തൃ​ശൂ​ർ‌: ശ​ക്ത​ൻ സ്റ്റാ​ൻ​ഡി​ൽ ബ​സു​ക​ളു​ടെ ശ​ക്തി​പ്ര​ക​ട​ന​ത്തി​നി​ടെ ജീ​വ​ൻ ര​ക്ഷ​പ്പെ​ടാ​തി​രി​ക്കാ​ൻ ദൈ​വം​ത​ന്നെ തു​ണ​യ്‌​ക്കേ​ണ്ട അ​വ​സ്ഥ​യാ​ണ്. സ​മ​യ​ക്ര​മ​ത്തെ​ച്ചൊ​ല്ലി​യു​ള്ള ത​ർ​ക്ക​ങ്ങ​ൾ, ജീ​വ​ന​ക്കാ​ർ ത​മ്മി​ൽ കൈ​യേ​റ്റ​ത്തോ​ള​മെ​ത്തു​ന്ന വാ​ഗ്വാ​ദ​ങ്ങ​ൾ, വ​രി​പി​ടി​ക്കാ​നു​ള്ള കു​ത്തി​ക്ക​യ​റ്റ​ങ്ങ​ൾ ഇ​തെ​ല്ലം മു​റ​തെ​റ്റാ​തെ അ​ര​ങ്ങേ​റു​ന്ന ശ​ക്ത​ൻ സ്റ്റാ​ൻ​ഡി​ൽ ഇ​ന്ന​ലെ​യും ഒ​രു വ​യോ​ധി​ക​ൻ ര​ക്ഷ​പ്പെ​ട്ട​തു ത​ല​നാ​രി​ഴ​യ്ക്കാ​ണ്.
വൈ​കീ​ട്ട് അ​ഞ്ചു​മ​ണി​ക്കാ​ണ് അ​പ​ക​ടം. ബ​സ് ത​ട്ടി​വീ​ണ യാ​ത്രി​ക​ന്‍റെ കാ​ൽ ട​യ​റി​ന​ടി​യി​ൽ​പെ​ട്ടു. ഗു​രു​ത​ര​മാ​യി മു​റി​വേ​റ്റ് ര​ക്തം വാ​ർ​ന്നൊ​ലി​ച്ച് ബോ​ധ​ര​ഹി​ത​നാ​യി​ക്കി​ട​ന്ന ഇ​യാ​ളെ ഉ​ട​ൻ ആ​ശു​പ​ത്രി​യി​ലെ​ത്തി​ക്കാ​നോ, അ​ടി​യ​ന്ത​ര​ശു​ശ്രൂ​ഷ ന​ൽ​കാ​നോ സം​വി​ധാ​ന​മു​ണ്ടാ​യി​ല്ല. അ​പ​ക​ട​ത്തി​നി​ട​യാ​ക്കി​യ ബ​സി​ലെ ജീ​വ​ന​ക്കാ​ർ​പോ​ലും ഉ​ദാ​സീ​ന​മാ​യ നി​ല​പാ​ടാ​ണ് സ്വീ​ക​രി​ച്ച​ത്. ബ​സി​ലു​ണ്ടാ​യി​രു​ന്ന ഒ​രു യു​വ​തി​യാ​ണ് മു​റി​വേ​റ്റ യാ​ത്ര​ക്കാ​ര​നു പ്രാ​ഥ​മി​ക​ശു​ശ്രൂ​ഷ​പോ​ലെ എ​ന്തെ​ങ്കി​ലും ചെ​യ്ത​ത്. ഒ​ടു​വി​ൽ സ്റ്റാ​ൻ​ഡി​ലു​ണ്ടാ​യ യാ​ത്രി​ക​രി​ലൊ​രാ​ൾ 100 ൽ ​വി​ളി​ച്ച് പോ​ലീ​സി​നെ വി​വ​ര​മ​റി​യി​ക്കു​ക​യാ​യി​രു​ന്നു.

ഇ​ത്ര​യും തി​ര​ക്കേ​റി​യ സ്റ്റാ​ൻ​ഡി​ൽ ഡ്യൂ​ട്ടി​ക്കാ​യി ആ ​സ​മ​യം ഒ​രു പോ​ലീ​സു​കാ​ര​ൻ​പോ​ലു​മു​ണ്ടാ​യി​ല്ല. പോ​ലീ​സി​നു​വേ​ണ്ടി ഒ​രു മു​റി​ത​ന്നെ സ്റ്റാ​ൻ​ഡി​ലു​ള്ള​പ്പോ​ഴാ​ണ് ഈ ​വി​രോ​ധാ​ഭാ​സം.

ശ​ക്ത​ൻ സ്റ്റാ​ൻ​ഡ് ന​വീ​ക​ര​ണം അ​ടു​ത്തി​ടെ​യാ​ണ് പൂ​ർ​ത്തി​യാ​യ​ത്. പ​ണി ന​ട​ക്കു​മ്പോ​ൾ എ​ല്ലാ ബ​സു​ക​ളും സ്റ്റാ​ൻ​ഡി​ന്‍റെ വ​ട​ക്കു​വ​ശ​ത്താ​ണ് പാ​ർ​ക്ക് ചെ​യ്തി​രു​ന്ന​ത്. നി​ന്നു​തി​രി​യാ​ൻ സ്ഥ​ല​മി​ല്ലാ​ത്ത​വ​ണ്ണം ഓ​ർ​ഡി​ന​റി, ലി​മി​റ്റ​ഡ് സ്റ്റോ​പ്പ് ബ​സു​ക​ൾ കു​ത്തി​നി​റ​ച്ച അ​വ​സ്ഥ​യാ​യി​രു​ന്നു ദി​വ​സ​ങ്ങ​ളോ​ളം. ഇ​തി​നി​ട​യി​ലാ​ണ് ബ​സു​കാ​ർ ത​മ്മി​ലു​ള്ള അ​ടി​പി​ടി​ക​ളും കേ​ട്ടാ​ല​റ​യ്ക്കു​ന്ന അ​സ​ഭ്യ​വ​ർ​ഷ​വും.