തൃ​ശൂ​ർ: എ​ന്നും എ​പ്പോ​ഴും പാ​ർ​ട്ടി​യി​ലെ സൗ​മ്യ​ഭാ​വ​ക്കാ​ര​നാ​യി​രു​ന്നു കെ.​വി.​അ​ബ്ദു​ൾ​ഖാ​ദ​ർ. ഒ​പ്പം പാ​ർ​ട്ടി​യി​ലെ ക​രു​ത്ത​നും.

യു​വ​ജ​ന​പ്ര​സ്ഥാ​ന​ത്തി​ലൂ​ടെ പാ​ർ​ട്ടി​യി​ലേ​ക്കെ​ത്തി​യ അ​ബ്ദു​ൾ​ഖാ​ദ​റി​ന് എ​ല്ലാ​വ​രെ​യും കൂ​ടെ​നി​ർ​ത്താ​ൻ പ്ര​ത്യേ​ക ക​ഴി​വു​ണ്ട്. അ​തു​കൊ​ണ്ടു​ത​ന്നെ എം.​എം. വ​ർ​ഗീ​സ് സ്ഥാ​ന​മൊ​ഴി​യു​ക​യാ​ണെ​ങ്കി​ൽ പി​ന്നെ​യാ​ര് എ​ന്ന ചോ​ദ്യ​ത്തി​നു​ള്ള പ​ട്ടി​ക​യി​ൽ ആ​ദ്യ​പേ​ര് അ​ബ്ദു​ൾ ഖാ​ദ​റി​ന്‍റേ​താ​യി​രു​ന്നു. വ​യ​സ് 58 ആ​യെ​ങ്കി​ലും പാ​ർ​ട്ടി​യി​ലെ യു​വ​തു​ർ​ക്കി​യാ​ണ് ഇ​പ്പോ​ഴും അ​ബ്ദു​ൾ​ഖാ​ദ​ർ.

ജി​ല്ലാ സെ​ക്ര​ട്ടേ​റി​യ​റ്റം​ഗ​വും എ​ൽ​ഡി​എ​ഫ് ജി​ല്ലാ ക​ണ്‍​വീ​ന​റും പ്ര​വാ​സി​സം​ഘം സം​സ്ഥാ​ന ജ​ന​റ​ൽ സെ​ക്ര​ട്ട​റി​യും പ്ര​വാ​സി ക്ഷേ​മ​ബോ​ർ​ഡ് ചെ​യ​ർ​മാ​നു​മാ​ണ്.1991 മു​ത​ൽ സി​പി​എം ചാ​വ​ക്കാ​ട് ഏ​രി​യ ക​മ്മി​റ്റി​യം​ഗ​മാ​ണ്. 1997 മു​ത​ൽ പാ​ർ​ട്ടി ഏ​രി​യ സെ​ക്ര​ട്ട​റി​യാ​യി. തു​ട​ർ​ന്നു സി​പി​എം ജി​ല്ലാ ക​മ്മ​റ്റി​യം​ഗ​വും സെ​ക്ര​ട്ടേ​റി​യ​റ്റ് അം​ഗ​വു​മാ​യി. മ​ത്സ്യ​ത്തൊ​ഴി​ലാ​ളി ഫെ​ഡ​റേ​ഷ​ൻ - സി​ഐ​ടി​യു ജി​ല്ലാ പ്ര​സി​ഡ​ന്‍റ്, ബീ​ഡി വ​ർ​ക്കേ​ഴ്സ് യൂ​ണി​യ​ൻ -സി​ഐ​ടി​യു പ്ര​സി​ഡ​ന്‍റ് എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചി​ട്ടു​ണ്ട്. 2006 മു​ത​ൽ 2021 വ​രെ ഗു​രു​വാ​യൂ​ർ എം​എ​ൽ​എ​യാ​യി​രു​ന്നു.

ദേ​ശാ​ഭി​മാ​നി​യു​ടെ ഗു​രു​വാ​യൂ​ർ ലേ​ഖ​ക​നാ​യി 12 വ​ർ​ഷ​ത്തോ​ളം പ്ര​വ​ർ​ത്തി​ച്ചു. ഡി​വൈ​എ​ഫ്ഐ ജി​ല്ലാ പ്ര​സി​ഡ​ന്‍റ്, ഡി​വൈ​എ​ഫ്ഐ സം​സ്ഥാ​ന ക​മ്മി​റ്റി​യം​ഗം എ​ന്നീ നി​ല​ക​ളി​ലും പ്ര​വ​ർ​ത്തി​ച്ചി​രു​ന്നു.

സ്വ​ന്തം ലേ​ഖ​ക​ൻ
ക​ട​പ്പു​റം പ​ഞ്ചാ​യ​ത്തി​ലെ ബ്ലാ​ങ്ങാ​ട് പ​രേ​ത​നാ​യ ക​റു​പ്പം വീ​ട്ടി​ൽ അ​ബു​വി​ന്‍റെ​യും പാ​ത്തു​വി​ന്‍റെ​യും മ​ക​നാ​ണ്. ഷെ​റീ​ന​യാ​ണ് ഭാ​ര്യ. മ​ക്ക​ൾ: അ​ഖി​ൽ (സി​നി​മാ സ​ഹ​സം​വി​ധാ​യ​ക​ൻ), അ​ജി​ഷ.