മാധ്യമപ്രവര്ത്തകര് ധാര്മികമൂല്യം ഉയര്ത്തിപ്പിടിക്കണമെന്നും രാജ്യത്തെ രൂപപ്പെടുത്തുന്നതില് മാധ്യമങ്ങള്ക്കു വലിയ പങ്കുണ്ടെന്നും വിശിഷ്ടാതിഥിയായിരുന്ന ബെന്നി ബഹനാന് എംപി പറഞ്ഞു.
വൈകുന്നേരം നടന്ന സമാപനസമ്മേളനത്തില് ജസ്റ്റീസ് ദേവന് രാമചന്ദ്രന് മുഖ്യാതിഥിയായിരുന്നു. മാധ്യമങ്ങളില്ലെങ്കില് ജനാധിപത്യമുണ്ടാകില്ലെന്ന് അദ്ദേഹം പറഞ്ഞു. സത്യം പുറത്തുവരുന്നതിന് എതിരായി വരുന്നത് നിക്ഷിപ്ത താത്പര്യക്കാരാണ്. എല്ലാ ശബ്ദങ്ങളെയും കേള്ക്കാന് സഹിഷ്ണുത കാട്ടണം.
നിയന്ത്രിക്കാനാകില്ലെങ്കിലും സമൂഹമാധ്യമങ്ങളെ നിയന്ത്രിക്കേണ്ടത് അനിവാര്യമാണെന്നും അദ്ദേഹം പറഞ്ഞു. കൊല്ലത്തു കാണാതായ അഭിഗേല് സാറയെയും ഷിരൂരില് അര്ജുനായുള്ള തെരച്ചിലിലും മാധ്യമങ്ങളുടെ നിതാന്ത ജാഗ്രതയെ ജസ്റ്റീസ് ദേവന് രാമചന്ദ്രന് അഭിനന്ദിച്ചു.
കേരള പത്രപ്രവര്ത്തക യൂണിയന് സംസ്ഥാന പ്രസിഡന്റ് കെ.പി. റെജി അധ്യക്ഷത വഹിച്ചു. ജനറല് സെക്രട്ടറി സുരേഷ് ഇടപ്പാള്, സിഐസിസി ജയചന്ദ്രന്, കെഎന്ഇഎഫ് സംസ്ഥാന പ്രസിഡന്റ് ഇ.എസ്. ജോണ്സണ്, എം.വി. വിനീത, ആര്. കിരണ് ബാബു എന്നിവര് പ്രസംഗിച്ചു.