കണ്ണൂർ: കണ്ണൂർ കോർപറേഷന്‍റെയും എളയാവൂർ കൃഷിഭവന്‍റെയും ആഭിമുഖ്യത്തിലുള്ള കർഷക ദിനാചരണം എളയാവൂർ മേഖലാ സാംസ്കാരിക നിലയത്തിൽ മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്തു. മാതൃകാ കർഷകർ, കർഷക തൊഴിലാളികൾ, കുട്ടി കർഷകർ എന്നീ വിഭാഗങ്ങളിലായി വി.എ. നാരായണൻ, എ.എം. ശ്രീകുമാർ, പ്രമോദ് സാമുവൽ, കെ. ഉത്തമൻ, ടി.പി. വിമലകുമാരി, എൻ. വി. സാരംഗ് എന്നിവരെ മന്ത്രി പൊന്നാടയണിയിച്ച് ആദരിച്ചു. മേയർ മുസ്‌ലിഹ് മഠത്തിൽ അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർപേഴ്സൺ ഷാഹിന മൊയ്തീൻ കർഷകദിന പ്രതിജ്ഞ ചൊല്ലിക്കൊടുത്തു. പ്രിൻസിപ്പൽ കൃഷി ഓഫീസർ എം.എൻ. പ്രദീപൻ മുഖ്യപ്രഭാഷണം നടത്തി. സംസ്ഥാന കാർഷിക അവാർഡ് ജേതാവ് ടി.ജെ. കുര്യൻ കാർഷിക ക്ലാസെടുത്തു.
ഇരിട്ടി: കർഷക ദിനത്തിന്‍റെ ഭാഗമായി പടിയൂർ കല്യാട് പഞ്ചായത്ത് കൃഷിഭവന്‍റെ നേതൃത്വത്തിൽ നടത്തിയ കർഷക ദിനാചരണം പഞ്ചായത്ത് പ്രസിഡന്‍റ് ബി. ഷംസുദീൻ ഉദ്ഘാടനം ചെയ്തു. വൈസ് പ്രസിഡന്‍റ് ആർ. മിനി അധ്യക്ഷത വഹിച്ചു. മികച്ച കർഷകരായ ബാലകൃഷ്ണൻ പാലയ്ക്കൽ, വി.ടി. കുഞ്ഞിരാമൻ, സ്‌മിത തങ്കച്ചൻ, ജോസഫ് മുക്കടയ്ക്കൽ, സി.പി. ഗോപിനാഥൻ, കൃഷി അസിസ്റ്റന്‍റ് കെ.ആർ. രേഖ, ഇ. സുരേന്ദ്രൻ, ടി.വി. ബാലൻ, ഒരുമ കൃഷിക്കൂട്ടം കൊമ്പൻപാറ തുടങ്ങിയവരെ ആദരിച്ചു.
നന്മ ചാരിറ്റബിൾ സൊസൈറ്റി, നന്മ പബ്ലിക് ലൈബ്രറി, നന്മ വയോജന വേദി എന്നിവയുടെ നേതൃത്വത്തിൽ നടത്തിയ കർഷക ദിനാചരണം ഇരിട്ടി നഗരസഭ അംഗം കെ. നന്ദനൻ ഉദ്ഘാടനം ചെയ്തു. വയോജനവേദി കൺവീനർ വി.എം. നാരായണൻ അധ്യക്ഷത വഹിച്ചു. ചടങ്ങിൽ കർഷകരായ ജോണി യോയാക്ക്, എം. രാമചന്ദ്രൻ, കെ. കിഷോർ, പി. ഷംസുദീൻ, പി. മായൻ എന്നിവരെ ആദരിച്ചു.
നഗരസഭയുടെയും കൃഷിഭവന്‍റേയും സംയുക്താഭിമുഖ്യത്തിൽ നഗരസഭ ഹാളിൽ നടന്ന കർഷക ദിനാചരണം ചെയർപേഴ്സൺ കെ. ശ്രീലത ഉദ്ഘാടനം ചെയ്തു. വൈസ് ചെയർമാൻ പി.പി. ഉസ്മാൻ അധ്യക്ഷത വഹിച്ചു. വിവിധ കാർഷിക മേഖലയിൽ മികവ് തെളിയിച്ച അളോറ പുരുഷോത്തമൻ, കെ. പവിത്രൻ, കെ. പ്രഭാകരൻ, കെ. ബാലകൃഷ്ണൻ, വനിത കർഷക ഇ. സുപ്രഭ, ക്ഷീരകർഷക ഉഷ, തേനിച്ച കർഷകൻ എം.കെ. ബിജു, വിദ്യാർഥി കർഷകൻ മുഹമ്മദ് റാഫി, എന്നിവരെ ചടങ്ങിൽ ആദരിച്ചു.
