പോലീസിന് സംഭവിച്ചത് വൻ സുരക്ഷാവീഴ്ച തിരുവനന്തപുരം: ശ്രീപത്മനാഭ സ്വാമി ക്ഷേത്രത്തിലെ നിവേദ്യ പാത്രം കാണാതായ സംഭവത്തിൽ പോലീസിന് സംഭവിച്ചത് വൻ സുരക്ഷാ വീഴ്ച.അതീവ സുരക്ഷാ മേഖലയായ ശ്രീപദ്മാനാഭസ്വാമി ക്ഷേത്രത്തിൽ നിന്ന് ഇത്തരത്തിൽ നിവേദ്യപാത്രം മോഷണം പോയ സംഭവം ഉന്നത പോലീസ് ഉദ്യോഗസ്ഥർ ഏറെ ആശങ്കയോടെയാണ് കാണുന്നത്.
ഒരു എസ്പി, ഡിവൈഎസ്പി, നാല് സിഐമാർ ഉൾപ്പെടെയുള്ള ഉന്നത പോലീസ് ഉദ്യോഗസ്ഥരുടെ നിയന്ത്രണത്തിലാണ് പത്മനാഭ സ്വാമിക്ഷേത്രത്തിലെ സുരക്ഷ. കൂടാതെ 200 ലധികം പോലീസുകാരെയും സുരക്ഷയ്ക്കായി വിന്യസിച്ചിട്ടുണ്ട്. മെറ്റൽ ഡിറ്റക്ടർ അടക്കമുള്ള സുരക്ഷാ സംവിധാനങ്ങൾ ഉൾപ്പെടെയുള്ള ക്ഷേത്രത്തിൽ നിന്നുമാണ് ആരുമറിയാതെ നിവേദ്യ പാത്രം പുറത്തു കൊണ്ടുപോയത്. എന്നാൽ പാത്രം കാണാതായി ദിവസങ്ങൾക്ക് ശേഷമാണ് ക്ഷേത്രം അധികാരികൾ പോലും ഇക്കാര്യം അറിയുന്നത്.