കൊ​ര​ട്ടി: ആ​ധു​നി​കം എ​ന്ന​വ​കാ​ശ​പ്പെ​ടു​ന്ന ദേ​ശീ​യ​പാ​ത​യി​ലെ നി​ർ​മാ​ണപ്ര​വ​ൃത്തി​ക​ൾ​ക്ക് അ​ല്പാ​യു​സ്. ചി​റ​ങ്ങ​ര​യി​ൽ നി​ർ​മി​ക്കു​ക​യും പൊ​ളി​ക്കു​ക​യും വീ​ണ്ടും നി​ർ​മി​ക്കു​ക​യും​ ചെ​യ്ത കാ​ന​യു​ടെ സ്ലാ​ബ് ഇ​ന്ന​ലെ ത​ക​ർ​ന്നു​വീ​ണു.

കാ​ന​ക​ൾ​ക്കാ​യു​ള്ള കോ​ൺ​ക്രീ​റ്റ് മി​ശ്രി​ത​ത്തി​ലെ അ​പാ​ക​ത​യും ന​ന​യ്ക്കു​ന്ന​തി​ൽ ​വ​ന്ന വീ​ഴ്ച​യു​മാ​ണ് ചെ​റി​യ ഭാ​ര​വ​ണ്ടി​ക​ൾ ക​യ​റി​യി​റ​ങ്ങ​ിയപ്പോ​ൾ കാ​ന ഇ​ടി​ഞ്ഞുപോ​കാ​ൻ കാ​ര​ണ​മാ​യ​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ടോ​റ​സ് പോ​ലു​ള്ള ഭാ​ര​വ​ണ്ടി​ക​ൾ ക​യ​റി​യാ​ലും പു​തി​യ കാ​ന​ക​ൾ​ക്ക് കേ​ടു​പാ​ടു​ക​ൾ സം​ഭ​വി​ക്കി​ല്ലെ​ന്ന​താ​ണ് ക​രാ​ർ ക​മ്പ​നി​യു​ടെ അ​വ​കാ​ശ​വാ​ദം.

സി​മ​ന്‍റ്, മെ​റ്റ​ൽ, ക​മ്പി എ​ന്നി​വ ശ​രി​യാ​യ അ​നു​പാ​ത​ത്തി​ൽ ഇ​ല്ലാ​തി​രു​ന്ന​തും ക​ന​ത്ത ചൂ​ടി​ൽ സ്ലാ​ബു​ക​ൾ ന​ന​യ്ക്കാ​തി​രു​ന്ന​തും കാ​ര​ണ​മാ​യി. പ​ല​യി​ട​ങ്ങ​ളി​ലെ സ്ലാ​ബു​ക​ൾ വീ​ണ്ടു​കീ​റി​യ നി​ല​യി​ലാ​ണ്. ഹൈ​വേ അ​ഥോ​റി​റ്റി​യു​ടെ കൃ​ത്യ​മാ​യ മേ​ൽ​നോ​ട്ട​മി​ല്ലെ​ന്ന ആ​ക്ഷേ​പ​വും ശ​ക്ത​മാ​ണ്. അ​ടി​പ്പാ​ത​ക​ളു​ടെ നി​ർ​മാ​ണം​ന​ട​ക്കു​ന്ന ഇ​ട​ങ്ങ​ളി​ലാ​ണ് നി​ല​വി​ൽ സ​ർ​വീ​സ് റോ​ഡു​ക​ൾ നി​ർ​മി​ക്കു​ന്ന​ത്.

കാ​ന അ​ട​ക്കം 6.25 മീ​റ്റ​റാ​ണ് സ​ർ​വീ​സ് റോ​ഡി​ന്‍റെ വീ​തി. പ്ര​ധാ​ന​പാ​ത​യി​ൽ നി​ർ​മാ​ണം ന​ട​ക്കു​ന്ന​തുമൂ​ല​മാ​ണ് സ​ർ​വീ​സ് റോ​ഡി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ടു​ന്ന​ത്. കാ​ന ഉ​ൾ​പ്പെ​ടു​ന്ന സ​ർ​വീ​സ് റോ​ഡി​ലൂ​ടെ ട​ൺ ക​ണ​ക്കി​നു ഭാ​ര​മു​ള്ള വ​ണ്ടി​ക​ൾ ക​യ​റി​യി​റ​ങ്ങി​യാ​ലും കു​ഴ​പ്പം സം​ഭ​വി​ക്കി​ല്ലെ​ന്ന എ​ൻ​എ​ച്ച്എ​ഐ വാ​ദ​മാ​ണ് ഇ​ന്ന​ലെ പൊ​ളി​ഞ്ഞ​ത്.

ദേ​ശീ​യ​പാ​ത​യ്ക്ക് 45 മീ​റ്റ​ർ വീ​തി​യാ​ണ് ക​രാ​റി​ൽ പ​റ​ഞ്ഞി​രി​ക്കു​ന്ന​ത്. ഇ​രു​ഭാ​ഗ​ങ്ങ​ളി​ലു​ള്ള ഡ്രെ​യി​നേ​ജു​ക​ളു​ടെ പു​റം​ഭി​ത്തി​ക​ൾ ത​മ്മി​ലു​ള്ള അ​ക​ലം 41.390 മീ​റ്റ​റും പു​റം​ഭി​ത്തി​ക്ക് അ​പ്പു​റം ഇ​രു​ഭാ​ഗ​ത്തും ര​ണ്ടു​മീ​റ്റ​ർ വീ​തി യൂ​ട്ടി​ലി​റ്റി കോ​റി​ഡോ​റും സ്ക​ച്ചി​ൽ പ​റ​യു​ന്നു​ണ്ട്. എ​ന്നാ​ൽ മി​ക്ക ഇ​ട​ങ്ങ​ളി​ലും യൂ​ട്ടി​ലി​റ്റി കോ​റി​ഡോ​റി​ന് സ്ഥ​ല​മി​ല്ലെ​ന്ന​താ​ണ് യാ​ഥാ​ർ​ഥ്യം.