അച്ചടക്ക ലംഘനം നടത്തിയിട്ടില്ല നിലമ്പൂര്‍: തന്‍റെ ഫേസ്ബുക്ക് പോസ്റ്റില്‍ ഒരേ ആരോപണം ഉന്നയിക്കുന്നവര്‍ ഒരുമിച്ച് നില്‍ക്കാമെന്ന് മാത്രമാണ് പറഞ്ഞതെന്ന് മുസ്‌ലിം ലീഗ് നിലമ്പൂര്‍ നിയോജക മണ്ഡലം പ്രസിഡന്‍റ് സി.എച്ച്. ഇഖ്ബാല്‍. അച്ചടക്ക ലംഘനമൊന്നും നടത്തിയിട്ടില്ലെന്നും പാര്‍ട്ടിയുടെ ഉന്നതപദവിയിലിരിക്കുന്നവര്‍ ആവശ്യപ്പെട്ടതനുസരിച്ച് ഫേസ് ബുക്ക് പോസ്റ്റ് പിന്‍വലിച്ചതായും സി.എച്ച്. ഇഖ്ബാല്‍ പ്രതികരിച്ചു.
ഒരുമിച്ചുള്ള പോരാട്ടം നാടിന്‍റെ ആവശ്യമാണ്. അല്ലെങ്കില്‍ പോലീസിന്‍റെ അനാവശ്യ നിയമലംഘനങ്ങളും വേട്ടയാടലുകളും തുടരുമെന്നും അദ്ദേഹം വ്യക്തമാക്കി. ഇന്നലെ നടന്ന നിയോജക മണ്ഡലം ഭാരവാഹികളുടെ യോഗത്തില്‍ ഇഖ്ബാല്‍ പോസ്റ്റ് സംബന്ധിച്ചുള്ള വിശദീകരണം നല്‍കുകയും ചെയ്തു.