ചെറുപുഴ: കർഷകദിനത്തിൽ ചെറുപുഴ പഞ്ചായത്ത് കൃഷിഭവന്റെ ആഭിമുഖ്യത്തിൽ കർഷകരെ ആദരിച്ചു. പഞ്ചായത്ത് ഓഫീസ് പരിസരത്ത് നടന്ന യോഗം പ്രസിഡന്റ് കെ.എഫ്. അലക്സാണ്ടർ ഉദ്ഘാടനം ചെയ്തു. വൈസ് പ്രസിഡന്റ് റെജി പുളിക്കൽ അധ്യക്ഷത വഹിച്ചു. "വിളിച്ചാൽ വിളിപ്പുറത്ത്' ഉദ്ഘാടനം സ്റ്റാൻഡിംഗ് കമ്മിറ്റി ചെയർമാൻ കെ.കെ. ജോയി നിർവഹിച്ചു. ചടങ്ങിൽ കർഷകോത്തമ സംസ്ഥാന നോമിനേഷൻ ലഭിച്ച ബേബി മനയത്തുമാരി മുതുവം, മുതിർന്ന കർഷകൻ ജോർജ് വടവന ഊമല, സമ്മിശ്ര കർഷകൻ ജോയിസൺ കൊച്ചുമുറി തിരുമേനി, യുവ കർഷകൻ ബിനോയി മൈക്കിൾ കൊല്ലാട, വനിത കർഷക ഷിജി ബിജു മാരിപ്പുറത്ത് ജോസ്ഗിരി, എസ്ടി വിഭാഗം കർഷക ജാനകി അട്ടോളി കന്നിക്കളം, കർഷക തൊഴിലാളി കൃഷ്ണൻ മണിയൻ മച്ചിയിൽ, വിദ്യാർഥി കർഷകൻ നോയൽ മാനുവൽ കോക്കടവ്, ക്ഷീരകർഷകൻ തോമസ് പാറശേരിൽ ജോസ്ഗിരി എന്നിവരെ ആദരിച്ചു.
ആലക്കോട്: കരുവഞ്ചാൽ ലയൺസ് ക്ലബിന്റെ ആഭിമുഖ്യത്തിൽ കർഷക ദിനത്തിൽ സമ്മിശ്ര കർഷകനായ ജോയ് പരവംപറമ്പിലിനെ ആദരിച്ചു. ലയൺസ് ക്ലബ് പ്രസിഡന്റ് ഡെന്നിസ് വാഴപ്പള്ളിൽ അധ്യക്ഷത വഹിച്ചു. രഞ്ജു ചാണകാട്ടിൽ, കെ.പി. തോമസ്, ഷാജു വൈദ്യർ, ജോജോ പുളിയൻമാക്കൽ, സജി ചീരാൻകുഴി, ബിനോയ് കുന്നേൽ, ജോൺ തെക്കേപറമ്പിൽ, റെജി ജോസഫ്, സുരേഷ് പുതുപ്പറമ്പിൽ, ഷിന്റോ ജോസഫ്, മാത്യു ജെ. പുളിക്കൽ, ദിലീപ്കുമാർ, ജോബി വാഴക്കാല എന്നിവർ പ്രസംഗിച്ചു.
നടുവിൽ: നടുവിൽ പഞ്ചായത്ത് കൃഷിഭവന്റെ ആഭിമുഖ്യത്തിൽ കർഷകദിനാചരണം നടുവിൽ ടി.കെ. നാരായണൻ സ്മാരക ഹാളിൽ സംഘടിപ്പിച്ചു. സജീവ് ജോസഫ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ബേബി ഓടമ്പള്ളി അധ്യക്ഷത വഹിച്ചു. കൃഷി ഓഫീസർ കെ. ആഫിയ കൃഷിഭവൻ മുഖേന നടപ്പിലാക്കുന്ന പദ്ധതികളുടെ വിശദീകരണം നടത്തി. ചടങ്ങിൽ കർഷകൻ ആന്റണി മേലേട്ട്, മുതിർന്ന കർഷകർ ജോസ് തുണ്ടത്തിൽ, ജൈവ കർഷകൻ ഇഗ്നേഷിയസ് കൊട്ടുകപ്പള്ളി, മികച്ച കർഷകൻ മനോജ് ജോസഫ്, വനിത കർഷക എം.പി. സുഹറ, എസ്സി, എസ്ടി കർഷക നാരായണി പുതുശേരി, കർഷക തൊഴിലാളി സി.പി. ലക്ഷ്മണൻ, യുവ കർഷകൻ ബിബിൻ തോമസ്, വിദ്യാർഥി കർഷകൻ ആൽബർട്ട് ലൈജു എന്നിവരെ ആദരിച്ചു.
