കൊച്ചി: അലൻ വാക്കറുടെ കൊച്ചിയിലെ സംഗീതനിശയ്ക്കിടയിൽ മൊബൈൽ ഫോണുകൾ മോഷ്ടിച്ച കേസിൽ അറസ്റ്റിലായ മുംബൈ സംഘത്തിലെ പ്രതികളായ ശ്യാം ബെരന്വാളും സണ്ണി ബോല യാദവും കഴിഞ്ഞ 18ന് പൂനയില് നടന്ന അലന് വാക്കര് ഷോയ്ക്കിടയിലും കവര്ച്ച നടത്തിയതായി പോലീസിന് വിവരം ലഭിച്ചു. കൊച്ചിയില് നിന്നുള്ള അന്വേഷണസംഘം താനെയിലെത്തുമ്പോള് ഇരുവരും സ്ഥലത്തുണ്ടായിരുന്നില്ല.
മൊബൈല് ടവര് ലൊക്കേഷന് പരിശോധിച്ചപ്പോള് പൂനയിലെന്ന് വ്യക്തമായി. വിശദമായി അന്വേഷിച്ചപ്പോഴാണ് ഇവര് അലന് വാക്കര് ഷോയില് പോയിരുന്നതായി ഉറപ്പായത്. ഇവിടെനിന്നും മൊബൈലുകള് കവര്ന്നതായി സംശയമുണ്ട്. ഇതിനു പിന്നാലെ പൂനയില് നിന്നെത്തി വിശ്രമിക്കുമ്പോഴാണ് വീടുവളഞ്ഞ് പോലീസ് പ്രതികളെ കസ്റ്റഡിയിലെടുക്കുന്നത്. ചെറുത്തു നില്ക്കാന് ശ്രമിച്ച പ്രതികളെ പോലീസ് കീഴ്പ്പെടുത്തുകയായിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.