ​ല്‍ജീ​വ​ന്‍ മി​ഷ​നി​ല്‍മാ​ത്രം 700 ക​രാ​റു​കാ​രാ​ണ് ന​ട​പ​ടി നേ​രി​ടു​ന്ന​ത്.

14,000 കോ​ടി രൂ​പ​യാ​ണ് സം​സ്ഥാ​ന​ത്ത് ക​രാ​റു​കാ​ര്‍ക്ക് വി​വി​ധ വ​കു​പ്പു​ക​ളി​ല്‍നി​ന്നു കി​ട്ടാ​നു​ള്ള​ത്. വാ​ട്ട​ര്‍ അ​തോ​റി​റ്റി​യി​ല്‍ അ​റ്റ​കു​റ്റ​പ്പണിക​ള്‍ ചെ​യ്ത​വ​ര്‍ക്ക് 18 മാ​സ​ത്തെ കൂ​ടി​ശി​ക​യു​ണ്ടെ​ന്ന് ക​രാ​റു​കാ​ര്‍ വ്യ​ക്ത​മാ​ക്കു​ന്നു. കു​ടി​ശി​ക 31നു ​മു​ന്‍പ് ന​ല്‍കി​യി​ല്ലെ​ങ്കി​ല്‍ പ്ര​തി​സ​ന്ധി രൂ​ക്ഷ​മാ​കും.


ബാ​ങ്ക് തി​രി​ച്ച​ട​വി​ന് സാ​വ​കാ​ശം ല​ഭി​ക്കാ​ന്‍ ക​രാ​റു​കാ​ര്‍ സ​ര്‍ക്കാ​ര്‍ സ​ഹാ​യം തേ​ടി. ധ​ന​മ​ന്ത്രി സം​സ്ഥാ​ന​ത​ല ബാ​ങ്കേ​ഴ്‌​സ് സ​മി​തി​ക്ക് ക​ത്തും ന​ല്‍കി. ജ​പ്തി​ന​ട​പ​ടി ത​ത്കാ​ലം നീ​ട്ടി​വ​ച്ചെ​ങ്കി​ലും 31നു​മു​ന്‍പ് പ​ണ​മാ​വ​ശ്യ​പ്പെ​ട്ട് ബാ​ങ്കു​ക​ള്‍ വീ​ണ്ടും നോ​ട്ടീ​സ് ന​ല്‍കി​ത്തു​ട​ങ്ങി.

സ​ര്‍ക്കാ​ര്‍ ഗാ​ര​ന്‍റി​യി​ല്‍ വാ​യ്പ​ക​ള്‍ക്ക് മൊ​റ​ട്ടോ​റി​യം വേ​ണ​മെ​ന്നാ​ണു ക​രാ​റു​കാ​രു​ടെ ആ​വ​ശ്യം. പൊ​തു​മ​രാ​മ​ത്തു​വ​കു​പ്പി​ല്‍ എ​ട്ടു​മാ​സ​ത്തെ തു​ക​യാ​ണു ക​രാ​റു​കാ​ര്‍ക്ക് കൊ​ടു​ക്കാ​നു​ള്ള​ത്.

പ​ണി​ത്തു​ക ബാ​ങ്ക് വാ​യ്പ​യാ​യി ന​ല്‍കു​ന്ന​തി​ല്‍ കേ​ന്ദ്ര​സ​ര്‍ക്കാ​ര്‍ ന​ട​പ്പാ​ക്കി​യ ട്രേ​ഡ്‌​സ് സ്‌​കീം വേ​ണ​മെ​ന്ന് ക​രാ​റു​കാ​ര്‍ ആ​വ​ശ്യ​പ്പെ​ട്ടി​രു​ന്നു. കി​ട്ടാ​നു​ള്ള തു​ക ബാ​ങ്ക് വാ​യ്പ​യാ​യി ക​രാ​റു​കാ​ര​നു കൊ​ടു​ക്കു​ക​യും മു​ത​ലും പ​ലി​ശ​യും സ​ര്‍ക്കാ​ര്‍ ബാ​ങ്കി​ന് അ​ട​യ്ക്കു​ക​യും ചെ​യ്യു​ന്ന രീ​തി​യാ​ണി​ത്.

സം​സ്ഥാ​ന​ത്തെ ബി​ല്‍ ഡി​സ്‌​കൗ​ണ്ടിം​ഗ് രീ​തി ഇ​തി​നു സ​മാ​ന​മാ​ണെ​ങ്കി​ലും പ​ലി​ശ​ ബാ​ധ്യ​ത ക​രാ​റു​കാ​ര​നു​ത​ന്നെ​യാ​ണ്. 40ല്‍ ​താ​ഴെ​ വ​രു​ന്ന അ​ക്ര​ഡി​റ്റ​ഡ് ക​രാ​റു​കാ​ര്‍ക്ക് ടെ​ണ്ട​റി​ല്ലാ​തെ പ്ര​വൃ​ത്തി ന​ല്‍കു​ക​യും തു​ക ഉ​ട​ന്‍ ന​ല്‍കു​ന്ന​തു​പോ​ലെ ചെ​റു​കി​ട ക​രാ​റു​കാ​രെ​യും പ​രി​ഗ​ണി​ക്ക​ണ​മെ​ന്ന ​ആവ​ശ്യ​മാ​ണ് ഉ​യ​രു​ന്ന​ത്.