ചപ്പാരപ്പടവ്: ചപ്പാരപ്പടവ് പഞ്ചായത്തിന്റെയും കൃഷിഭവന്റെയും സംയുക്താഭിമുഖ്യത്തിൽ കർഷകദിനം ആചരിച്ചു. പഞ്ചായത്ത് ഓഫീസ് കോൺഫറൻസ് ഹാളിൽ പ്രസിഡന്റ് സുനിജ ബാലകൃഷ്ണൻ പരിപാടി ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് അബ്ദുറഹ്മാൻ പെരുവണ അധ്യക്ഷത വഹിച്ചു. കുര്യൻ കപ്പലുമാക്കൽ, സി.എം. ജോർജ്, ടി.കെ. ജയിംസ്, ലിസി ജോസഫ്, മാത്യു താറ്റിക്കോട്ട്, പി.എം. ആസാദ്, ടി.ജെ. ദേവസ്യ, കെ.എസ്. അക്ഷയ് എന്നിവരെ ജില്ലാ പഞ്ചായത്ത് അംഗം തോമസ് വെക്കത്താനം ഉപഹാരം നൽകി ആദരിച്ചു.
പയ്യാവൂർ: കർഷക ദിനാചരണത്തിന്റെ ഭാഗമായി ചാമക്കാൽ ഗവ. എൽപി സ്കൂളിൽ വിവിധ പരിപാടികൾ സംഘടിപ്പിച്ചു. ചടങ്ങിൽ സ്കൂളിലെ പൂർവ വിദ്യാർഥിയും മികച്ച കർഷകനുമായ രാജു ആനക്കല്ലിങ്കലിനെ ആദരിച്ചു. വിദ്യാർഥികൾ ചേർന്ന് കാർഷിക പാട്ടുകളും കാർഷിക കടങ്കഥകളും വിവിധ ചിത്രീകരണങ്ങളും അവതരിപ്പിച്ചു. സ്കൂൾ മുഖ്യാധ്യാപകൻ ഇ.പി. ജയപ്രകാശ്, അധ്യാപകർ എംപിടിഎ പ്രസിഡന്റ് സൗമ്യ ദിനേശ്, സ്കൂൾ ലീഡർ ശ്രീഹരി തുടങ്ങിയവർ നേതൃത്വം നൽകി.
പാടിയോട്ടുചാൽ: കർഷകദിനാചരണത്തോടനുബന്ധിച്ച് പാടിയോട്ടുചാൽ ഫാർമേഴ്സ് ക്ലബും ഗ്രാമീൺ ബാങ്കും സംയുക്തമായി കർഷകരെ ആദരിച്ചു. പാടിയോട്ടുചാൽ അയ്യപ്പ ക്ഷേത്ര ഓഡിറ്റോറിയത്തിൽ നടന്ന പരിപാടിയിൽ ഫാർമേഴ്സ് ക്ലബ് പ്രസിഡന്റ് ഇ.വി. നാരായണൻ അധ്യക്ഷത വഹിച്ചു. ഗ്രാമീൺ ബാങ്ക് കണ്ണൂർ റീജൺ അസിസ്റ്റന്റ് ജനറൽ മാനേജർ കെ.ആർ. ബിന്ദു മുഖ്യാതിഥിയായിരുന്നു. കണ്ണൂർ ജില്ലാ നബാർഡ് മാനേജർ ജിൻഷി മോൻ പദ്ധതി വിശദീകരിച്ചു.
പടന്നക്കാട് കാർഷിക കോളജിലെ പ്രഫസർ കെ.എം. ശ്രീകുമാർ കാർഷിക ക്ലാസിന് നേതൃത്വം നൽകി. ചടങ്ങിൽ ക്ഷീര കർഷകൻ ടി.വി. ജനാർദനൻ, പച്ചക്കറി കർഷകൻ വർക്കി അമ്പാട്ട്, സമ്മിശ്ര കർഷകൻ ജോസ് പുതുപ്പറമ്പിൽ എന്നിവരെ ആദരിച്ചു. പാടിയോട്ടുചാൽ ബ്രാഞ്ച് മാനേജർ ജീന സെബാസ്റ്റ്യൻ, ഫാർമേഴ്സ് ക്ലബ് പ്രസിഡന്റ് ടി.വി. വിജയൻ, പെരിങ്ങോം-വയക്കര പഞ്ചായത്തംഗം എ.സി. സന്തോഷ്, ഇ.കെ. ഈശ്വരൻ നമ്പൂതിരി, സി.എം. ഇസ്മായിൽ, ടി.പി. രസ്ന എന്നിവർ പ്രസംഗിച്ചു.
