കണ്ണൂര്‍: രാജ്യത്തിന്‍റെ കുതിപ്പിന് ദീര്‍ഘവീക്ഷണത്തോടെ പദ്ധതികള്‍ ആവിഷ്‌കരിച്ച് നടപ്പിലാക്കിയ നേതാവായിരുന്നു മുന്‍ പ്രധാനമന്ത്രി രാജീവ് ഗാന്ധിയെന്ന് കെപിസിസി പ്രസിഡന്‍റ് കെ. സുധാകരന്‍ എംപി.
മുന്‍ പ്രധാനമന്ത്രി രാജീവ് ഗാന്ധിയുടെ 80-ാം ജന്മദിനം സദ്ഭാവനദിനത്തോടനുബന്ധിച്ച് ഡിസിസിയില്‍ നടന്ന അനുസ്മരണത്തിലും പുഷ്പാര്‍ച്ചനയിലും പങ്കെടുത്ത് പ്രസംഗിക്കുകയായിരുന്നു അദേഹം.
കംപ്യൂട്ടര്‍ യുഗത്തിലേക്ക് രാജ്യത്തെ കൊണ്ടുപോയത് രാജീവ് ഗാന്ധി നടപ്പിലാക്കിയ കംപ്യൂട്ടര്‍ വിപ്ലവമായിരുന്നു. അന്ന് കംപ്യൂട്ടറിനെ എതിര്‍ത്തവര്‍ ഇപ്പോള്‍ കംപ്യട്ടറുമായി നടക്കുന്നു. രാജ്യ പുരോഗതിക്ക് വേണ്ടി നിലകൊണ്ട നേതാവായിരുന്നു അദ്ദേഹം. രാജീവ് ഗാന്ധി കാട്ടിയ പാതയിലുടെ കോണ്‍ഗ്രസ് പ്രവര്‍ത്തകര്‍ മുന്നോട്ട് പോകണമെന്നും സുധാകരന്‍ ആഹ്വാനം ചെയ്തു.
ഡിസിസി പ്രസിഡന്‍റ് മാര്‍ട്ടിന്‍ ജോര്‍ജ് അധ്യക്ഷത വഹിച്ചു. നേതാക്കളായ പ്രഫ. എ.ഡി. മുസ്തഫ, ടി.ഒ. മോഹനൻ, കെ.സി. മുഹമ്മദ് ഫൈസൽ, വി.വി. പുരുഷോത്തമൻ, രാജീവൻ എളയാവൂർ, റിജിൽ മാകുറ്റി, അമൃത രാമകൃഷ്ണൻ, വി.പി. അബ്ദുൽ റഷീദ്, സുരേഷ് ബാബു എളയാവൂർ, സുദീപ് ജെയിംസ് തുടങ്ങിയ നേതാക്കൾ പങ്കെടുത്തു.
കണ്ണൂർ: മഹിളാ കോൺഗ്രസ് ജില്ലാ കമ്മിറ്റിയുടെ ആഭിമുഖ്യത്തിൽ അന്തരിച്ച മുൻ പ്രധാന മന്ത്രി രാജീവ് ഗാന്ധിയുടെ ജന്മവാർഷികദിനത്തിൽ പുഷ്പാർച്ചനയും അനുസ്മരണ യോഗവും നടന്നു. നേതാക്കളായ സി.ടി. ഗിരിജ , ലിഷ ദീപക്, ഉഷ് അരവിന്ദ്, കെ.പി. പദ്മിനി, ഉഷാ കുമാരി, കെ. ശ്രീജ, മഞ്ജുഷ, ഗീതു തുടങ്ങിയവർ പുഷ്പാർച്ചനയിലും അനസ്മരണയോഗത്തിലും പങ്കെടുത്തു.