ഗു​രു​വാ​യൂ​ർ: ക്ഷേ​ത്രോ​ത്സ​വ​ത്തി​നു 4,55,83,000 രൂ​പ​യു​ടെ എ​സ്റ്റി​മേ​റ്റി​നു ഭ​ര​ണ​സ​മി​തി അം​ഗീ​കാ​രം ന​ൽ​കി​യ​താ​യി ദേ​വ​സ്വം ചെ​യ​ർ​മാ​ൻ ഡോ. ​വി.​കെ. വി​ജ​യ​ൻ പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു. പ്ര​സാ​ദ ഊ​ട്ടി​നാ​ണ് 3,34,73,000 രൂ​പ​യും ചെ​ല​വി​ടു​ന്ന​ത്. ക്ഷേ​ത്ര​ച​ട​ങ്ങു​ക​ൾ, വാ​ദ്യം, ദീ​പാ​ല​ങ്കാ​രം, ക​ലാ​പ​രി​പാ​ടി​ക​ൾ തു​ട​ങ്ങി​യ​വ​യ്ക്ക് 1.21 കോ​ടി​യാ​ണ് ചെ​ല​വ്.

വി​പു​ല​മാ​യ സം​വി​ധാ​ന​ങ്ങ​ളാ​ണ് പ്ര​സാ​ദ ഊ​ട്ടി​നും പ​ക​ർ​ച്ച​യ്ക്കു​മാ​യി ഒ​രു​ക്കി​യി​ട്ടു​ള്ള​ത്. ഉ​ത്സ​വ​ത്തോ​ട​നു​ബ​ന്ധി​ച്ചു ഭ​ക്ത​ജ​ന​ങ്ങ​ൾ​ക്കു കാ​ണു​ന്ന​തി​നാ​യി ദേ​വ​സ്വം ആ​ദ്യ​മാ​യി ച​മ​യ​പ്ര​ദ​ർ​ശ​നം ഒ​രു​ക്കും. പ​ള്ളി​വേ​ട്ട, ആ​റാ​ട്ട് ദി​വ​സ​ങ്ങ​ളി​ൽ രാ​വി​ലെ 10 മു​ത​ൽ അ​ഞ്ചു​വ​രെ ശ്രീ​വ​ത്സം അ​ന​ക്സി​ലെ കൃ​ഷ്ണ​ഗീ​തി ഹാ​ളി​ലാ​ണ് ച​മ​യം പ്ര​ദ​ർ​ശി​പ്പി​ക്കു​ന്ന​ത്. ക്ഷേ​ത്ര​ത്തി​ലും മ്യൂ​സി​യ​ത്തി​ലും സൂ​ക്ഷി​ച്ചി​ട്ടു​ള്ള ആ​ന​ച്ച​മ​യ​ങ്ങ​ൾ, മ​റ്റ് അ​മൂ​ല്യ​വ​സ്തു​ക്ക​ൾ എ​ന്നി​വ പ്ര​ദ​ർ​ശി​പ്പി​ക്കും.

ക്ഷേ​ത്ര ചു​റ്റ​മ്പ​ല​ത്തി​ൽ ന​ട​ക്കു​ന്ന കാ​ഴ്ച​ശീ​വേ​ലി, മേ​ളം, താ​യ​മ്പ​ക തു​ട​ങ്ങി​യ ച​ട​ങ്ങു​ക​ൾ പു​റ​ത്തു​ള്ള​വ​ർ​ക്കു കാ​ണു​ന്ന​തി​നാ​യി പു​റ​ത്ത് എ​ൽ​ഇ​ഡി വാ​ൾ സ്ഥാ​പി​ക്കും. ക്യൂ ​പ​ന്ത​ലി​നു​സ​മീ​പം സ്ഥാ​പി​ച്ചി​ട്ടു​ള്ള എ​ൽ​ഇ​ഡി വാ​ളി​നു​പു​റ​മെ ക്ഷേ​ത്ര​ത്തി​ന്‍റെ തെ​ക്കു​പ​ടി​ഞ്ഞാ​റു​ഭാ​ഗ​ത്ത് ഉ​ര​ൽ​പ്പു​ര​യ്ക്കു സ​മീ​പം വ​ലി​യ ടി​വി സ്ഥാ​പി​ക്കും.

ക്ഷേ​ത്ര​ക​ല​ക​ൾ​ക്കു പ്രാ​ധാ​ന്യം ന​ൽ​കി​യു​ള്ള ക​ലാ​പ​രി​പാ​ടി​ക​ളാ​ണ് ഇ​ക്കു​റി ന​ട​ത്തു​ന്ന​തെ​ന്നും ചെ​യ​ർ​മാ​ൻ അ​റി​യി​ച്ചു. ക്ഷേ​ത്രം ത​ന്ത്രി ചേ​ന്നാ​സ് ദി​നേ​ശ​ൻ ന​മ്പൂ​തി​രി​പ്പാ​ട്, ക്ഷേ​ത്രം ഊ​രാ​ള​ൻ മ​ല്ലി​ശേ​രി പ​ര​മേ​ശ്വ​ര​ൻ ന​മ്പൂ​തി​രി​പ്പാ​ട്, ഭ​ര​ണ​സ​മി​തി അം​ഗ​ങ്ങ​ളാ​യ സി. ​മ​നോ​ജ്, അ​ഡ്മി​നി​സ്ട്രേ​റ്റ​ർ കെ.​പി. വി​ന​യ​ൻ എ​ന്നി​വ​രും പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.