നെല്ലിക്കുറ്റി: നെല്ലിക്കുറ്റി ഗാന്ധി മെമ്മോറിയൽ യുപി സ്കൂളിൽ കർഷകദിനത്തോടനുബന്ധിച്ച് വീട്ടിൽ ഒരു പച്ചക്കറി തണ്ട് പദ്ധതി ആരംഭിച്ചു. എല്ലാ കുട്ടികൾക്കും പച്ചക്കറിത്തൈ വിതരണം ചെയ്തു. കുട്ടികളുടെ സമഗ്ര വികസനം ലക്ഷ്യം വയ്ക്കുന്ന 'സഹസ്യ' മികവ് പദ്ധതിയുടെ ഭാഗമാണിത്. ഏരുവേശി പഞ്ചായത്ത് പ്രസിഡന്റ് മിനി ഷൈബി പദ്ധതി ഉദ്ഘാടനം ചെയ്തു. സ്കൂൾ മാനേജർ ഫാ. മാത്യു ഓലിക്കൽ അധ്യക്ഷത വഹിച്ചു. സ്കൂൾ മുഖ്യാധ്യാപകൻ ബിജു കുറുമുട്ടം, അധ്യാപകൻ പ്രസാദ് തോമസ്, മദർ പിടിഎ പ്രസിഡന്റ് ജൂണി ജൂബി എന്നിവർ പ്രസംഗിച്ചു.
പെരുമ്പടവ്: എരമം-കുറ്റൂർ പഞ്ചായത്ത് കൃഷിഭവന്റെ ആഭിമുഖ്യത്തിൽ കർഷകദിനം കുറ്റൂർ സാംസ്കാരിക നിലയത്തിൽ പഞ്ചായത്ത് പ്രസിഡന്റ് ടി.ആർ. രാമചന്ദ്രൻ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ഷൈനി ബിജേഷ് അധ്യക്ഷത വഹിച്ചു. കർഷകർക്കുള്ള ഉപഹാര സമർപ്പണം കണ്ണൂർ ജില്ലാ പഞ്ചായത്ത് മെംബർ ടി. തമ്പാൻ നിർവഹിച്ചു. ചടങ്ങിൽ കർഷകരായ കെ. ലക്ഷ്മി, പി. ദാമോദരൻ, സാലസ് ജോർജ്, പി.എം. രാഘവൻ, ടി.വി. കുഞ്ഞിരാമൻ, എം. അജിൽ എന്നിവരെ ആദരിച്ചു.
ശ്രീകണ്ഠപുരം: നഗരസഭ കൃഷിഭവന്റെ ആഭിമുഖ്യത്തിൽ സംഘടിപ്പിച്ച കർഷകദിനാചരണം നഗരസഭാ ചെയർപേഴ്സൺ കെ.വി. ഫിലോമിന ഉദ്ഘാടനം ചെയ്തു. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ജോസഫിന വർഗീസ് അധ്യക്ഷത വഹിച്ചു. ചടങ്ങിൽ നഗരസഭ പരിധിയിലെ കാർഷികമേഖലയിലെ മുതിർന്ന കർഷകൻ, മികച്ച കർഷകൻ, വനിത കർഷക, കുട്ടി കർഷകൻ തുടങ്ങിയവരെ ആദരിച്ചു.
ചെമ്പേരി: ഏരുവേശി പഞ്ചായത്ത്, കൃഷി ഭവൻ എന്നിവയുടെ സംയുക്താഭിമുഖ്യത്തിൽ കർഷകദിനം ആചരിച്ചു. പഞ്ചായത്ത് ഹാളിൽ നടന്ന പരിപാടി സജീവ് ജോസഫ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് മിനി ഷൈബി അധ്യക്ഷത വഹിച്ചു. അസിസ്റ്റന്റ് കൃഷി ഓഫീസർ കെ.വി. അശോക്കുമാർ ആമുഖപ്രഭാഷണം നടത്തി. ഇരിക്കൂർ ബ്ലോക്ക് ടെക്നോളജി മാനേജർ വി.യു. അഞ്ജു കൃഷ്ണ മണ്ണ് പരിശോധനയൂടെ ആവശ്യകതയെക്കുറിച്ച് ക്ലാസെടുത്തു. ചടങ്ങിൽ വിവിധ കാർഷിക മേഖലകളിൽ മികവ് തെളിയിച്ച 17 കർഷകരെ ഉപഹാരങ്ങൾ നൽകി ആദരിച്ചു. ചെമ്പേരി നവജ്യോതി ഇൻഫാം തെങ്ങിൻതൈ നഴ്സറി ആദരിച്ച കർഷകർക്ക് തെങ്ങിൻ തൈകളും ജെജെ അഗ്രോ എൻജിനിയറിംഗ് ഗ്രൂപ്പ് കുടകളും സമ്മാനിച്ചു. എസ്എംഎഎം പദ്ധതിയിൽ ഓൺലൈൻ രജിസ്ട്രേഷൻ സംവിധാനവും ഏർപ്പെടുത്തി.
