ചാ​വ​ശേ​രി കാ​ശി​മു​ക്കി​ൽ അടച്ചിട്ട വീ​ട് കു​ത്തി​ത്തു​റ​ന്ന് 12 പ​വ​ൻ ക​വ​ർ​ന്നു
Tuesday, August 20, 2024 1:41 AM IST
ചാ​വ​ശേ​രി: കാ​ശി​മു​ക്കി​ൽ പൂ​ട്ടി​ക്കി​ട​ന്ന വീ​ട് കു​ത്തി​ത്തു​റ​ന്ന് 12 പ​വ​ൻ സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്നു. കാ​ശി​മു​ക്ക് മു​സ്‌​ലിം പ​ള്ളി​ക്ക് സ​മീ​പ​ത്തെ ആ​യി​ഷ നെ​സ്റ്റി​ൽ കെ.​കെ. ജാ​ഫ​റി​ന്‍റെ വീ​ടി​ന്‍റെ മു​ൻ​ഭാ​ഗത്തെ ​വാ​തി​ൽ ത​ക​ർ​ത്താ​യി​രു​ന്നു ക​വ​ർ​ച്ച. കൈ​ക്കോ​ട്ടും ഇ​രു​മ്പു​ക​മ്പി​യും ഉ​പ​യോ​ഗി​ച്ചാ​ണ് വാ​തി​ലി​ന്‍റെ പൂ​ട്ട് കു​ത്തി​പ്പൊ​ളി​ച്ച​തെ​ന്ന് ക​രു​തു​ന്നു. കൈ​ക്കോ​ട്ടി​ന്‍റെ ഒ​രു ഭാ​ഗം വീ​ട്ടു​വ​രാ​ന്ത​യി​ലും ബാ​ക്കി ഭാ​ഗം ഹാ​ളി​ലെ സോ​ഫ​യി​ലും ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി. ഒ​രു ക​മ്പി​യും വീ​ട്ടു​വ​രാ​ന്ത​യി​ൽ ക​ണ്ടെ​ത്തി.

കി​ട​പ്പു​മു​റി​യി​ലെ​യും ഹാ​ളി​ലെയും അ​ല​മാ​ര​യു​ടെ​യും മേ​ശ​യു​ടെ​യും മ​റ്റും ഡോ​റു​ക​ൾ തു​റ​ന്നു സാ​ധ​ന​ങ്ങ​ൾ പു​റ​ത്തു​വ​ലി​ച്ചി​ട്ട നി​ല​യി​ലാ​ണ്. അ​ല​മാ​ര​യി​ൽ സൂ​ക്ഷി​ച്ച കു​ട്ടി​ക​ളു​ടെ ര​ണ്ടു​വ​ള, ര​ണ്ടു ചെ​യി​ൻ, കൈ​ച്ചെ​യി​ൻ, മാ​ല തു​ട​ങ്ങി​യ​വ​യാ​ണ് മോ​ഷ​ണം പോ​യ​ത്. ജാ​ഫ​റി​ന്‍റെ ഭാ​ര്യ​യു​ടെ ഉ​മ്മ തി​ങ്ക​ളാ​ഴ്ച രാ​വി​ലെ പ​തി​നൊ​ന്നൊ​ടെ വീ​ട്ടി​ലെ​ത്തി​യ​പ്പോ​ഴാ​ണ് വീ​ടി​ന്‍റെ മു​ൻ​ഭാ​ഗ​ത്തെ വാ​തി​ൽ ത​ക​ർ​ത്ത നി​ല​യി​ൽ ക​ണ്ടെ​ത്തി​യ​ത്. തു​ട​ർ​ന്നു മ​ട്ട​ന്നൂ​ർ പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.

മ​ട്ട​ന്നൂ​ർ എ​സ്എ​ച്ച​ഒ എം. ​അ​നി​ലി​ന്‍റെ നേ​തൃ​ത്വ​ത്തി​ൽ പോ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തി. ക​ണ്ണൂ​രി​ൽ​നി​ന്ന് ഡോ​ഗ് സ്ക്വാ​ഡും ഫോ​റ​ൻ​സി​ക് വി​ഭാ​ഗ​വും വീ​ട്ടി​ലെ​ത്തി പ​രി​ശോ​ധ​ന ന​ട​ത്തി. ഡോ​ഗ് മ​ണം പി​ടി​ച്ച് റോ​ഡി​ലൂ​ടെ ഓ​ടി​യെ​ങ്കി​ലും ഒ​ന്നും ക​ണ്ടെ​ത്താ​നാ​യി​ല്ല. ക​വ​ർ​ച്ച ന​ട​ന്ന വീ​ട്ടി​ൽ സി​സി​ടി​വി കാ​മ​റ​ക​ൾ സ്ഥാ​പി​ച്ചി​രു​ന്നു​വെ​ങ്കി​ലും ഇ​തു പ്ര​വ​ർ​ത്തി​ക്കു​ന്നി​ല്ല. ജാ​ഫ​റും കു​ടും​ബ​വും ബം​ഗ​ളൂ​രു​വി​ലാ​ണ് ഇ​പ്പോ​ൾ താ​മ​സി​ച്ചു​വ​രു​ന്ന​ത്.
Copyright @ 2018 , Rashtra Deepika Ltd.