മുഖ്യമന്ത്രി അടക്കമുള്ളവർക്ക് ഉപയോഗിക്കാനായി വാടകയ്ക്കെടുത്ത ഹെലികോപ്റ്ററിന് 30 കോടി രൂപ നൽകിയെന്ന വിവരം കഴിഞ്ഞ ദിവസം പുറത്തുവന്നിരുന്നു. പിആർ ഏജൻസി വഴി അഭിമുഖം നൽകിയെന്ന വിവാദവും കഴിഞ്ഞ ആഴ്ചകളിൽ മുഖ്യമന്ത്രിക്കെതിരേ ഉയർന്നിരുന്നു.
ശന്പളം 75,000 രൂപ വരെ! 45,000 രൂപ മുതൽ 75,000 രൂപ വരെയാണ്സോഷ്യൽ മീഡിയ ടീം അംഗങ്ങൾക്കു പ്രതിമാസ ശന്പളം. സോഷ്യൽ മീഡിയ ടീം ലീഡർക്ക് 75,000 രൂപയാണ് പ്രതിമാസ ശന്പളമായി നിശ്ചയിച്ചിട്ടുള്ളത്. കണ്ടന്റ് മാനേജർക്ക് 70,000 രൂപയും സീനിയർ വെബ് അഡ്മിനിസ്ട്രേറ്റർ, സോഷ്യൽ മീഡിയ കോ-ഓർഡിനേറ്റർ, കണ്ടന്റ് സ്ട്രാറ്റജിസ്റ്റ് എന്നിവർക്ക് 65,000 രൂപ വീതവുമാണ് ശന്പളം. ഡെലിവറി മാനേജർ എന്ന തസ്തികയിൽ അരലക്ഷമാണ് രൂപയാണു ശന്പളം.
റിസർച്ച് ഫെല്ലോ, കണ്ടന്റ് ഡെവലപ്പർ, കണ്ടന്റ് അഗ്രഗേറ്റർ എന്നിവർക്ക് 53,000 രൂപ വീതമാണ് ശന്പളം. ഡാറ്റ റിപ്പോസിറ്ററി മാനേജർമാർക്ക് 45,000 രൂപ വീതവും ലഭിക്കും.