ഗാന്ധി​ന​ഗ​ർ: മെ​ഡി​ക്ക​ൽ കോ​ള​ജ് ആ​ശു​പ​ത്രി ഗൈ​ന​ക്കോ​ള​ജി വി​ഭാ​ഗ​ത്തി​ൽ അ​ൾ​ട്ര സൗ​ണ്ട് സ്കാ​നിം​ഗ്, പോ​ർ​ട്ട​ബി​ൾ എ​ക്സ​്റേ സം​വി​ധാ​നം എന്നിവ ഏ​ർ​പ്പെ​ടു​ത്ത​ണ​മെ​ന്ന ആ​വ​ശ്യം ശ​ക്തം.

ഗ​ർ​ണി​ക​ൾ​ക്കും ഗ​ർ​ഭാ​ശ​യ രോ​ഗ​ങ്ങ​ൾ ബാ​ധി​ച്ച​വ​ർ​ക്കും കു​ഞ്ഞു​ങ്ങ​ൾ​ക്കും ആ​ൾ​ട്രാ സൗ​ണ്ട് സ്കാ​നിം​ഗും എ​ക്സ്​റേ​യും വേ​ണ്ടിവ​രു​മ്പോ​ൾ ആ​ശു​പ​ത്രി​യു​ടെ മെ​യി​ൻ ബ്ലോ​ക്കി​ൽ പ്ര​വ​ർ​ത്തി​ക്കു​ന്ന മു​റി​യി​ൽ ചെ​ല്ല​ണം. എ​ക്സ​റേ എ​ടു​ക്ക​ണ​മെ​ങ്കി​ൽ മെ​യി​ൻ ബ്ലോ​ക്കി​ലോ അ​ത്യാ​ഹി​ത​ത്തി​ലോ പ്ര​വ​ർ​ത്തി​ക്കു​ന്ന എ​ക്സ​റേ വി​ഭാ​ഗ​ത്തി​ൽ എ​ത്ത​ണം.

മെ​യി​ൻ ബ്ലോ​ക്കി​ൽ നി​ന്ന് കു​റ​ച്ച് അ​കലെ യാ​ണ് ഗൈ​ന​ക്കോ​ള​ജി വി​ഭാ​ഗം പ്ര​വ​ർ​ത്തി​ക്കു​ന്ന​ത്. സ്കാ​നിം​ഗി​നും എ​ക്സ്​റേ​യ്ക്കും ഡോ​ക്ട​ർ കു​റി​ച്ചു ന​ൽ​കി​യാ​ൽ ചീട്ടു​മാ​യി രോ​ഗി​ക​ളു​ടെ ബ​ന്ധു​ക്ക​ൾ സ്കാ​നിം​ഗ്, എ​ക്സ​റേ യു​ണി​റ്റു​ക​ളി​ലെ​ത്തി എ​പ്പോ​ൾ വ​ര​ണ​മെ​ന്നു​ള്ള സ​മ​യം വാ​ങ്ങ​ണം. തു​ട​ർ​ന്ന് ഗൈ​ന​ക്കോ​ള​ജി​യിലെ ആം​ബു​ല​ൻ​സ് വ​ന്ന് രോ​ഗിയെ മെ​യി​ൻ ബ്ലോ​ക്കി​ലെ​ത്തി​ക്ക​ണം.

ഇ​തി​നുപു​റ​മേ കു​ട്ടി​ക​ളു​ടെ ആ​ശു​പ​ത്രി​യി​ൽനി​ന്നു​ള്ള കു​ഞ്ഞ​ങ്ങ​ളെ​യും ഇ​വി​ടെ​യാ​ണ് എ​ത്തി​ക്കു​ന്ന​ത്. തി​ര​ക്കു​ള്ള സ​മ​യ​ത്ത് സ്കാ​നിംഗിനും ​എ​ക്സ്​റേ​യ്ക്കും മണിക്കൂറുകൾ കാത്തിരിക്കണം. തി​രി​കെ ഗൈ​ന​ക്കി​ലേ​ക്ക് പോ​കു​ന്ന​തി​ന് ആം​ബു​ല​ൻ​സിനുവേണ്ടി ഏ​റെ നേരം കാ​ത്തി​രി​ക്കേ​ണ്ടി വ​രും. അപ്പോഴേക്കും രോ​ഗി​ക​ൾ അ​വ​ശ​ത​യി​ലാ​കും.

മു​ൻവ​ർ​ഷം പൂ​ർ​ണ ഗ​ർ​ഭി​ണി​യാ​യ യു​വ​തി​ക്ക് അ​ൾ​ട്രാ സൗ​ണ്ട് സ്കാ​ൻ ചെ​യ്യു​ന്ന​തി​ന് 420-ാം ന​മ്പ​ർ മു​റി​യു​ടെ സ​മീ​പ​ത്തി​രി​ക്കു​മ്പോ​ൾ പ്ര​സ​വ​വേ​ദ​ന അ​നു​ഭ​വ​പ്പെ​ട്ടു. യു​വ​തി​യെ ഉ​ട​ൻത​ന്നെ ഗൈ​ന​ക്കി​ൽ എ​ത്തി​ച്ചു. വൈ​കാ​തെ പ്രസവിക്കുകയും ചെ​യ്തു. യു​വ​തി​യെ ഗൈ​ന​ക്കി​ൽ എ​ത്തി​ക്കാ​ൻ വൈ​കി ​യി​രു​ന്ന​ങ്കി​ൽ 420 -ാം ന​മ്പ​ർ മു​റി​ക്കു സ​മീ​പം പ്ര​സ​വം ന​ട​ക്കു​മാ​യി​രു​ന്നു.

അ​തേ​സ​മ​യം ഗൈ​ന​ക്കോ​ള​ജി പ്ര​വ​ർ​ത്തി​ക്കു​ന്ന കെ​ട്ടി​ടസ​മു​ച്ച​യ​ത്തി​ൽത്ത​ന്നെ അൾ​ട്രാ സൗ​ണ്ട് സ്കാ​നിം​ഗ് സം​വി​ധാ​ന​വും എ​ക്സ​്റേ യൂ​ണി​റ്റും ഏ​ർ​പ്പെ​ടു​ത്തി​യാ​ൽ ഗ​ർ​ഭി​ണി​ക​ൾ​ക്കും കു​ഞ്ഞു​ങ്ങ​ൾ​ക്കും ഗു​ണ​ക​ര​മാ​കും. മ​ധ്യ​കേ​ര​ള​ത്തി​ലെ പ്ര​ധാ​ന മാ​തൃ -ശി​ശു സം​ര​ക്ഷ​ണ കേ​ന്ദ്ര​മാ​ണ് കോ​ട്ട​യം മെ​ഡി​ക്ക​ൽ കോ​ള​ജി​ലെ ഗൈ​ന​ക്കോ​ളി വി​ഭാ​ഗം. ല​ക്ഷ്യ പ​ദ്ധ​തി​യി​ലും ഉ​ൾ​പ്പെ​ട്ടി​ട്ടു​ണ്ട്.​

നി​ല​വി​ൽ ഗൈ​ന​ക്കി​ലെ ഇ സി ജി ​വി​ഭാ​ഗം ഒപി സ​മ​യ​ത്ത് മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്. ഒ ​പി സ​മ​യ​ത്തി​നു ശേ​ഷം ഇസിജി ​എ​ടു​ക്ക​ണ​മെ​ങ്കി​ൽ അ​ത്യാ​ഹി​ത​ വിഭാഗത്തി​ൽ എ​ത്ത​ണമെന്ന​താ​ണ് സ്ഥി​തി.