അറബി സെന്‍റ് ജോസഫ് യുപി സ്കൂളിൽ കർഷകദിനം വിവിധ പരിപാടികളോടെ നടന്നു. മികച്ച കർഷകനായ ചാക്കോ പുത്തൻപുരക്കലിനെ പൊന്നാട അണിയിച്ച് ആദരിച്ചു. കാർഷിക ദിനവുമായി ബന്ധപ്പെട്ട് കുട്ടികളുടെ വിവിധ പരിപാടികളും അരങ്ങേറി.
കൃഷിദിനത്തിൽ ആറളം ഫാമിൽ പങ്കാളിത്ത പദ്ധതികൾക്ക് തുടക്കം കുറിച്ചു. പൊതുസംരംഭകരുടെ പങ്കാളിത്തത്തോടെ പുതുതായി ആരംഭിച്ച കൂൺ കൃഷി ആറളം ഫാം മാനേജിംഗ് ഡയറക്ടർ സന്ദീപ് കുമാർ ഉദ്ഘാടനം ചെയ്തു. കണ്ണൂർ ജില്ലയിലെ മികച്ച കൂൺ കൃഷി അവാർഡ് ജേതാവായ രാഹുൽ ഗോവിന്ദ് പുന്നാടാണ് ആറള ഫാമുമായി ചേർന്ന് കൃഷി ആരംഭിച്ചിരിക്കുന്നത്.
പായം: പായം പഞ്ചായത്ത് കൃഷിഭവന്‍റെ നേതൃത്വത്തിൽ നടത്തിയ കർഷക ദിനാചരണം പഞ്ചായത്ത് വൈസ് പ്രസിഡന്‍റ് എം. വിനോദ് കുമാർ ഉദ്ഘാടനം ചെയ്തു. പഞ്ചായത്തു സ്ഥിരം സമിതി അധ്യക്ഷ പി.എൻ. ജെസി അധ്യക്ഷ വഹിച്ചു കർഷകരായ കെ.ആർ. ശ്രീധരൻ, ചാണ്ടി നെല്ലൂർ, വയലേരി ബാലൻ, മഹേശ്വരി ആന്ധ്യൻ, സിദ്ധാർഥ പയ്യനാടൻ, ബിജു മാത്യു വാണികുഴിയിൽ, സെബാസ്റ്റ്യൻ തോറ്റാൽ, ബിനീഷ് തുണ്ടത്തിൽ, സി.കെ. കുമാരൻ എന്നിവരെ ആദരിച്ചു.
ആറളം: ആറളം കൃഷി ഭവനിൽ സണ്ണി ജോസഫ് എംഎൽഎ കർഷക ദിനം ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ.പി. രാജേഷ് അധ്യക്ഷത വഹിച്ചു. കൃഷി ഓഫിസർ റാം മോഹൻ, പഞ്ചായത്ത് വൈസ് പ്രസിഡന്‍റ് ജസിമോൾ വാഴപ്പള്ളി, സ്ഥിരം സമിതി അധ്യക്ഷരായ ജോസഫ് അന്ത്യാകുളം, വൽസ ജോസ്, ഇ.സി .രാജു തുടങ്ങിയവർ പ്രസംഗിച്ചു. വിവിധ മേഖലകളിൽ മികവു തെളിയിച്ച 13 കർഷകരെ ആദരിച്ചു.
