പയ്യാവൂർ: കെസിസി അതിരൂപതാ സമിതിയുടെ നേതൃത്വത്തിൽ മടമ്പം ഫൊറോനയുടെ ആതിഥേയത്വത്തിൽ പയ്യാവൂർ സെന്റ് സെബാസ്റ്റ്യൻസ് പാരിഷ് ഹാളിൽ അതിരൂപതാതല മാർഗംകളി മത്സരം സംഘടിപ്പിച്ചു. പെൺകുട്ടികൾ, വനിതകൾ, പുരുഷന്മാർ എന്നിങ്ങനെ വിവിധ വിഭാഗങ്ങളായാണ് മത്സരം സംഘടിപ്പിച്ചത്.
പുരുഷന്മാരുടെ മെഗാ മാർഗംകളി മത്സരവും നടത്തി. പുരുഷന്മാരുടെ മാർഗംകളി മത്സരത്തിൽ പയ്യാവൂർ ടൗൺ യൂണിറ്റ് ഒന്നാം സ്ഥാനം നേടി.
രണ്ടാം സ്ഥാനം കണ്ടകശേരി യൂണിറ്റും മൂന്നാം സ്ഥാനം ചമതച്ചാൽ യൂണിറ്റും സ്വന്തമാക്കി. 1999 ജൂലൈ 20 നോ അതിനുമുന്പോ ജനിച്ച വനിതകളുടെ മത്സര വിഭാഗത്തിൽ മടമ്പം യൂണിറ്റ് ഒന്നാം സ്ഥാനവും പയ്യാവൂർ ടൗൺ, ചമതച്ചാൽ യൂണിറ്റുകൾ രണ്ടും മൂന്നും സ്ഥാനങ്ങളും സ്വന്തമാക്കി.
1999 ജൂലൈ 20നു ശേഷം ജനിച്ച പെൺകുട്ടികളുടെ വിഭാഗത്തിൽ പയ്യാവൂർ വലിയ പള്ളി യൂണിറ്റ് ഒന്നാം സ്ഥാനവും രണ്ടാം സ്ഥാനം മടമ്പം യൂണിറ്റും മൂന്നാം സ്ഥാനം കൂടല്ലൂർ യൂണിറ്റും നേടി.
പൊതുസമ്മേളനം കോട്ടയം അതിരൂപതാ വികാരി ജനറാൾ ഫാ. മൈക്കിൾ വെട്ടിക്കാട്ട് ഉദ്ഘാടനം ചെയ്തു. കെസിസി പ്രസിഡന്റ് ബാബു പറമ്പടത്തുമലയിൽ അധ്യക്ഷത വഹിച്ചു. യോഗത്തിൽ കെസിസി മലബാർ റീജൺ ചാപ്ലെയിൻ ഫാ. ജോയി കട്ടിയാങ്കൽ, കെസിസി സെക്രട്ടറി ബേബി മുളവേലിപ്പുറം, ട്രഷറർ ജോൺ തെരുവത്ത്, മടമ്പം ഫൊറോന വികാരി ഫാ. സജി മെത്താനത്ത്, ഫൊറോന ചാപ്ലെയിൻ ഫാ. ബേബി കട്ടിയാങ്കൽ, തോമസ് അരയത്ത്, ജോസ് കണിയാപറമ്പിൽ, ബിൻസി മാറികവീട്ടിൽ, ജാക്സൺ സ്റ്റീഫൻ, സജി ഞരളക്കാട്ടുകുന്നേൽ, ബിനു ചെങ്ങളം, റ്റിറ്റി തോമസ്, ഷിജു കൂറാനയിൽ, എൻ.കെ മത്തായി, ഫിലിപ്പ് കൊട്ടോടി, സജി പ്ലാച്ചേരിപ്പുറം, സജി കല്ലിടുക്കിൽ, ടോമി കൂഴങ്ങാട്ട് തുടങ്ങിയവർ പ്രസംഗിച്ചു.