തളിപ്പറമ്പ്: തളിപ്പറമ്പ് നഗരസഭ കൃഷിഭവന്റെ കര്ഷകദിനാചരണം തളിപ്പറമ്പ് നഗരസഭാ വൈസ് ചെയര്മാന് കല്ലിങ്കീല് പദ്മനാഭന് ഉദ്ഘാടനം ചെയ്തു. വികസനകാര്യ സ്ഥിരംസമിതി ചെയര്പേഴ്സന് എം.കെ. ഷബിത അധ്യക്ഷത വഹിച്ചു. ചടങ്ങിൽ കര്ഷക തൊഴിലാളി കെ.വി. ദാമോദരന്, കൂവോട് ഒരുമ വനിതാ ഗ്രൂപ്പ്, മുക്കോണം കൈരളി വനിതാ ഗ്രൂപ്പ്, യുവകര്ഷകന് കെ. രജീഷ്, എം. കൃഷ്ണന് പുളിമ്പറമ്പ്, സി. മനോഹരന് കീഴാറ്റൂര്, വി.വി. കുഞ്ഞിരാമന് പുളിമ്പറമ്പ്, പി.കെ. കുഞ്ഞിക്കണ്ണന് കൂവോട്, കാശിയ സെയ്ഫുദ്ദീന് സയ്യിദ് നഗര് എന്നിവരെ കല്ലിങ്കീല് പദ്മനാഭന് ആദരിച്ചു. തേനീച്ച കൃഷിയെക്കുറിച്ച് സി. സത്യനാരായണന് ക്ലാസെടുത്തു.
കാർത്തികപുരം: കർഷകദിനത്തോടനുബന്ധിച്ച് ഉദയഗിരി പഞ്ചായത്ത് കൃഷിഭവന്റെ ആഭിമുഖ്യത്തിൽ കർഷക ദിനാചരണം നടത്തി. പഞ്ചായത്ത് പ്രസിഡന്റ് കെ.എസ്. ചന്ദ്രശേഖരൻ ഉദ്ഘാടനം ചെയ്തു. വൈസ് പ്രസിഡന്റ് ബിന്ദു ഷാജു ഏറത്തേൽ അധ്യക്ഷത വഹിച്ചു. വിവിധ മേഖലകളിൽ കഴിവ് തെളിയിച്ച കർഷകരെ ചടങ്ങിൽ ആദരിച്ചു.
ചന്ദനക്കാംപാറ: ചെറുപുഷ്പ യുപി സ്കൂളിലെ കർഷക ദിനാചരണ ചടങ്ങിൽ കുടിയേറ്റ മേഖലയിലെ മുതിർന്ന കർഷകനും ജൈവ കൃഷിയിൽ ജില്ലാതല അവാർഡ് ജേതാവുമായ ജോസഫ് മുതിരേന്തിക്കലിനെ ആദരിച്ചു. സ്കൂൾ അസിസ്റ്റന്റ് മാനേജർ ഫാ. ജിന്റോ കടയിലാൻ പൊന്നാടയണിയിച്ചു. മുഖ്യാധ്യാപിക വിജി മാത്യു അധ്യക്ഷത വഹിച്ചു. അവാർഡ് ജേതാവ് സ്കൂളിന് നൽകിയ വിവിധ ഔഷധ സസ്യങ്ങൾ സ്കൂൾ ലീഡർ അലീന സിജോയി ഏറ്റുവാങ്ങി. ലിയമോൾ അഗസ്റ്റിൻ, കെ. അർച്ചന എന്നിവർ പ്രസംഗിച്ചു. വിദ്യാർഥികൾ കാർഷിക ഗീതങ്ങൾ ആലപിച്ചു.