ഉത്സ​വ​ത്തി​നു ക​ലാ​പ​രി​പാ​ടി​ക​ളേ​റെ

ഗു​രു​വാ​യൂ​ർ: ക്ഷേ​ത്രോ​ത്സ​വ​ത്തി​നു ക​ലാ​പ​രി​പാ​ടി​ക​ളേ​റെ. കൊ​ടി​യേ​റ്റ​ദി​ന​ത്തി​ൽ രാ​ത്രി ക​ഥ​ക​ളി​യോ​ടെ​യാ​ണ് ക​ലാ​പ​രി​പാ​ടി​ക​ൾ​ക്കു തു​ട​ക്ക​മാ​വു​ക. പി​ന്നീ​ടു​ള്ള ദി​വ​സ​ങ്ങ​ളി​ൽ പു​ല​ർ​ച്ചെ അ​ഞ്ചു​മു​ത​ൽ ആ​റു​വ​രെ അ​ഷ്ട​പ​ദി, രാ​വി​ലെ നാ​ദ​സ്വ​രം, തു​ട​ർ​ന്നു പ്ര​ഗ​ത്ഭ​രു​ടെ ഭ​ക്തി​പ്ര​ഭാ​ഷ​ണം എ​ന്നി​വ​യാ​ണ്.

എം.​ജി. ശ്രീ​കു​മാ​റി​ന്‍റെ ഭ​ക്തി​ഗാ​ന​മേ​ള​യും ന​ടി ന​വ്യ നാ​യ​രും ക​ലാ​കാ​രി​ക​ളും അ​ണി​നി​ര​ക്കു​ന്ന നൃ​ത്ത​വും ഉ​ണ്ടാ​വും.​സം​ഗീ​ത​സം​വി​ധാ​യ​ക​ൻ വി​ദ്യാ​ധ​ര​ൻ മാ​സ്റ്റ​ർ ന​യി​ക്കു​ന്ന നാ​ദ നൈ​വേ​ദ്യം, മ​ണി​പ്പു​രി നൃ​ത്തം, നൃ​ത്ത​ത്ര​യം, വ​യ​ലി​ൻ ഫ്യൂ​ഷ​ൻ, സം​ഗീ​ത​ക്ക​ച്ചേ​രി, പൂ​ര​ക്ക​ളി, ക​ള​രി​പ്പ​യ​റ്റ്, ക​ണ്യാ​ർ​ക്ക​ളി, വ​ഞ്ചി​പ്പാ​ട്ട്, ന​ന്തുണി​പ്പാ​ട്ട്, തി​രു​വ​ന​ന്ത​പു​രം അ​തു​ല്യ തി​യ​റ്റേ​ഴ്സി​ന്‍റെ "ഗു​രു​വാ​യൂ​ര​പ്പ​നും ഭ​ക്ത​ക​വി പൂ​ന്താ​ന​വും" നാ​ട​ക​വും ഉ​ണ്ടാ​കും.

‌ഇ​ക്കു​റി 500 തി​രു​വാ​തി​ര​ക്ക​ളി സം​ഘ​ങ്ങ​ൾ​ക്കാ​ണ് അ​വ​സ​രം ന​ൽ​കു​ന്ന​ത്. ദി​വ​സ​വും എ​ഴു​പ​തി​ലേ​റെ തി​രു​വാ​തി​ര​ക്ക​ളി​ക​ളു​ണ്ടാ​കും. മേ​ൽ​പ്പു​ത്തൂ​ർ ഓ​ഡി​റ്റോ​റി​യ​ത്തി​നു​പു​റ​മെ വൈ​ഷ്ണ​വം, വൃ​ന്ദാ​വ​നം, വൈ​കു​ണ്ഠം എ​ന്നീ പേ​രു​ക​ളി​ലു​ള്ള താ​ൽ​ക്കാ​ലി​ക സ്റ്റേ​ജു​ക​ളി​ലു​മാ​യാ​ണ് ക​ലാ​പ​രി​പാ​ടി​ക​ൾ അ​ര​ങ്ങേ​റു​ന്ന​ത്. വൃ​ന്ദാ​വ​നം വേ​ദി തി​രു​വാ​തി​ര​ക്ക​ളി സം​ഘ​ങ്ങ​ൾ​ക്കു​മാ​ത്ര​മാ​ണ്.

തി​ങ്ക​ളാ​ഴ്ച ഉ​ച്ച​തി​രി​ഞ്ഞ് മൂ​ന്നി​ന് ആ​ന​യോ​ട്ടം ന​ട​ക്കും. രാ​ത്രി ഉ​ത്സ​വം കൊ​ടി​യേ​റും. 19 ന് ​ആ​റാ​ട്ടോ​ടെ ഉ​ത്സ​വ​ത്തി​നു സ​മാ​പ​ന​മാ​കും.