ഗു​രു​വാ​യൂ​ർ: ക്ഷേ​ത്രോ​ത്സ​വ​ത്തി​ന്‍റെ ഭാ​ഗ​മാ​യി ഇ​ന്ന് ക്ഷേ​ത്ര​ത്തി​ൽ ക​ല​ശ ച​ട​ങ്ങു​ക​ളി​ൽ അ​തി​പ്ര​ധാ​ന​മാ​യ ബ്ര​ഹ്മ​ക​ല​ശാ​ഭി​ഷേ​ക​വും സ​ഹ​സ്ര ക​ല​ശാ​ഭി​ഷേ​ക​വു​മാ​ണ്.​ ഇ​തോ​ടെ ക​ഴി​ഞ്ഞ എ​ട്ടു ദി​വ​സ​മാ​യി ന​ട​ക്കു​ന്ന ക​ല​ശ ച​ട​ങ്ങു​ക​ൾ സ​മാ​പി​ക്കും.​

സ​ഹ​സ്ര ക​ല​ശ​ത്തി​ന് മു​ന്നോ​ടി​യാ​യി ഇ​ന്ന​ലെ ഉ​ച്ച​തി​രി​ഞ്ഞ് പാ​ണി​വാ​ദ്യ​ത്തി​ന്‍റെ അ​ക​മ്പ​ടി​യോ​ടെ മ​ന്ത്ര​പു​ര​സ​രം 975 വെ​ള്ളി​കും​ഭ​ങ്ങ​ളി​ലും 26 സ്വ​ർ​ണ​കും​ഭ​ങ്ങ​ളി​ലും ക​ല​ശ​ദ്ര​വ്യ​ങ്ങ​ളും ജ​ല​വും നി​റ​ച്ചു. ഇ​വ​യു​ടെ പ​രി​ക​ല​ശ​പൂ​ജ, അ​ധി​വാ​സ​ഹോ​മം, ക​ല​ശാ​ധി​വാ​സം എ​ന്നി​വ​യും രാ​ത്രി തൃ​പ്പു​ക​യ്ക്കു​ശേ​ഷം സ​ഹ​സ്ര ക​ല​ശം അ​ഭി​ഷേ​കം ചെ​യ്യാ​നു​ള്ള ഭ​ഗ​വാ​ന്‍റെ അ​നു​വാ​ദ​വും അ​നു​ഗ്ര​ഹ​വും തേ​ടു​ന്ന പ്രാ​ർ​ഥ​നാ​ച്ച​ട​ങ്ങും ന​ട​ന്നു.

​ഇ​ന്ന് രാ​വി​ലെ പ​ന്തീ​ര​ടി​പൂ​ജ​യ്ക്ക് ശേ​ഷം സ​ഹ​സ്ര ക​ല​ശാ​ഭി​ഷേ​ക​വും തു​ട​ർ​ന്ന് ബ്ര​ഹ്മ​ക​ല​ശാ​ഭി​ഷേ​ക​വും ന​ട​ക്കും.​ ഇ​ന്ന​ലെ ത​ത്വ​ക​ല​ശ ഹോ​മ​വും ത​ത്വ ക​ല​ശാ​ഭി​ഷേ​ക​വും ന​ട​ന്നു. ത​ന്ത്രി ചേ​ന്നാ​സ് ദി​നേ​ശ​ൻ ന​മ്പൂ​തി​രി​പ്പാ​ടിന്‍റെ സാ​നി​ധ്യ​ത്തി​ൽ ചേ​ന്നാ​സ് കൃ​ഷ്ണ​ൻ ന​മ്പൂ​തി​രി​പ്പാ​ടാ​ണ് ത​ത്വ​ക​ല​ശാ​ഭി​ഷേ​കം നി​ർ​വ​ഹി​ച്ച​ത്.

ഉത്സ​വ​ം നാ​ളെ കൊ​ടി​യേ​റും

ഗു​രു​വാ​യൂ​ര്‍: ക്ഷേ​ത്രോ​ത്സ​വ​ത്തി​ന് നാ​ളെ കൊ​ടി​യേ​റും. ആ​ന​യി​ല്ലാ​ക്കാ​ല​ത്തെ അ​നു​സ്മ​രി​ച്ച് ന​ട​ക്കാ​റു​ള്ള ആ​ന​യി​ല്ലാ ശീ​വേ​ലി നാ​ളെ രാ​വി​ലെ​യും ഉ​ച്ച​തി​രി​ഞ്ഞ് മൂ​ന്നി​ന് ആ​ന​യോ​ട്ട​വും ന​ട​ക്കും.

