ഇ​രി​ങ്ങാ​ല​ക്കു​ട: ഇ​ന്ന​ലെ പെ​യ്ത മ​ഴ​യി​ല്‍ റോ​ഡി​ലെ കു​ഴി​യില്‍ വെ​ള്ള​ക്ക​ട്ടു മൂ​ലം ഗ​താ​ഗ​തം സ്തം​ഭി​ച്ചു. ക്രൈ​സ്റ്റ് കോ​ള​ജ് ജം​ഗ്ഷ​നി​ലെ കു​ഴി​യി​ലാ​ണ് വെ​ള്ള​ക്കെ​ട്ട് രൂ​ക്ഷ​മാ​യ​ത്.

കെ​എ​സ്ടി​പി ന​ട​ത്തു​ന്ന റോ​ഡ് നി​ര്‍​മാ​ണ​ത്തെ തു​ട​ര്‍​ന്ന് റോ​ഡിന്‍റെ ഒ​രു വ​ശം കോ​ണ്‍​ക്രീ​റ്റിം​ഗ് ക​ഴി​ഞ്ഞ​പ്പോ​ള്‍ വ​ള​രെ ഉ​യ​ര​ത്തി​ലാ​യി. പ​ണി ന​ട​ക്കാ​ത്ത ഭാ​ഗം താ​ഴ്ച​യി​ലു​മാ​യി. മാ​ത്ര​വു​മ​ല്ല, ഈ ​ഭാ​ഗ​ത്ത് വ​ലി​യ കു​ഴി രൂ​പ​പ്പെ​ടു​ക​യാ​യി​രു​ന്നു.

ഇ​ന്ന​ലെ പെ​യ്ത മ​ഴ​യി​ല്‍ ഈ ​കു​ഴി​യി​ല്‍ വെ​ള്ളം നി​റ​ഞ്ഞു. ഇ​രു​ച​ക്ര​വാ​ഹ​ന​ങ്ങ​ളി​ല്‍ യാ​ത്ര ചെ​യ്തി​രു​ന്ന​വ​ര്‍​ക്ക് ഏ​റെ ദു​രി​ത​മാ​യി​രു​ന്നു ഇ​തു​വ​ഴി​യു​ള്ള യാ​ത്ര.

ഗ​താ​ഗ​ത​കു​രു​ക്ക് ഏ​റി​യ​തോ​ടെ കോ​ള​ജ് ജം​ഗ്ഷ​ന്‍ മു​ത​ല്‍ എ​സ്എ​ന്‍ സ്‌​കൂ​ള്‍ ജം​ഗ്ഷ​ന്‍ വ​രെ വാ​ഹ​ന​ങ്ങ​ളു​ടെ നീ​ണ്ട നി​ര​യി​രു​ന്നു. ഗ​താ​ഗ​തം തി​രി​ച്ചു വി​ട​ന്നു​തി​നു പോ​ലീ​സോ കെ​എ​സ്ടി​പി യു​ടെ ജീ​വ​ന​ക്കാ​രോ ഉ​ണ്ടാ​കാ​തി​രു​ന്ന​ത് പ്ര​തി​ഷേ​ധ​ങ്ങ​ള്‍​ക്ക് ഇ​ട​യാ​ക്കി.

പൂ​തം​കു​ളം ജം​ഗ്ഷ​നി​ലും വ​ലി​യ കു​ഴി​യു​ണ്ട്. കു​ഴി​ക​ള്‍ താ​ത്കാ​ലി​ക​മാ​യി അ​ട​ച്ചി​ല്ലെ​ങ്കി​ല്‍ ജീ​വ​നെ​ടു​ക്കു​മെ​ന്നു തീ​ര്‍​ച്ച.