വ​ട​ക്കാ​ഞ്ചേ​രി: കാ​ൽ​ക്കു​ലേ​റ്റ​റി​നെ തോ​ല്‌​പ്പി​ക്കു​ന്ന മ​നക്ക​ണ​ക്കു​മാ​യി തി​രു​ത്തി​പ്പറ​മ്പ് ഓ​ക്സ്‌​ലി​യം സ്കൂ​ളി​ലെ ര​ണ്ടാം​ക്ലാ​സു​കാ​ര​ൻ. ക​ണ​ക്ക്, പൊ​തു​വി​ജ്ഞാ​നം ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ളി​ൽ അ​സാ​ധ്യ​ക​ഴി​വ് പ്ര​ക​ടി​പ്പി​ക്കു​ന്ന കെ.​വി. ആ​ദി​ലാ​ണ് സ്കൂ​ളി​ലെ താ​ര​മാ​യി​രി​ക്കു​ന്ന​ത്.

കൂ​ട്ട​ൽ, കു​റ​യ്ക്ക​ൽ, ഹ​രി​യ്ക്ക​ൽ, ഗു​ണി​ക്ക​ൽ എ​ന്നി​ങ്ങ​നെ ക​ണ​ക്കി​ലെ പ്ര​ക്രി​യ​ക​ളെ​ല്ലാം ഏ​ഴു​വ​യ​സു​കാ​ര​നാ​യ ആ​ദി​ലി​ന് വ​ള​രെ എ​ളു​പ്പ​മാ​ണ്. മു​തി​ർ​ന്ന​വ​ർ​പോ​ലും ഉ​ത്ത​രം ക​ണ്ടെ​ത്താ​ൻ വി​ഷ​മി​ക്കു​ന്ന ക​ണ​ക്കു​ക​ൾ കാ​ൽ​ക്കു​ലേ​റ്റ​റി​ന്‍റെ വേ​ഗ​ത്തി​ൽ ആ​ദി​ൽ പ​റ​ഞ്ഞു​ത​രും. വ​ട​ക്കാ​ഞ്ചേ​രി ന​ഗ​ര​സ​ഭ ഡി​വി​ഷ​ൻ 34 ആ​ര്യ​മ്പാ​ടം കൊ​ട്ടി​ലി​ങ്ങ​ൽ​വീ​ട്ടി​ൽ വി​നോ​യ്, ഭ​വ്യ ദ​മ്പ​തി​ക​ളു​ടെ ര​ണ്ടാ​മ​ത്തെ മ​ക​നാ​ണ് ആ​ദി​ൽ. ആ​ദി​ലി​ന്‍റെ ക​ഴി​വു​ക​ൾ ക്ലാ​സ്ടീ​ച്ച​ർ സ​ന്ധ്യാ ഗോ​പ​നാ​ണ് തി​രി​ച്ച​റി​ഞ്ഞ​ത്. സ്കൂ​ളി​ലെ മ​റ്റ് അ​ധ്യാ​പ​ക​രും ര​ക്ഷി​താ​ക്ക​ളും വ്യ​ത്യ​സ്ത​മാ​യ ക​ഴി​വി​നു പ്രോ​ത്സാ​ഹ​ന​വു​മാ​യി ഒ​പ്പം​കൂ​ടി. അ​ടു​ത്തി​ടെ​ന​ട​ന്ന ഡി​സി​എ​ൽ ഐ​ക്യു ഒ​ളി​മ്പ്യാ​ഡ് ക്വി​സ് ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ക്കാ​നാ​യി ന​ൽ​കി​യ പു​സ്ത​കം ര​ണ്ടു​ദി​വ​സം​കൊ​ണ്ട് മ​നഃ​പ്പാ​ഠ​മാ​ക്കി ആ​ദി​ൽ അ​ധ്യാ​പ​ക​രെ ഞെ​ട്ടി​ച്ചു.

സ്കൂ​ൾ മാ​നേ​ജ​ർ സി​സ്റ്റ​ർ മ​രി​യ ഗോ​രേ​റ്റി, പ്രി​ൻ​സി​പ്പ​ൽ സി​സ്റ്റ​ർ ഝാ​ൻ​സി അ​ഗ​സ്റ്റി​ൻ എ​ന്നി​വ​രു​ടെ സാ​ന്നി​ധ്യ​ത്തി​ൽ ക​ഴി​ഞ്ഞ​ദി​വ​സം​ന​ട​ന്ന പ്ര​ത്യേ​ക അ​സം​ബ്ലി​യി​ൽ ആ​ദി​ലി​നെ അ​നു​മോ​ദി​ച്ചു. തൃ​ശൂ​ർ ഗ​വ. എ​ൻ​ജി​നീ​യ​റിം​ഗ് കോ​ള​ജ് ഹോ​സ്റ്റ​ൽ ജീ​വ​ന​ക്കാ​ര​നാ​ണ് പി​താ​വ് വി​നോ​യ്. എം​എ​സ്‌​സി കെ​മ​സ്ട്രി ബി​രു​ദ​ധാ​രി​യാ​ണ് അ​മ്മ ഭ​വ്യ.

ഇ​തേ സ്കൂ​ളി​ലെ നാ​ലാം​ക്ലാ​സ് വി​ദ്യാ​ർ​ഥി​യാ​യ കെ.​വി. ഇ​ഷാ​ൻ, യു​കെ​ജി വി​ദ്യാ​ർ​ഥി​യാ​യ കെ.​വി. ആ​ഗ്നേ​യ് എ​ന്നി​വ​ർ സ​ഹോ​ദ​ര​ങ്ങ​ളാ​ണ്.