പു​ന്നം​പ​റ​മ്പ്: ആ​ചാ​ര വൈ​വി​ധ്യ​ങ്ങ​ൾ നി​റ​ഞ്ഞ ച​രി​ത്ര​പ്ര​സി​ദ്ധ​മാ​യ മ​ച്ചാ​ട് തി​രു​വാ​ണി​ക്കാ​വ് ഭ​ഗ​വ​തി ക്ഷേ​ത്ര​ത്തി​ലെ​ പ​റ​പു​റ​പ്പെ​ട്ടു. ​മാ​മാ​ങ്ക പ​ങ്കാ​ളി​ക​ളാ​യ ദേ​ശ​ങ്ങ​ളി​ൽ നി​ന്നു​ള്ള ത​ട്ട​ക​ക്കാ​ർ തി​ങ്ങി​നി​റ​ഞ്ഞ മ​ച്ചാ​ട് തി​രു​വാ​ണി​ക്കാ​വി​ൽ വൈ​കീ​ട്ട് അ​ത്താ​ഴ​പൂ​ജ​യ്ക്കു ശേ​ഷം ഒന്പതരയോടെ​യാ​ണു പ​റ​പു​റ​പ്പെ​ട്ട​ത്.​ പ​റ​പു​റ​പ്പാ​ടി​നു​ മു​ന്നേ​ടി​യാ​യി​ നി​യ​മാ​നു​സൃ​ത​മാ​യ വെ​ടി​ക്കെ​ട്ടും ഉ​ണ്ടാ​യി.

നി​റ​മാ​ല, ചു​റ്റു​വി​ള​ക്ക്, ദീ​പാ​രാ​ധ​ന, ഡ​ബി​ൾ താ​യ​മ്പ​ക എ​ന്നി​വ​യ്ക്കുശേ​ഷ​മാ​യി​രു​ന്നു പ​റ​പു​റ​പ്പാ​ട്. ഭ​ഗ​വ​തി​യു​ടെ പ്ര​തി​നി​ധി​യാ​യി പോ​കു​ന്ന ഇ​ള​യ​തി​നെ അ​വ​കാ​ശി​ക​ളാ​യ എ​ടു​പ്പ​ൻ​മാ​ർ തോ​ളി​ലേ​റ്റി ആ​ർ​പ്പു​വി​ളി​യോ​ടെ ക്ഷേ​ത്ര​ത്തി​നു​ചു​റ്റും പ്ര​ദ​ക്ഷി​ണം ന​ട​ത്തി​യ​ശേ​ഷം ക്ഷേ​ത്ര​ത്തി​നുപു​റ​ത്ത് കി​ഴ​ക്കേ​ന​ട​യി​ൽ​വ​ച്ച ഹ​രി​ജ​ൻ ആ​ദ്യ പ​റ സ്വീ​ക​രി​ച്ച​ശേ​ഷം ക്ഷേ​ത്ര​ത്തി​ന് അ​ക​ത്തു​വച്ച പൊ​തു​പ​റ​ക​ൾ സ്വീ​ക​രി​ച്ചു.​ ഇ​തോ​ടെ മാ​മാ​ങ്ക ആ​ഘോ​ഷ​ങ്ങ​ൾ​ക്കു തു​ട​ക്ക​മാ​യി.

