മ​ല​യോ​ര ഹൈ​വേ​യി​ലെ ചെ​ന്തോ​ട് പാ​ല​ത്തി​ന്‍റെ തൂ​ൺ ഭാ​ഗി​ക​മാ​യി പൊ​ളി​ച്ചു തുടങ്ങി
Tuesday, July 16, 2024 1:48 AM IST
ഇ​രി​ട്ടി: വ​ള്ളി​ത്തോ​ട്-​മ​ണ​ത്ത​ണ മ​ല​യോ​ര ഹൈ​വേ​യി​ൽ പാ​ല​പ്പു​ഴ​യി​ൽ ചെ​ന്തോ​ട് പു​തു​താ​യി നി​ർ​മി​ക്കു​ന്ന പാ​ല​ത്തി​ന്‍റെ തു​ണി​ന് ബ​ല​ക്ഷ​യം. നി​ർ​മാ​ണം പൂ​ർ​ത്തി​യാ​യ തൂ​ൺ ഭാ​ഗി​ക​മാ​യി പൊ​ളി​ച്ചു മാ​റ്റ​ണ​മെ​ന്ന പൊ​തു​മ​രാ​മ​ത്ത് വ​കു​പ്പ് ഗു​ണ​നി​ല​വാ​ര വി​ഭാ​ഗ​ത്തി​ന്‍റെ ഉ​ത്ത​ര​വി​നെ തു​ട​ർ​ന്ന് തൂ​ൺ ഭാ​ഗി​ക​മാ​യി പൊ​ളി​ച്ചു തുടങ്ങി.

ഇ​രു തൂ​ണു​ക​ളു​ടേ​യും നി​ർ​മാ​ണം പൂ​ർ​ത്തി​യാ​ക്കി ക​രാ​റു​കാ​ര​ൻ ന​ട​ത്തി​യ ഗു​ണ​നി​ല​വാ​ര പ​രി​ശോ​ധ​ന​യി​ൽ ബ​ല​ക്ഷ​യ​ത്തെ​ക്കു​റി​ച്ച് സൂ​ച​ന​ക​ൾ ഒ​ന്നും ഉ​ണ്ടാ​യി​രു​ന്നി​ല്ല. തു​ട​ർ​ന്ന് കെ​ആ​ർ​എ​ഫ്ബി ​ന​ട​ത്തി​യ പ​രി​ശോ​ധ​ന​യി​ൽ തൂ​ണി​ന്‍റെ അ​വ​സാ​ന ലെ​യ​റു​ക​ളി​ൽ ബ​ല​ക്ഷ​യം ക​ണ്ടെ​ത്തി​യ​ത്. ഇ​ത് ഉ​റ​പ്പി​ക്കു​ന്ന​തി​ന്‍റെ ഭാ​ഗ​മാ​യി ക​രാ​റു​കാ​ര​ൻ ഊ​രാ​ളു​ങ്ക​ൽ സൊ​സൈ​റ്റി​യു​ടെ സ​ഹാ​യ​ത്തോ​ടെ ന​ട​ത്തി​യ മൂ​ന്നാ​മ​ത്തെ പ​രി​ശോ​ധ​ന​യി​ലും ഗു​ണ​നി​ല​വാ​രം ഉ​റ​പ്പാ​ക്കു​ന്ന​തി​ൽ പ​രാ​ജ​യ​പ്പെ​ട്ട​തോ​ടെ​യാ​ണ് ഒ​രാ​ഴ്ച്ച​ക്കു​ള്ളി​ൽ പൊ​ളി​ച്ചു​മാ​റ്റാ​ൻ നി​ർ​ദേ​ശി​ച്ച​ത്.

കേ​ര​ള റോ​ഡ് ഫ​ണ്ടി​ൽ ഉ​ൾ​പ്പെ​ടു​ത്തി 49.39 കോ​ടി​ക്കാ​ണ് ഹൈ​വേ​യു​ടെ ഉ​പ​രി​ത​ലം പു​തു​ക്ക​ലും പു​തി​യ പാ​ല​ത്തി​ന്‍റെ നി​ർ​മാ​ണ​വും ന​ട​ക്കു​ന്ന​ത്. എ​ന്നാ​ൽ, നി​ർ​മാ​ണം വൈ​കി​പ്പി​ച്ച് വീ​ണ്ടും പു​തു​ക്കി​യ എ​സ്റ്റി​മേ​റ്റ് പ്ര​കാ​രം 83 കോ​ടി​രൂ​പ​ക്ക് ഭ​ര​ണാ​നു​മ​തി ല​ഭി​ച്ച​തോ​ടെ 33 കോ​ടി​യോ​ളം രൂ​പ​യാ​ണ് സ​ർ​ക്കാ​ർ ഖ​ജ​നാ​വി​ന് അ​ധി​ക ബാ​ധ്യ​ത വ​രു​ത്തി​യി​രി​ക്കു​ന്ന​ത്.

ചെ​ന്തോ​ടി​നു കു​റു​കെ നേ​ര​ത്തെ ഉ​ണ്ടാ​യി​രു​ന്ന വീ​തി​കു​റ​ഞ്ഞ ചെ​റി​യ പാ​ലം പൊ​ളി​ച്ചു നീ​ക്കി​യാ​ണ് 12 മീ​റ്റ​ർ വീ​തി​യി​ൽ ര​ണ്ട് തൂ​ണു​ക​ളി​ലാ​യി പു​തി​യ പാ​ലം നി​ർ​മി​ക്കു​ന്ന​ത്. മ​ഴ​യ്ക്ക് മു​മ്പ് പാലം പണി പൂ​ർ​ത്തി​യാ​ക്കേ​ണ്ട​താ​യി​രു​ന്നു. പ​ഴ​യ പാ​ലം പൊ​ളി​ച്ച ഭാ​ഗ​ത്ത് നി​ർ​മി​ച്ച താ​ത്കാ​ലി​ക റോ​ഡ് ക​ന​ത്ത മ​ഴ​യി​ൽ ഒ​ഴു​കി പോ​യ​തോ​ടെ മ​ല​യോ​ര ഹൈ​വേ​യി​ൽ ഇ​തു​വ​ഴി​യു​ള്ള ഗ​താ​ഗ​തം കു​റ​ച്ചു​നാ​ൾ നി​രോ​ധി​ച്ചി​രു​ന്നു.

തു​ട​ർ​ന്നാ​ണ് വ​ലി​യ പൈ​പ്പ് സ്ഥാ​പി​ച്ച് ക്വാ​റി ഉ​ല്പ​ന്ന​ങ്ങ​ൾ നി​റ​ച്ച് താ​ത്കാ​ലി​ക റോ​ഡുണ്ടാക്കി ഗ​താ​ഗ​തം പു​ന​സ്ഥാ​പി​ച്ച​ത്. തൂ​ണി​ന് ബ​ല​ക്ഷ​യം ക​ണ്ടെ​ത്തി​യ​തോ​ടെ പാ​ല​ത്തി​ന്‍റെ നി​ർ​മാ​ണം ഇ​നി​യും വൈ​കും.
Copyright @ 2018 , Rashtra Deepika Ltd.