വയനാട്, ഇടുക്കി, പാലക്കാട് ജില്ലകളിൽ മില്ലറ്റ് കൃഷിക്ക് ഏറെ സാധ്യതയുണ്ട്. വിദഗ്ധരുമായി ആലോചിച്ച് പശ്ചിമഘട്ട മേഖലയ്ക്ക് അനുയോജ്യമായ കാർഷിക രീതി അവലംബിക്കാനുള്ള നടപടികളാണ് കാർഷിക മേഖലയിൽ സ്വീകരിച്ചത്. കാലാവസ്ഥയ്ക്ക് അനുയോജ്യമായ വിളയായതിനാൽ മില്ലറ്റിന് ഈ മേഖലയിൽ ഏറെ സാധ്യതകളുണ്ടെന്നും മന്ത്രി പറഞ്ഞു.
കൃഷിവകുപ്പ് ഡയറക്ടർ ഡോ.അദീല അബ്ദുള്ള, പ്രൈസസ് ബോർഡ് ചെയർമാൻ ഡോ.പി. രാജശേഖരൻ തുടങ്ങിയവരും കണ്വെൻഷനിൽ പങ്കെടുത്തു. തെലങ്കാന കൃഷി മന്ത്രി തുമ്മല നാഗേശ്വര റാവുജി, കേന്ദ്ര കാർഷിക ഗവേഷണ വിദ്യാഭ്യാസ വകുപ്പ് സെക്രട്ടറി ഡോ. ഹിമാൻഷു പഥക്, അഡീഷണൽ സെക്രട്ടറി ശുഭ ഠാക്കൂർ, ന്യൂട്രി ഹബ് സിഇഒ ഡോ. ബി. ദയാകർ റാവു വിവിധ രാജ്യങ്ങളിൽ നിന്നുള്ള പ്രതിനിധികളും പങ്കെടുത്തു.