കൊളക്കാട്: കർഷകദിനത്തിൽ കൊളക്കാട് സെന്‍റ് തോമസ് കത്തോലിക്ക കോൺഗ്രസിന്‍റെ ആഭിമുഖ്യത്തിൽ കർഷകദിനം ആചരിച്ചു. മികച്ച കർഷകനായി മാത്യു വേലന്തറയും മികച്ച ക്ഷീരകർഷക യായി ജിജി ജിമ്മി തെക്കേടത്തിനേയും തെരഞ്ഞെടുത്തു. പേരാവൂർ ഫൊറോന ഡയറക്ടർ ഫാ. തോമസ് പട്ടാംകുളം ഉദ്ഘാടനം ചെയ്തു. യൂണിറ്റ് പ്രസിഡന്‍റ് സജി ശാസ്താംകുന്നേൽ അധ്യക്ഷത വഹിച്ചു.
ഉളിക്കൽ: പഞ്ചായത്ത്, കൃഷി ഭവൻ, സഹകരണ ബാങ്കുകൾ, കാർഷിക കർമ സേന എന്നിവയുടെ നേതൃത്വത്തിൽ നടത്തിയ കാർഷിക ദിനാചരണം സജീവ് ജോസഫ് എംഎൽഎ ഉദ്ഘാടനം ചെയ്തു. പഞ്ചായത്തു പ്രസിഡന്‍റ് പി.സി. ഷാജി അധ്യക്ഷത വഹിച്ചു. വാർഡുതലത്തിൽ മികവു തെളിയിച്ച കർഷകരെ ചടങ്ങിൽ ആദരിച്ചു.
അയ്യൻകുന്ന്: പഞ്ചായത്ത് കൃഷിഭവനിൽ കർഷക ദിനവും കർഷകരെ ആദരിക്കലും ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ ഉദ്ഘാടനം ചെയ്തു. പഞ്ചായത്തു പ്രസിഡന്‍റ് കുര്യാച്ചൻ പൈമ്പള്ളികുന്നേൽ അധ്യക്ഷത വഹിച്ചു. വിവിധ കാർഷിക മേഖലകളിൽ മികവ് തെളിയിച്ച ബിജുനിത്ത് കുറുപ്പംപറമ്പിൽ, കുര്യൻ വട്ടക്കുന്നേൽ, സി.ടി. കുര്യൻ, സി.സി. കുര്യൻ, സോമൻ ഉരുപ്പുംകുറ്റി, ഫെൽബിൻ വിനോദ് തുടങ്ങിയവരെ ആദരിച്ചു.
കണിച്ചാർ: കണിച്ചാർ പഞ്ചായത്തിന്‍റെയും കൃഷിഭവന്‍റെയും സംയുക്താഭിമുഖ്യത്തിൽ കർഷകദിനാചരണം സംഘടിപ്പിച്ചു. പഞ്ചായത്ത് ഹാളിൽ നടന്ന ചടങ്ങ് പഞ്ചായത്ത് പ്രസിഡന്‍റ് ആന്‍റണി സെബാസ്റ്റ്യൻ ഉദ്ഘാടനം ചെയ്തു. വൈസ് പ്രസിഡന്‍റ് ഷാന്‍റി തോമസ് അധ്യക്ഷത വഹിച്ചു. ചടങ്ങിൽ മാതൃക കർഷകരെയും കർഷക തൊഴിലാളികളെയും ആദരിച്ചു. കർഷകർക്ക് ഉപഹാരങ്ങൾ നൽകി. കൃഷി ഓഫീസർ ബെൻജി ഡാനിയൽ, ജില്ലാ പഞ്ചായത്തംഗം വി. ഗീത തുടങ്ങിയവർ പങ്കെടുത്തു.
കേളകം: കേളകം പഞ്ചായത്ത് കൃഷിഭവന്‍റെ നേതൃത്വത്തിൽ നടത്തിയ കർഷക ദിനാചരണം പ്രസിഡന്‍റ് സി.ടി.അനീഷ് ഉദ്ഘാടനം ചെയ്തു. വൈസ് പ്രസിഡന്‍റ് തങ്കമ്മ മേലേക്കുറ്റ് അധ്യക്ഷത വഹിച്ചു. പഞ്ചായത്തിലെ 13 വാർഡുകളിലെ തെരഞ്ഞെടുക്കപ്പെട്ട കർഷകരെയും പഞ്ചായത്തിലെ മികച്ച ക്ഷീരകർഷകൻ, പച്ചക്കറി കർഷകൻ, തേനീച്ച കർഷകൻ എന്നിവരെയും ഉപഹാരങ്ങൾ നൽകി ആദരിച്ചു. കേളകം കൃഷി ഓഫീസർ കെ.ജി. സുനിൽ, കൃഷി അസിസ്റ്റന്‍റ് അഷ്റഫ് വലിയപീടികയിൽ എന്നിവർ പ്രസംഗിച്ചു. ജില്ലാ പഞ്ചായത്തംഗങ്ങളായ ജൂബിലി ചാക്കോ, വി. ഗീത, പഞ്ചായത്ത് അംഗങ്ങളായ മൈഥിലി രമണൻ, തോമസ് പുളിക്കക്കണ്ടത്തിൽ തുടങ്ങിയവർ പങ്കെടുത്തു.