ആ​ന​യോ​ട്ട​ത്തി​ൽ 10 ആ​ന​ക​ളെ അ​ണി​നി​ര​ത്തും. മൂ​ന്നി​ൽ മൂ​ന്ന് ആ​ന​ക​ളെ​യാ​ണ് ഓ​ടി​ക്കു​ക. നാ​ളെ സ​ന്ധ്യ​ക്ക് കൊ​ടി​യേ​റ്റ ച​ട​ങ്ങു​ക​ൾ ആ​രം​ഭി​ക്കും.​ ക്ഷേ​ത്രം ഊ​രാ​ള​ന്‍ മ​ല്ലി​ശേ​രി പ​ര​മേ​ശ്വ​ര​ന്‍ ന​മ്പൂ​തി​രി​പ്പാ​ട് ക്ഷേ​ത്രം ത​ന്ത്രി​ക്ക് കൂ​റ​യും, പ​വി​ത്ര​വും ന​ല്‍​കി ആ​ചാ​ര്യ​വ​ര​ണം ന​ട​ത്തും. തു​ട​ര്‍​ന്ന് മു​ള​യ​റ​യി​ല്‍ ധാ​ന്യ​ങ്ങ​ള്‍ വി​ത​ച്ച് മു​ള​യി​ടും.

രാ​ത്രി എ​ട്ടോ​ടെ സ​പ്ത​വ​ര്‍​ണ​കൊ​ടി​ക്കൂ​റ​യി​ലേ​ക്ക് ദേ​വ​ചൈ​ത​ന്യം സ​ന്നി​വേ​ശി​പ്പി​ച്ച​തി​നു​ശേ​ഷം ക്ഷേ​ത്രം ത​ന്ത്രി കൊ​ടി​യേ​റ്റം ന​ട​ത്തും. ദി​വ​സ​വും കാ​ഴ്ച​ശീ​വേ​ലി​ക്ക് പ്ര​മു​ഖ​രു​ടെ മേ​ളം അ​ക​മ്പ​ടി​യാ​വും. രാ​ത്രി​യി​ല്‍ ശ്രീ​ഭൂ​ത​ബ​ലി​ക്ക് ഗു​രു​വാ​യൂ​ര​പ്പ​നെ വ​ട​ക്കേ​ന​ട​യി​ല്‍ എ​ഴു​ന്ന​ള്ളി​ച്ച് വ​യ്ക്കും. പ​ഴു​ക്കാ​മ​ണ്ഡ​പ​ത്തി​ല്‍ എ​ഴു​ന്ന​ള്ളി​ച്ച് വ​യ്ക്കു​ന്ന ഗു​രു​വാ​യൂ​ര​പ്പ​ന് മു​മ്പി​ല്‍ ദി​വ​സ​വും മൂ​ന്നു താ​യ​മ്പ​കാ​വ​ത​ര​ണം ഉ​ണ്ടാ​കും.

ഉ​ത്സ​വ​ത്തി​ന്‍റെ ഭാ​ഗ​മാ​യി ക്ഷേ​ത്രം തെ​ക്കേ ന​ട​യി​ലെ ശ്രീ ​ഗു​രു​വാ​യൂ​ര​പ്പ​ൻ പ​ന്ത​ലി​ൽ ചൊ​വ്വാ​ഴ്ച രാ​വി​ലെ മു​ത​ൽ അ​ന്ന​ദാ​നം ആ​രം​ഭി​ക്കും. ഇ​തി​ന് പു​റ​മെ ര​ണ്ടാ​യി​ര​ത്തി​ലേ​റെ കു​ടും​ബ​ങ്ങ​ൾ​ക്ക് പ​ക​ർ​ച്ച​യും ന​ൽ​കും. മേ​ൽ​പ്പ​ത്തൂ​ർ ഓ​ഡി​റ്റോ​റി​യ​ത്തി​ലും മൂ​ന്ന് താ​ൽ​ക്കാ​ലി​ക സ്റ്റേ​ജു​ക​ളി​ലു​മാ​യി ക​ലാ​പ​രി​പാ​ടി​ക​ളും അ​ര​ങ്ങേ​റും. 18ന് പള്ളി​വേ​ട്ട​യാ​ണ്. 19ന് ​ആ​റാ​ട്ടോ​ടെ ഉ​ത്സ​വ​ത്തി​ന് കൊ​ടി​യി​റ​ങ്ങും.