മദ്യവിരുദ്ധ സമിതി സംസ്ഥാന സമ്മേളനം ഫെബ്രു.26ന്
1495813
Thursday, January 16, 2025 7:17 AM IST
കോട്ടയം: കെസിബിസി മദ്യവിരുദ്ധ കമ്മീഷന്‍റെയും മദ്യവിരുദ്ധ സമിതിയുടെയും സംയുക്ത സംസ്ഥാന സമ്മേളനം ഫെബ്രുവരി 26നു കോട്ടയത്ത് നടക്കും. സമ്മേളനം പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്യും. ബിഷപ് യൂഹാനോന്‍ മാര്‍ തെയോഡോഷ്യസ് അധ്യക്ഷത വഹിക്കും.
കേരള കത്തോലിക്ക സഭയിലെ സീറോ മലബാര്‍-മലങ്കര-ലത്തീന്‍ റീത്തുകളിലെ ബിഷപ്പുമാര്‍ വിശിഷ്ടാതിഥികളാകും. സമ്മേളനത്തിന് മുന്നോടിയായി കോട്ടയം ലൂര്‍ദ് പള്ളി ഹാളില്‍ നടന്ന പ്രതിനിധി സമ്മേളനത്തില്‍ മദ്യവിരുദ്ധ കമ്മീഷന്‍ ചെയര്‍മാന്‍ ബിഷപ് യൂഹാനോന്‍ മാന്‍ തെയോഡോഷ്യസ് അധ്യക്ഷത വഹിച്ചു.
ഫാ. ജോണ്‍ അരീക്കല്‍, മോണ്‍. ജോസ് നവസ്, ഫാ. ജോസ് നെല്‍പ്പുരപറമ്പില്‍, പ്രസാദ് കുരുവിള, ഫാ. ജേക്കബ് വെള്ളമരുതുങ്കല്‍, ടി.എസ്. ഏബ്രഹാം, കെ.പി. മാത്യു, തോമസുകുട്ടി മണക്കുന്നേല്‍, ജോസ്മോന്‍ പുഴക്കരോട്ട്, ഫാ. ബോബി ക്രിസ്റ്റഫര്‍, ആന്‍റണി മാത്യു എന്നിവര്‍ പ്രസംഗിച്ചു.
ബിഷപ് യൂഹാനോന്‍ മാര്‍ തെയോഡോഷ്യസ് ചെയര്‍മാനായും ഫാ. ജോണ്‍ അരീക്കല്‍, ഫാ. ജോസ് നെല്‍പ്പുരപറമ്പില്‍, ഫാ. ജോസ് നവസ്, ഫാ. ജേക്കബ് വെള്ളമരുതുങ്കല്‍ എന്നിവര്‍ വൈസ് ചെയര്‍മാന്‍മാരായും പ്രസാദ് കുരുവിള ജനറല്‍ കണ്‍വീനറായും 101 അംഗ സ്വാഗതസംഘവും രൂപീകരിച്ചു.