പരിയാരം: പരിയാരം പഞ്ചായത്തിന്‍റെയും കൃഷിഭവന്‍റെയും സംയുക്താഭിമുഖ്യത്തിൽ കർഷകദിനം പഞ്ചായത്ത് സാംസ്കാരിക നിലയത്തിൽ സംഘടിപ്പിച്ചു. പഞ്ചായത്ത് പ്രസിഡന്‍റ് ടി. ഷീബ ഉദ്ഘാടനവും കർഷകരെ ആദരിക്കൽ ചടങ്ങും നിർവഹിച്ചു. ചടങ്ങിൽ മുതിർന്ന കർഷകൻ കെ.എം. നാരായണൻ, ജൈവകർഷകൻ സി.പി. മുസ്തഫ, കർഷക തൊഴിലാളി കെ. ജാനകി, സമ്മിശ്ര കർഷക ടി. സവേരിയ, വിദ്യാർഥി കർഷകൻ ശിവദേവ്, വനിത കർഷക കെ. ലക്ഷ്മിക്കുട്ടി, നെൽ കർഷകൻ എ. പദ്മനാഭൻ, എസ്‌സി കർഷകൻ ടി.വി. സതീശൻ എന്നിവരെ ആദരിച്ചു.
തില്ലങ്കേരി: പഞ്ചായത്ത് കൃഷിഭവന്‍റെ നേതൃത്വത്തിൽ കാർഷക ദിനാചരണവും കർഷകരെ ആദരിക്കലും പ്രസിഡന്‍റ് പി. ശ്രീമതി ഉദ്ഘാടനം ചെയ്തു. വൈസ് പ്രസിഡന്‍റ് അണിയേരി ചന്ദ്രൻ അധ്യക്ഷത വഹിച്ചു. കാർഷിക മേഖലയിൽ മികവ് തെളിയിച്ച താളി ദിവാകരൻ, എം.കെ. സുരേഷ് ബാബു, എം. ശ്രീമതി പെരിങ്ങാനം, പുതിയേടത്ത് സുരേന്ദ്രൻ, എം അഖീൽ പി. മുഖേഷ്, ഫാത്തിമ, സതീദേവി എന്നിവരെ ആദരിച്ചു.
മട്ടന്നൂർ: മട്ടന്നൂർ നഗരസഭ കൃഷിഭവന്‍റെ നേതൃത്വത്തിൽ കർഷക തൊഴിലാളി ആദരവും അവാർഡ് വിതരണവും നടത്തി. മരുതായി ഇക്കോ ക്ലബിന്‍റെ സ്വാഗത ഗാനത്തോടെയാണ് കർഷക ദിനാഘോഷത്തിന് തുടക്കം കുറിച്ചത്. മട്ടന്നൂർ സിഡിഎസ് ഹാളിൽ നടന്ന പരിപാടി നഗരസഭ ചെയർമാൻ എൻ. ഷാജിത്ത് ഉദ്ഘാടനം ചെയ്തു. സ്റ്റാൻഡിംഗ് കമ്മിറ്റി ചെയർമാൻ പി. ശ്രീനാഥ് അധ്യക്ഷത വഹിച്ചു. ചടങ്ങിൽ മുതിർന്ന കർഷകരെയും കർഷക തൊഴിലാളികൾക്കുള്ള ആദരവും നഗരസഭ വൈസ് ചെയർപേഴ്സൺ ഒ. പ്രീത നിർവഹിച്ചു. നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ പി. പ്രസീന കർഷക അവാർഡ് വിതരണം ചെയ്തു.
