മുഖ്യ തെരഞ്ഞെടുപ്പ് ഓഫീസറായി നിയമിക്കേണ്ടവരുടെ പട്ടിക ഇന്നോ നാളെയോ കേന്ദ്ര തെരഞ്ഞെടുപ്പു കമ്മീഷന് കൈമാറുമെന്ന് അധികൃതർ അറിയിച്ചു. കേന്ദ്ര തെരഞ്ഞെടുപ്പു കമ്മീഷനുമായി ബന്ധപ്പെട്ടിരുന്നു. പട്ടിക കൈമാറിയാൽ വൈകാതെ നിയമനം നൽകുമെന്ന ഉറപ്പു ലഭിച്ചിട്ടുണ്ട്. എന്നാൽ, തെരഞ്ഞെടുപ്പു നടപടിക്രമങ്ങളുമായി ബന്ധപ്പെട്ട പ്രാഥമിക കാര്യങ്ങൾ പോലും അറിയാത്തവരെ സിഇഒമാരായി നിയമിക്കുന്നത് സുതാര്യമായ തെരഞ്ഞെടുപ്പിനെ ദോഷകരമായി ബാധിക്കുമോ എന്ന ആശങ്കയുമുണ്ട്.
സാധാരണയായി പ്രിൻസിപ്പൽ സെക്രട്ടറി, അഡീഷണൽ ചീഫ് സെക്രട്ടറി പദവിയിലുള്ള മുതിർന്ന ഐഎഎസ് ഉദ്യോഗസ്ഥരെയാണ് മുഖ്യ തെരഞ്ഞെടുപ്പ് ഓഫീസർമാരായി നിയമിക്കുന്നത്. ഇതിനായി ചില മുതിർന്ന ഐഎഎസ് ഉദ്യോഗസ്ഥരുടെ പേരുകൾ സജീവമായി പരിഗണിച്ചിരുന്നു. നവംബർ 13നാണ് ഉപതെരഞ്ഞടുപ്പു നടക്കുക.