ചെമ്പേരി: കർഷക ദിനാചരണത്തിന്‍റെ ഭാഗമായി വൈഎംസിഎ ചെമ്പേരി യൂണിറ്റിന്‍റെ ആഭിമുഖ്യത്തിൽ ഏരുവേശി പഞ്ചായത്ത് പരിധിയിലെ ജൈവ കർഷകരായ മൂന്നു യുവാക്കളെ ആദരിച്ചു. കേരളത്തിനകത്തും പുറത്തും മികച്ച ജോലി ലഭ്യമായിരുന്നിട്ടും അതുപേക്ഷിച്ച് പരമ്പരാഗത കൃഷികളിലേർപ്പെട്ട് വിജയം കൈവരിച്ച മൂന്നു യുവ കർഷകരാണ് വൈഎംസിഎയുടെ ഈ വർഷത്തെ ആദരവ് നേടിയത്.
ചെമ്പേരി വൈഎംസിഎ ജോയിന്‍റ് സെക്രട്ടറി നെല്ലിക്കുറ്റിയിലെ റോബി ഇലവുങ്കൽ, വലിയപറമ്പിലെ റോബിൻ അഴകത്ത്, ചെമ്പേരി ഇടമനയിലെ സജിത്ത് കടൂക്കുന്നേൽ എന്നിവരെ അവരുടെ വീടുകളിലെത്തിയാണ് വൈഎംസിഎ ഭാരവാഹികൾ ആദരിച്ചത്.
ചെമ്പേരി വൈഎംസിഎ പ്രസിഡന്‍റ് ജോമി ചാലിൽ, റീജണൽ ലീഡർ ജോസ് മേമടം, മുൻ പ്രസിഡന്‍റ് ബിജു തയ്യിൽ, ബാബുക്കുട്ടി കടുകന്മാക്കൽ, സജിത്ത് കൊച്ചുപറമ്പിൽ, വൈഎംസിഎ സബ് റീജണൽ മീഡിയ കോ-ഓർഡിനേറ്റർ ടോമി ചാമക്കാലയിൽ, സുദീപ് കടൂക്കുന്നേൽ, ഷീൻ വേലിയ്ക്കകത്ത്, ഡോമിനിക്ക് നാഗത്തിങ്കൽ, ട്രഷറർ സന്ദീപ് കടൂക്കുന്നേൽ, സെക്രട്ടറി ആന്‍റണി മായയിൽ, ഏരുവേശി പഞ്ചായത്ത് പ്രസിഡന്‍റ് മിനി ഷൈബി, സ്ഥിരം സമിതി അധ്യക്ഷ പൗളിൻ തോമസ് എന്നിവരും പങ്കെടുത്തു.
കുടിയാന്മല: കർഷക ദിനാചരണത്തിന്‍റെ ഭാഗമായി കുടിയാന്മല മേരി ക്യൂൻസ് ഹൈസ്കൂളിലെ സ്റ്റുഡന്‍റ് പോലീസ് കേഡറ്റ് (എസ്പിസി) യൂണിറ്റിന്‍റെ ആഭിമുഖ്യത്തിൽ പ്രദേശത്തെ മികച്ച ജൈവകർഷകൻ ജോസ് കുരുവിളയെ ആദരിച്ചു. സ്കൂൾ മാനേജർ ഫാ. പോൾ വള്ളോപ്പിള്ളി അദ്ദേഹത്തെ പൊന്നാടയണിയിച്ചു. സ്കൂൾ മുഖ്യാധ്യാപകൻ സുനിൽ ജോസഫ്, സീനിയർ അസിസ്റ്റന്‍റ് പി. മീനകുമാരി, സിപിഒമാരായ ഡെസ്റ്റി ദേവസ്യ, ക്ലീറ്റസ് പോൾ എന്നിവർ പ്രസംഗിച്ചു.
ജോസ് കുരുവിളയുടെ പശു-കോഴി ഫാമുകൾ സന്ദർശിച്ച എസ്പിസി വിദ്യാർഥികൾ അദ്ദേഹത്തിന്‍റെ കൃഷിയിടത്തിലെ വിവിധയിനം ചെടികളും ഔഷധ സസ്യങ്ങളും നേരിൽ കണ്ട് മനസിലാക്കി.