മ​റ്റി​ട​ങ്ങ​ളി​ൽനി​ന്നു വ്യ​ത്യ​സ്ത​മാ​യി മ​ച്ചാ​ട് തി​രു​വാ​ണി​ക്കാ​വി​ൽ ഇ​ള​യ​താ​ണ് പ​റ​പു​റ​പ്പാ​ടി​നു നേ​തൃ​ത്വം ന​ൽ​കു​ക.​ തെ​ക്കും​ക​ര, വ​ട​ക്കാ​ഞ്ചേ​രി, മു​ണ്ട​ത്തി​ക്കോ​ട്, വേ​ലൂ​ർ, എ​രു​മ​പ്പെ​ട്ടി, ക​ട​ങ്ങോ​ട്, മാ​ട​ക്ക​ത്ത​റ എ​ന്നീ പ​ഞ്ചാ​യ​ത്തു​ക​ളി​ലെ 5000 ത്തി​ൽ അ​ധി​കം വീ​ടു​ക​ളി​ൽ വ​രും‌ദി​വ​സ​ങ്ങ​ളി​ൽ ഇ​ള​യ​തി​നെ തോ​ളി​ലേ​റ്റി ​പ​റ​യെ​ടു​ക്കാ​നെ​ത്തും. മ​ച്ചാ​ട് മാ​മാ​ങ്ക​ത്തി​ന്‍റെ പ​റപു​റ​പ്പാ​ടി​ൽ ചെ​ണ്ട​യ്ക്കു സ്ഥാ​ന​മി​ല്ല. പ​ക​രം കൊ​മ്പും കു​ഴ​ലു​മാ​ണ് ഉ​ണ്ടാ​കു​ക. ജാ​തിമ​ത വ്യ​ത്യാ​സ​മി​ല്ലാ​തെ എ​ല്ലാ വി​ഭാ​ഗം ജ​ന​ങ്ങ​ളും മാ​മാ​ങ്ക​പ്പ​റ വീ​ടു​ക​ളി​ൽ വ​യ്ക്കു​ന്ന​ത് ഇ​വി​ട​ത്തെ മാ​ത്രം പ്ര​ത്യേ​ക​ത​യാ​ണ്. പ​റ​പു​റ​പ്പാ​ട് ദി​വ​സം മു​ത​ൽ പൂ​രംദി​നംവ​രെ ക്ഷേ​ത്ര​ത്തി​ലും വി​വി​ധ ത​ട്ട​ക ദേ​ശ​ങ്ങ​ളി​ലും വി​വി​ധ ക​ലാ​പ​രി​ക​ൾ ഉ​ണ്ടാ​കും.

ഇ​ത്ത​വ​ണ​ത്തെ വേ​ലാ​ഘോ​ഷ പ​രി​പാ​ടി​ക​ൾ​ക്കു ചു​ക്കാ​ൻ പി​ടി​ക്കു​ന്ന​ത് പു​ന്നം​പ​റ​മ്പ് വി​ഭാ​ഗ​മാ​ണ്. ​കെ.​ രാ​മ​ച​ന്ദ്ര​ൻ - പ്ര​സി​ഡ​ന്‍റ്, ടി.​എ​സ്.​ ജ​യ​ൻ - ​സെ​ക്ര​ട്ട​റി, സി.​എ.​ ന​ന്ദ​കു​മാ​ർ - ട്ര​ഷ​റ​ർ എന്നി വ​രു​ടെ ക​മ്മി​റ്റി​യാ​ണു മാ​മാ​ങ്ക​ത്തി​നു നേ​തൃ​ത്വം ന​ൽ​കു​ന്ന​ത്.

ക്ഷേ​ത്ര​ത്തി​ൽ‌​നി​ന്നും ഇ​ന്ന​ലെ രാ​ത്രി പ​റ​പു​റ​പ്പെ​ട്ട​തോ​ടെ മാ​മാ​ങ്ക ദി​വ​സം വ​രെ ദേ​ശ​ങ്ങ​ളി​ലെ വീ​ടു​ക​ളി​ൽ നാ​ട​ൻ ക​ലാ​രു​പ​ങ്ങ​ളാ​യ​ തി​റ, പൂ​ത​ൻ, കു​മ്മാ​ട്ടി, ആ​ണ്ടി, നാ​യാ​ടി മു​ത​ലാ​യ​വ​ വീ​ടു​ക​ളി​ലെ​ത്തും. ദേ​ശ​ങ്ങ​ളി​ൽ ഇ​ന്നു​മു​ത​ൽ വി​വി​ധ ക​ലാ​പ​രി​പാ​ടി​ക​ളും ഉ​ണ്ടാ​കും. പ​റ​പു​റ​പ്പാ​ടി​നു​ശേ​ഷം ക്ഷേ​ത്ര​ത്തി​ൽ ചെ​മ്മീ​ൻ​ബാ​ൻ​ഡ് അ​വ​ത​രി​പ്പി​ച്ച ലൈ​വ് ക​ൺ​സേ​ർ​ട്ട്‌ ന​ട​ന്നു. ക​രു​മ​ത്ര, മ​ണ​ലി​ത്ത​റ, വി​രു​പ്പാ​ക്ക, പാ​ർ​ളി​ക്കാ​ട്, മം​ഗ​ലം എ​ന്നീ പ്ര​ധാ​ന ദേ​ശ​ക്കാ​ർ മ​ത്സ​രി​ച്ച് പ​ങ്കെ​ടു​ക്കു​ന്ന മാ​മാ​ങ്കം 18 നാ​ണ്.