കർഷക ദിനത്തോടനുബന്ധിച്ച് കേരള കർഷക ഫെഡറേഷൻ മട്ടന്നൂർ ഏരിയാ കമ്മിറ്റിയുടെ നേതൃത്വത്തിൽ മാതൃക കർഷകൻ കീച്ചേരി ചെള്ളേരിയിലെ പൊന്നൻ അബ്ദുൾ ഖാദറിനെ സിഎംപി ജില്ലാ ജോയിന്‍റ് സെക്രട്ടറി എൻ.സി. സുമോദ് ആദരിച്ചു. കെ. ഭാസ്കരൻ, കർഷക ഫെഡറേഷൻ ഏരിയ പ്രസിഡന്‍റ് എൻ. കുഞ്ഞിരാമൻ തുടങ്ങിയവർ പങ്കെടുത്തു.
ചാലോട്: കീഴല്ലൂർ പഞ്ചായത്തിന്‍റെയും കൃഷിഭവന്‍റെയും സംയുക്താഭിമുഖ്യത്തിൽ കർഷക ദിനാചരണം സംഘടിപ്പിച്ചു. ചാലോട് കൃഷിഭവൻ ഹാളിൽ നടന്ന പരിപാടി ജില്ലാ പഞ്ചായത്ത് അംഗം ചന്ദ്രൻ കല്ലാട്ട് ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ.വി. മിനി അധ്യക്ഷത വഹിച്ചു. മികച്ച കർഷകരായ എം.വി. പവിത്രൻ, കെ. ദേവി, ഷീബ അശോകൻ, കെ. അഭിജിത്ത്, പി. ദിലീഷ് കുമാർ, സി. ദേവകി, കെ. രാജൻ എന്നിവരെ ആദരിച്ചു.
കൂത്തുപറമ്പ്: കര്‍ഷക ദിനാചരണത്തിന്‍റെ ഭാഗമായി കൂത്തുപറമ്പ് നഗരസഭയുടെയും കൃഷിഭവന്‍റെയും സംയുക്താഭിമുഖ്യത്തില്‍ കാര്‍ഷിക മേഖലയില്‍ മികവ് തെളിയിച്ച കര്‍ഷകരെ ആദരിച്ചു. നഗരസഭ വികെസി ഹാളില്‍ നടന്ന ചടങ്ങ് കെ.പി. മോഹനന്‍ എംഎല്‍എ ഉദ്ഘാടനം ചെയ്തു. നഗരസഭ ചെയര്‍പേഴ്‌സണ്‍ വി. സുജാത അധ്യക്ഷത വഹിച്ചു. കൃഷി അസിസ്റ്റന്‍റ് ഡയറക്ടര്‍ ഷീന വിനോദ് പദ്ധതി വിശദീകരിച്ചു.
വേങ്ങാട് കൃഷിഭവന്‍റെയും പഞ്ചായത്തിന്‍റെയും സംയുക്താഭിമുഖ്യത്തില്‍ കര്‍ഷക ദിനാചരണം സംഘടിപ്പിച്ചു. ജില്ലാപഞ്ചായത്തംഗം ചന്ദ്രന്‍ കല്ലാട്ട് ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ. ഗീത അധ്യക്ഷത വഹിച്ചു. ചടങ്ങിൽ കാര്‍ഷികരംഗത്ത് കഴിവ് തെളിയിച്ച കര്‍ഷകരെ ആദരിച്ചു.
കോട്ടയം പഞ്ചായത്തിന്‍റെയും കൃഷിഭവന്‍റെയും സംയുക്താഭിമുഖ്യത്തിൽ കർഷകദിനാചരണം സംഘടിപ്പിച്ചു. പഞ്ചായത്ത് ഹാളിൽ നടന്ന പരിപാടി കെ.പി. മോഹനൻ എംഎൽഎ ഉദ്ഘാടനം ചെയ്തു. പ്രസിഡന്‍റ് സി. രാജീവൻ അധ്യക്ഷത വഹിച്ചു. ചടങ്ങിൽ കാർഷിക മേഖലയിൽ മികവ് തെളിയിച്ച കർഷകരെ പൊന്നാടയണിയിച്ച് ആദരിച്ചു. കൂത്തുപറമ്പ് കൃഷി അസിസ്റ്റന്‍റ് ഡയറക്ടർ ഷീന പദ്ധതി വിശദീകരിച്ചു.