മലപ്പുറം: പി.വി.അന്‍വര്‍ മുസ്‌ലിം ലീഗിലേക്ക് വരുമോ എന്ന ചോദ്യം തന്നെ അപ്രസക്തമാണെന്ന് മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി പറഞ്ഞു. അന്‍വറിനെ സ്വാഗതം ചെയ്തത് അറിഞ്ഞിട്ടില്ലെന്നും കുഞ്ഞാലിക്കുട്ടി വ്യക്തമാക്കി.
പി.വി. അന്‍വറിനെ മുസ്‌ലിം ലീഗിലേക്ക് സ്വാഗതം ചെയ്തുവെന്ന രീതിയില്‍ വരുന്ന വാര്‍ത്തകള്‍ വ്യാജമെന്ന് മുസ്‌ലിം ലീഗ് സംസ്ഥാന ജനറല്‍ സെക്രട്ടറി പി.എം.എ. സലാമും പ്രതികരിച്ചു. അന്‍വറിനെ സ്വാഗതം ചെയ്യുന്നുവെന്ന പരാമര്‍ശം പോസ്റ്റിലില്ല. മുസ്‌ലിം ലീഗിന്‍റെയും യുഡിഎഫിന്‍റെയും നിലപാടാണ് സത്യമെന്ന് തിരിച്ചറിഞ്ഞ് അന്‍വറിന് ആ നിലപാടിനൊപ്പം നില്‍ക്കേണ്ടി വരുമെന്ന് പറഞ്ഞാല്‍ അതെങ്ങനെ ലീഗിലേക്ക് സ്വാഗതം ചെയ്യലാകും? സുവ്യക്തമായ ഒരു വാചകത്തെ ഇങ്ങനെ വളച്ചൊടിക്കരുതെന്നും കേരളം ചര്‍ച്ച ചെയ്യേണ്ട വിഷയത്തെ വഴിതിരിച്ചു വിടരുതെന്നും പി.എം.എ. സലാം പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.