പെ​രി​ങ്ങോ​ട്ടു​ക​ര: സ്കൂ​ൾ വാ​ർ​ഷി​കാ​ഘോ​ഷ​ത്തി​നി​ടെ അ​തി​ക്ര​മി​ച്ചു​ക​യ​റി​യ ഇ​ത​ര​സം​സ്ഥാ​ന​ത്തൊ​ഴി​ലാ​ളി വി​ദ്യാ​ർ​ഥി​ക​ളെ ആ​ക്ര​മി​ച്ചു. വെ​ള്ളി​യാ​ഴ്ച രാ​ത്രി എ​ട്ടി​ന് പെ​രി​ങ്ങോ​ട്ടു​ക​ര ഗ​വ.​മോ​ഡ​ൽ എ​ൽ​പി സ്കൂ​ളി ലാ​ണ് സം​ഭ​വം.

വേ​ദി​യി​ൽ ക​ലാ​പ​രി​പാ​ടി​ക​ൾ ന​ട​ന്നു​കൊ​ണ്ടി​രി​ക്കേ ശൗ​ചാ​ല​യ​ത്തി​ലേ​ക്കു​പോ​യ മൂ​ന്ന് ആ​ൺ​കു​ട്ടി​ക​ളെ അ​വി​ടെ ഒ​ളി​ച്ചി​രു​ന്നാ​ണ് ഇ​യാ​ള്‌ ആ​ക്ര​മി​ച്ച​ത്. കോ​ള​റി​ലും കൈ​യി​ലും പി​ടി​ച്ച് വ​ലി​ച്ചു​കൊ​ണ്ടു​പോ​കാ​ൻ ശ്ര​മി​ച്ച​ത് ത​ട​ഞ്ഞ കു​ട്ടി​ക​ളെ ഉ​പ​ദ്ര​വി​ക്കു​ക​യാ​യി​രു​ന്നു. പേ​ടി​ച്ച​ര​ണ്ട കു​ട്ടി​ക​ൾ ഇ​യാ​ളി​ൽ​നി​ന്ന് കു​ത​റി​മാ​റി ഓ​ടി​വ​ന്ന് ര​ക്ഷി​താ​ക്ക​ളെ വി​വ​ര​മ​റി​യി​ച്ചു.

സ്കൂ​ൾ അ​ങ്ക​ണ​ത്തി​ൽ​നി​ന്നു​ത​ന്നെ ര​ക്ഷി​താ​ക്ക​ൾ ഇ​യാ​ളെ പി​ടി​കൂ​ടി പോ​ലീ​സി​നെ വി​ളി​ച്ചു. എ​ന്നാ​ൽ പോ​ലീ​സെ​ത്തു​ന്ന​തി​നു മു​ൻ​പ് ഇ​യാ​ൾ ഓ​ടി​ര​ക്ഷ​പ്പെ​ടു​ക​യാ​യി​രു​ന്നു. അ​ന്തി​ക്കാ​ട് പോ​ലീ​സ് അ​ന്വേ​ഷ​ണ​മാ​രം​ഭി​ച്ചു.

സ്കൂ​ളി​നു സ​മീ​പ​ത്തു​ള്ള ആ​ക്രി​സം​ഭ​ര​ണ​കേ​ന്ദ്ര​ത്തി​ൽ തൊ​ഴി​ലെ​ടു​ക്കു​ന്ന പ​തി​ന​ഞ്ചു​കാ​ര​നാ​ണ് ആ​ക്ര​മ​ണം ന​ട​ത്തി​യ​തെ​ന്ന് സ്കൂ​ൾ അ​ധി​കൃ​ത​ർ​പ​റ​ഞ്ഞു. സ്കൂ​ളി​ലെ നി​ർ​മാ​ണ​സാ​മ​ഗ്രി​ക​ളും ക​ളി​യു​പ​ക​ര​ണ​ങ്ങ​ളും പ​തി​വാ​യി മോ​ഷ​ണം പോ​കു​ന്നു​ണ്ട​ന്നും ശൗ​ചാ​ല​യ​ങ്ങ​ൾ വൃ​ത്തി​കേ​ടാ​ക്കു​ന്നു​ണ്ടെ​ന്നും പ്ര​ധാ​നാ​ധ്യാ​പി​ക കെ.​ജി. ബി​ന്ദു അ​റി​യി​ച്ചു.

അ​ന​ധി​കൃ​ത​മാ​യി അ​റു​പ​തി​ലേ​റെ അ​തി​ഥി​ത്തൊ​ഴി​ലാ​ളി​ക​ൾ സ​മീ​പ​ത്ത് താ​മ​സി​ക്കു​ന്നു​ണ്ടെ​ന്നും ഇ​വ​രി​ൽ​നി​ന്ന് സ്കൂ​ളി​നും പ്ര​ദേ​ശ​വാ​സി​ക​ൾ​ക്കും പ​ല രീ​തി​യി​ലു​ള്ള ഉ​പ​ദ്ര​വ​ങ്ങ​ളു​ണ്ടെ​ന്നും പി​ടി​എ പ്ര​സി ഡ​ന്‍റ് കെ.​ആ​ർ. പ്ര​ദീ​ഷ് പ​റ​ഞ്ഞു.