സ്വ​ന്തം ലേ​ഖ​ക​ൻ

തൃ​ശൂ​ർ: വ​നം​വ​കു​പ്പി​ന്‍റെ ഔ​ദ്യോ​ഗി​ക റേ​ഡി​യോ ഫ്രീ​ക്വ​ൻ​സി ദു​രു​പ​യോ​ഗം ചെ​യ്തു സ്വ​കാ​ര്യ വ​യ​ർ​ലെ​സ് സെ​റ്റ് ഉ​പ​യോ​ഗി​ച്ചെ​ന്ന ആ​രോ​പ​ണ​ത്തി​ൽ ജീ​വ​ന​ക്കാ​ര​നെ​തി​രേ ന​ട​പ​ടി. ചാ​ല​ക്കു​ടി വ​നം ഡി​വി​ഷ​നു​കീ​ഴി​ലെ ചാ​യ്പ​ൻ​കു​ഴി ഡെ​പ്യൂ​ട്ടി റേ​ഞ്ച് ഓ​ഫീ​സ​ർ കെ. ​അ​നി​ൽ​കു​മാ​റി​നെ​രേ​യാ​ണ് ന​ട​പ​ടി. ഉ​ദ്യോ​ഗ​സ്ഥ​നെ സ്ഥ​ലം​മാ​റ്റാ​നും തു​ട​ർ​ശി​ക്ഷാ​ന​ട​പ​ടി​ക​ൾ സ്വീ​ക​രി​ക്കാ​നും മ​ന്ത്രി എ.​കെ. ശ​ശീ​ന്ദ്ര​ൻ നി​ർ​ദേ​ശം ന​ൽ​കി.

അ​ന​ധി​കൃ​ത ചൈ​നീ​സ് വ​യ​ർ​ലെ​സ് സെ​റ്റ് ഉ​പ​യോ​ഗി​ച്ചു വ​നം, പോ​ലീ​സ്, എ​ക്സൈ​സ് സേ​ന​ക​ളു​ടെ ര​ഹ​സ്യ​നീ​ക്ക​ങ്ങ​ൾ വ​ന​മേ​ഖ​ല​യി​ലെ വാ​റ്റു​കാ​ർ​ക്കും വേ​ട്ട​ക്കാ​ർ​ക്കും ക​ഞ്ചാ​വു​കൃ​ഷി​ക്കാ​ർ​ക്കും ചോ​ർ​ത്തി​ന​ൽ​കി​യെ​ന്നു വ​നം വി​ജി​ല​ൻ​സ് കു​റ്റ​പ​ത്രം ന​ൽ​കി​യ​തി​നു പി​ന്നാ​ലെ​യാ​ണു ന​ട​പ​ടി. വ​നം​വ​കു​പ്പ് വി​ജി​ല​ൻ​സ് എ​സി​എ​ഫി​ന്‍റെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ അ​ച്ച​ട​ക്ക​ന​ട​പ​ടി​യെ​ടു​ക്കാ​ൻ വ​നം വി​ജി​ല​ൻ​സ് മേ​ധാ​വി ശി​പാ​ർ​ശ ചെ​യ്തി​ട്ടും ഉ​ദ്യോ​ഗ​സ്ഥ​ൻ പ​ദ​വി​യി​ൽ തു​ട​രു​ന്ന​തു ക​ഴി​ഞ്ഞ​ദി​വ​സം വാ​ർ​ത്ത​യാ​യി​രു​ന്നു.

ചൈ​നീ​സ് വ​യ​ർ​ലെ​സ് സൈ​റ്റ് ഉ​പ​യോ​ഗി​ച്ചു ര​ഹ​സ്യ​സ​ന്ദേ​ശ​ങ്ങ​ൾ ചോ​ർ​ത്തു​ന്നെ​ന്ന പ​രാ​തി എ​റ​ണാ​കു​ളം ഫ്ള​യിം​ഗ് സ്ക്വാ​ഡ് ഡി​എ​ഫ്ഒ ആ​ണ് ആ​ദ്യം അ​ന്വേ​ഷി​ച്ച​ത്. പ​രാ​തി സ​ത്യ​മാ​ണെ​ന്നും വ​നം​വ​കു​പ്പി​ന്‍റെ ഫ്രീ​ക്വ​ൻ​സി സെ​റ്റ് ചെ​യ്ത് ഉ​പ​യോ​ഗി​ച്ചെ​ന്നും അ​ന്വേ​ഷ​ണ​ത്തി​ൽ ക​ണ്ടെ​ത്തി. ഈ ​റി​പ്പോ​ർ​ട്ട് കോ​ഴി​ക്കോ​ട് ഇ​ൻ​സ്പെ​ക്‌​ഷ​ൻ ആ​ൻ​ഡ് ഇ​വാ​ല്വേ​ഷ​ൻ ഫോ​റ​സ്റ്റ് ക​ണ്‍​സ​ർ​വേ​റ്റ​റു​ടെ വി​ജി​ല​ൻ​സ് എ​സി​എ​ഫി​നു കൈ​മാ​റു​ക​യാ​യി​രു​ന്നു.

ചാ​ല​ക്കു​ടി വ​നം ഡി​വി​ഷ​നു കീ​ഴി​ലെ പ​രി​യാ​രം റേ​ഞ്ചി​ലെ ചാ​യ്പ​ൻ​കു​ഴി കേ​ന്ദ്രീ​ക​രി​ച്ചു വ​ന​ത്തി​നു​ള്ളി​ൽ നി​യ​മ​വി​രു​ദ്ധ​പ്ര​വ​ർ​ത്ത​ന​ങ്ങ​ൾ വ​ർ​ധി​ക്കു​ന്നെ​ന്നു ക​ണ്ടെ​ത്തി​യി​രു​ന്നു. പോ​ലീ​സും എ​ക്സൈ​സും ന​ട​ത്തി​യ ര​ഹ​സ്യ​നീ​ക്ക​ങ്ങ​ൾ പ​ല​തും ചോ​ർ​ന്നു. വ​ന​ത്തി​നു​ള്ളി​ലെ പ​രി​ശോ​ധ​ന​യ്ക്കു വ​നം​വ​കു​പ്പി​ന്‍റെ സ​ഹാ​യ​വും ല​ഭി​ച്ചി​ല്ല. ഇ​തേ​ത്തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​നി​ടെ​യാ​ണ് അ​ന​ധി​കൃ​ത വ​യ​ർ​ലെ​സ് ഉ​പ​യോ​ഗ​ത്തെ​ക്കു​റി​ച്ചും പ​രാ​തി ല​ഭി​ച്ച​ത്. സം​ഭ​വ​ത്തെ​ക്കു​റി​ച്ചു കേ​ന്ദ്ര ര​ഹ​സ്യാ​ന്വേ​ഷ​ണ ഏ​ജ​ൻ​സി​ക​ളും അ​ന്വേ​ഷി​ക്കു​മെ​ന്നാ​ണു വി​വ​രം.